ಕರ್ನಾಟಕ ಜಾತಿ ಗಣತಿ,ಅಂತಿಮ ವರದಿಯಲ್ಲಿ ಒಕ್ಕಲಿಗ, ಲಿಂಗಾಯತ, ಕುರುಬ, ಮುಸ್ಲಿಂ ಜನಸಂಖ್ಯೆ ಅಂಕಿ ಅಂಶ ಬಹಿರಂಗ

ರಾಜ್ಯ ಹಿಂದುಳಿದ ವರ್ಗಗಳ ಆಯೋಗವು ಸಿಎಂ ಸ್ಥಾನದಿಂದ ನಿರ್ಗಮಿಸುತ್ತಿದ್ದ ಸಿದ್ದರಾಮಯ್ಯನವರಿಗೆ ನೀಡಿದ್ದ ಬಹುನಿರೀಕ್ಷಿತ 'ಜಾತಿ ಗಣತಿ' ವರದಿ ಅಂಕಿ ಅಂಶಗಳು ಬಹಿರಂಗಗೊಂಡಿವೆ. ವರದಿಯನ್ವಯ, ರಾಜ್ಯದಲ್ಲಿ ಮುಸ್ಲಿಮರು ಅತಿ ಹೆಚ್ಚು ಜನಸಂಖ್ಯೆ ಹೊಂದಿ ಮೊದಲ ಸ್ಥಾನದಲ್ಲಿದ್ದಾರೆ. ನಂತರದ ಸ್ಥಾನಗಳಲ್ಲಿ ಕ್ರಮವಾಗಿ ವೀರಶೈವ ಲಿಂಗಾಯತರು, ಒಕ್ಕಲಿಗರು ಹಾಗೂ ಕುರುಬರಿದ್ದಾರೆ. ಅಲ್ಲದೆ, ಒಬಿಸಿ ಮೀಸಲಾತಿಯನ್ನು ಶೇ. 32ರಿಂದ ಶೇ. 42ಕ್ಕೆ ಹೆಚ್ಚಿಸುವಂತೆ ಆಯೋಗ ಶಿಫಾರಸು ಮಾಡಿದೆ.

ಸಿದ್ದರಾಮಯ್ಯ ಅವರು ನಿರ್ಗಮನಕ್ಕೂ ಮುನ್ನ ನೀಡಿದ ಸಾಮಾಜಿಕ, ಶೈಕ್ಷಣಿಕ ಹಾಗೂ ಆರ್ಥಿಕ ಸಮೀಕ್ಷೆಯ (ಜಾತಿ ಗಣತಿ) ಅಂತಿಮ ವರದಿ ಅಂಕಿ ಅಂಶ ಬಹಿರಂಗ.ಮುಸ್ಲಿಂ, ಲಿಂಗಾಯತ, ಕುರುಬ, ಒಕ್ಕಲಿಗ ಸೇರಿ ವಿವಿಧ ಜಾತಿ ಸಮುದಾಯಗಳ ಜನಸಂಖ್ಯೆ ಮಾಹಿತಿ ಇದೆ.ರಾಜ್ಯದ ಒಟ್ಟು ಜನಸಂಖ್ಯೆಯಲ್ಲಿ ಮುಸ್ಲಿಂ ಸಮುದಾಯವು ಅತಿ ಹೆಚ್ಚು ಜನಸಂಖ್ಯೆ ಹೊಂದುವ ಮೂಲಕ ಮೊದಲ ಸ್ಥಾನ.

ಕರ್ನಾಟಕದಲ್ಲಿ ನಡೆದ ಜಾತಿ ಗಣತಿ ಅಂಕಿ ಅಂಶ ಬಹಿರಂಗ

ರಾಜ್ಯ ಹಿಂದುಳಿದ ವರ್ಗಗಳ ಆಯೋಗ ಸಿದ್ದರಾಮಯ್ಯ ಅವರು ನಿರ್ಗಮನಕ್ಕೂ ಮುನ್ನ ನೀಡಿದ ಸಾಮಾಜಿಕ, ಶೈಕ್ಷಣಿಕ ಹಾಗೂ ಆರ್ಥಿಕ ಸಮೀಕ್ಷೆಯ (ಜಾತಿ ಗಣತಿ) ಅಂತಿಮ ವರದಿಯ ಅಂಕಿ ಅಂಶಗಳು ಬಹಿರಂಗವಾಗಿವೆ. ವಿವಿಧ ಜಾತಿ ಸಮುದಾಯಗಳ ಜನಸಂಖ್ಯೆ ವಿವರ ನೀಡಲಾಗಿದೆ. ಪ್ರಮುಖವಾಗಿ, ರಾಜ್ಯದ ಒಟ್ಟು ಜನಸಂಖ್ಯೆಯಲ್ಲಿ ಮುಸ್ಲಿಂ ಸಮುದಾಯವು ಅತಿ ಹೆಚ್ಚು ಜನಸಂಖ್ಯೆ ಹೊಂದುವ ಮೂಲಕ ಮೊದಲ ಸ್ಥಾನದಲ್ಲಿದೆ ಎನ್ನಲಾಗಿದೆ.

