Ai Learning: ದುಬಾರಿ ಎಐ ಕೋರ್ಸ್‌ ಸಂಪೂರ್ಣ ಉಚಿತ, ಕಲಿಸೋದರ ಜೊತೆಗೆ ದುಡ್ಡೂ ಕೊಡ್ತಾರೆ! ಅರ್ಜಿ ಸಲ್ಲಿಸಲು 3 ದಿನ ಬಾಕಿ

ಎನ್‌ಸಿಎಸ್‌ಸಿ ಫಾರ್ ಎಸ್‌ಸಿ ಎಸ್‌ಟಿ ಬೆಂಗಳೂರು 2026-27ಕ್ಕೆ ಉಚಿತ ತರಬೇತಿ, ವಿದ್ಯಾರ್ಥಿ ವೇತನದೊಂದಿಗೆ ಐಟಿ ಕೋರ್ಸ್‌ಗಳಿಗೆ ಎಸ್‌ಸಿ ಎಸ್‌ಟಿ ನಿರುದ್ಯೋಗಿ ಯುವಕರಿಂದ ಮೇ 30, 2026ರವರೆಗೆ ಅರ್ಜಿ ಆಹ್ವಾನಿಸಿದೆ

ಉದ್ಯೋಗದ ನಿರೀಕ್ಷೆಯಲ್ಲಿರುವ ಪರಿಶಿಷ್ಟ ಜಾತಿ (SC) ಮತ್ತು ಪರಿಶಿಷ್ಟ ಪಂಗಡದ (ST) ಯುವಕ-ಯುವತಿಯರಿಗೆ ಭಾರತ ಸರ್ಕಾರದ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯ ಭರ್ಜರಿ ಗುಡ್ ನ್ಯೂಸ್ ನೀಡಿದೆ. ನಿರುದ್ಯೋಗಿ ಯುವಕರಿಗೆ ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ಅಧೀನದಲ್ಲಿರುವ ಬೆಂಗಳೂರಿನ 'ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡದ ರಾಷ್ಟ್ರೀಯ ವೃತ್ತಿ ಸೇವಾ ಕೇಂದ್ರ'ವು (NCSC for SC/STs) 2026-27ನೇ ಸಾಲಿನ ಉಚಿತ ತರಬೇತಿ ಕಾರ್ಯಕ್ರಮಗಳಿಗೆ ಅರ್ಜಿ ಆಹ್ವಾನಿಸಿದೆ.

ತರಬೇತಿ ಉಚಿತ, ಧನ ಸಹಾಯವೂ ಉಂಟು!

ವಿಶೇಷವೆಂದರೆ, ತರಬೇತಿಯು ಸಂಪೂರ್ಣ ಉಚಿತವಾಗಿದ್ದು, ಆಯ್ಕೆಯಾದ ಅಭ್ಯರ್ಥಿಗಳಿಗೆ ತರಬೇತಿ ಅವಧಿಯಲ್ಲಿ ವಿದ್ಯಾರ್ಥಿ ವೇತನವನ್ನು (Scholarship) ಸಹ ನೀಡಲಾಗುತ್ತದೆ ಎಂದು ಮಂಡ್ಯ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯ ಉದ್ಯೋಗಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಯಾವೆಲ್ಲಾ ಕೋರ್ಸ್‌ಗಳು ಲಭ್ಯವಿವೆ?