ಆಯೋಗದ ಅಧ್ಯಕ್ಷರಾದ ಮಧುಸೂದನ ನಾಯ್ಕ್ ಮತ್ತು ಇತರ ಸದಸ್ಯರು ವಿಧಾನಸೌಧದಲ್ಲಿ ಸಿದ್ದರಾಮಯ್ಯ ಅವರಿಗೆ ಬುಧವಾರ ಈ ಮಹತ್ವದ ವರದಿಯನ್ನು ಹಸ್ತಾಂತರಿಸಿದ್ದರು. ವರದಿಯ ದತ್ತಾಂಶಗಳ ಪ್ರಕಾರ, ರಾಜ್ಯದಲ್ಲಿ ಮುಸ್ಲಿಮರ ಜನಸಂಖ್ಯೆ ಶೇಕಡಾ 14 ರಷ್ಟಿದ್ದು (ಸುಮಾರು 80.14 ಲಕ್ಷ), ಅತಿ ದೊಡ್ಡ ಸಮುದಾಯವಾಗಿ ಹೊರಹೊಮ್ಮಿದೆ. ತದನಂತರದ ಸ್ಥಾನಗಳಲ್ಲಿ ಕ್ರಮವಾಗಿ ವೀರಶೈವ ಲಿಂಗಾಯತರು, ಒಕ್ಕಲಿಗರು ಮತ್ತು ಕುರುಬ ಸಮುದಾಯಗಳಿವೆ.

ರಾಜ್ಯದ ಅಂದಾಜು 6.14 ಕೋಟಿ ಜನಸಂಖ್ಯೆಯ ಪೈಕಿ, 5.86 ಕೋಟಿ ಜನರು ಈ ಬೃಹತ್ ಸಮೀಕ್ಷೆಯಲ್ಲಿ ಭಾಗವಹಿಸಿ ಮಾಹಿತಿ ಒದಗಿಸಿದ್ದಾರೆ. ಒಟ್ಟು 13 ಅಧ್ಯಾಯಗಳನ್ನು ಒಳಗೊಂಡಿರುವ ಈ ವರದಿಯು, ರಾಜ್ಯದ ಪ್ರತಿಯೊಂದು ಜಾತಿಯ ಜನಸಂಖ್ಯೆ, ಅವರ ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಹಾಗೂ ರಾಜಕೀಯ ಸ್ಥಿತಿಗತಿಗಳ ಸಮಗ್ರ ಮಾಹಿತಿಯನ್ನು ಒಳಗೊಂಡಿದೆ ಎನ್ನಲಾಗಿದೆ.

ಅಂತಿಮ ಜಾತಿ ಗಣತಿ ವರದಿಯಲ್ಲಿ ಯಾವ ಜಾತಿ/ ಸಮುದಾಯದ ಜನ ಸಂಖ್ಯೆ ಎಷ್ಟು?

ಸ್ಥಾನ ಜಾತಿ / ಸಮುದಾಯ ಅಂದಾಜು ಜನಸಂಖ್ಯೆ ಒಟ್ಟು ಜನಸಂಖ್ಯೆಯಲ್ಲಿ ಶೇಕಡಾವಾರು ಪ್ರಮಾಣ

1 ಮುಸ್ಲಿಮರು 80 ಲಕ್ಷ (80.14 ಲಕ್ಷ) 14%

2 ವೀರಶೈವ-ಲಿಂಗಾಯತರು 65 ಲಕ್ಷ 11%

3 ಒಕ್ಕಲಿಗರು 60 ಲಕ್ಷ 10%

4 ಕುರುಬರು 45 ಲಕ್ಷ 08%

ಮೀಸಲಾತಿ ಪ್ರಮಾಣ ಶೇ 42ಕ್ಕೆ ಹೆಚ್ಚಿಸಲು ಶಿಫಾರಸು

ವರದಿಯಲ್ಲಿ ಜನಸಂಖ್ಯೆಯ ಜೊತೆಗೆ, ಹಿಂದುಳಿದ ವರ್ಗಗಳ ಮೀಸಲಾತಿ ಪ್ರಮಾಣವನ್ನು ಹಾಲಿ ಇರುವ ಶೇಕಡಾ 32 ರಿಂದ ಶೇಕಡಾ 42ಕ್ಕೆ ಹೆಚ್ಚಿಸುವಂತೆ ಆಯೋಗವು ಮಹತ್ವದ ಶಿಫಾರಸು ಮಾಡಿದೆ. ವಿವಿಧ ಪ್ರವರ್ಗಗಳ ಅಡಿ ಜಾತಿಗಳನ್ನು ಮರುವಿಂಗಡಿಸಿ, ಎರಡು ಮಾದರಿಯ ಮೀಸಲಾತಿ ಹಂಚಿಕೆಯನ್ನು ಆಯೋಗವು ಸೂಚಿಸಿದೆ.

ಪ್ರವರ್ಗ 1ಎ: 4%

ಪ್ರವರ್ಗ 1ಬಿ: 4%

ಪ್ರವರ್ಗ 2ಎ: 10%

ಪ್ರವರ್ಗ 2ಬಿ: 6%

ಪ್ರವರ್ಗ 2ಸಿ: 6%

ಪ್ರವರ್ಗ 3ಎ: 4%

ಪ್ರವರ್ಗ 3ಬಿ: 5%

ಪ್ರವರ್ಗ 3ಸಿ: 3%

ಒಂದು ವೇಳೆ ಹಾಲಿ ಇರುವ ಶೇ. 32ರ ಮಿತಿಯಲ್ಲೇ ಮೀಸಲಾತಿ ನೀಡಲು ಉದ್ದೇಶಿಸಿದರೆ, ಪ್ರವರ್ಗ-1ರ ಎರಡು ಭಾಗಗಳಿಗೆ ತಲಾ ಶೇ.3, ಪ್ರವರ್ಗ-2ಎ ಗೆ ಶೇ.8, 2ಬಿ ಗೆ ಶೇ.4, 2ಸಿ ಗೆ ಶೇ.5 ಹಾಗೂ ಪ್ರವರ್ಗ-3ಎ ಗೆ ಶೇ.4, 3ಬಿ ಗೆ ಶೇ.2 ರಷ್ಟು ಮೀಸಲಾತಿ ನೀಡಲು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.