ವಿಶೇಷ ತರಬೇತಿ ಯೋಜನೆಯಡಿ (Special Coaching Scheme) 1 ವರ್ಷದ ದೀರ್ಘಾವಧಿ ಹಾಗೂ 2 ತಿಂಗಳ ಅಲ್ಪಾವಧಿ ಕೋರ್ಸ್‌ಗಳನ್ನು ಆಯೋಜಿಸಲಾಗಿದೆ:

'O' ಲೆವೆಲ್ ಕಂಪ್ಯೂಟರ್ ತರಬೇತಿ (NIELIT Software) - 1 ವರ್ಷ

'O' ಲೆವೆಲ್ ಕಂಪ್ಯೂಟರ್ ಹಾರ್ಡ್‌ವೇರ್ ನಿರ್ವಹಣೆ ತರಬೇತಿ - 1 ವರ್ಷ

ಆಫೀಸ್ ಆಟೊಮೇಷನ್, ಅಕೌಂಟಿಂಗ್ ಮತ್ತು ಪಬ್ಲಿಷಿಂಗ್ ಅಸಿಸ್ಟೆಂಟ್ (NIELIT) - 1 ವರ್ಷ

ಕಂಪ್ಯೂಟರ್ ಅಪ್ಲಿಕೇಶನ್ ಮತ್ತು ಬಿಸಿನೆಸ್ ಅಕೌಂಟಿಂಗ್ ಅಸೋಸಿಯೇಟ್ (NIELIT) - 1 ವರ್ಷ

ಸೈಬರ್ ಸೆಕ್ಯೂರ್ಡ್ ವೆಬ್‌ ಡೆವಲಪ್‌ಮೆಂಟ್ ಅಸೋಸಿಯೇಟ್ (NIELIT) - 1 ವರ್ಷ

ಫೌಂಡೇಶನ್ ಆಫ್ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) - 2 ತಿಂಗಳು

ಅರ್ಜಿ ಸಲ್ಲಿಸಲು ಇರಬೇಕಾದ ಅರ್ಹತೆಗಳೇನು?

ವಿದ್ಯಾರ್ಹತೆ: ಕನಿಷ್ಠ ದ್ವಿತೀಯ ಪಿಯುಸಿ (10+2) ಉತ್ತೀರ್ಣರಾಗಿರಬೇಕು.

ವಯೋಮಿತಿ: 18 ರಿಂದ 30 ವರ್ಷದೊಳಗಿರಬೇಕು.

ಆದಾಯ ಮಿತಿ: ಅಭ್ಯರ್ಥಿಯ ಕುಟುಂಬದ ವಾರ್ಷಿಕ ಆದಾಯ ರೂ. 3 ಲಕ್ಷಕ್ಕಿಂತ ಕಡಿಮೆ ಇರಬೇಕು.

ಅರ್ಜಿ ಸಲ್ಲಿಕೆಗೆ ಕೊನೆಯ ದಿನಾಂಕ: ಮೇ 30, 2026

ಅರ್ಜಿ ಸಲ್ಲಿಸುವುದು ಹೇಗೆ?

ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ನಿಗದಿತ ನಮೂನೆಯಲ್ಲಿ ಅರ್ಜಿಗಳನ್ನು ಭರ್ತಿ ಮಾಡಿ ಕಳುಹಿಸಬೇಕು. ಅರ್ಜಿ ಫಾರ್ಮ್ ಪಡೆಯಲು ncscbengaluru@gmail.com ಗೆ ಇಮೇಲ್ ಮಾಡಬಹುದು.

ಸಂಪರ್ಕಿಸಬೇಕಾದ ವಿಳಾಸ

ಉಪ-ಪ್ರಾಂತ್ಯ ಉದ್ಯೋಗ ಅಧಿಕಾರಿ, ರಾಷ್ಟ್ರೀಯ ಉದ್ಯೋಗ ಸೇವಾ ಕೇಂದ್ರ (SC/STs), ಸರ್ಕಾರಿ ಮಾದರಿ ಐ.ಟಿ.ಐ (ಪುರುಷರು) ಕ್ಯಾಂಪಸ್, ಡೇರಿ ಸರ್ಕಲ್, ಬೆಂಗಳೂರು - 560029. ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ: 080-29756192 ಅಥವಾ ಇ-ಮೇಲ್: cgcempbg@nic.in ಗೆ ಸಂಪರ್ಕಿಸಬಹುದು.