Pension Scheme : 18ರಿಂದ 40 ವರ್ಷ ವಯಸ್ಸಿನವರಿಗೆ ಅರ್ಹತೆ.ತಿಂಗಳಿಗೆ ₹55ರಿಂದ ₹200ವರೆಗೆ ಹೂಡಿಕೆ.ನಿಮ್ಮ ಹಣಕ್ಕೆ ಸರ್ಕಾರವೂ ಸಮಾನ ಮೊತ್ತ ಜಮೆ ಮಾಡುತ್ತದೆ.
ವೃದ್ಧಾಪ್ಯದಲ್ಲಿ ಹಣಕಾಸು ಸಹಾಯವಿಲ್ಲದೇ ಜೀವನ ಸಾಗಿಸುವ ಕಷ್ಟ ಸಾಧ್ಯ. ಈಗ ಕೇಂದ್ರ ಸರ್ಕಾರವು ಪ್ರಧಾನಮಂತ್ರಿ ಶ್ರಮಯೋಗಿ ಮಾಂಧನ್ ಯೋಜನೆ (PM-SYM) ಮೂಲಕ ಭದ್ರತೆ ನೀಡಲು ಕೈಜೋಡಿಸಿದೆ. ಈ ಯೋಜನೆಯ ಮುಖ್ಯ ಉದ್ದೇಶ: 60 ವರ್ಷದ ನಂತರ ಕಾರ್ಮಿಕರಿಗೆ ಪ್ರತಿ ತಿಂಗಳು ₹3,000 ಪೆನ್ಶನ್ ನೀಡುವುದು.ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ
ಅಸಂಘಟಿತ ಕ್ಷೇತ್ರದಲ್ಲಿ ಕೆಲಸ ಮಾಡುವ ಕಾರ್ಮಿಕರು, ಬೀದಿ ವ್ಯಾಪಾರಿಗಳು, ಕಾರ್ಮಿಕರು, ಬೀಡಿ ತಯಾರಕರು, ಗೃಹಕರ್ಮಚಾರಿಗಳು, ಕೃಷಿ ಕೂಲಿ ಕಾರ್ಮಿಕರು ಮುಂತಾದವರು ಈ ಯೋಜನೆಗೆ ಅರ್ಹರು.
ಇವರ ತಿಂಗಳ ಆದಾಯ ₹15,000 ಅಥವಾ ಅದಕ್ಕಿಂತ ಕಡಿಮೆ ಇರಬೇಕು. ಅರ್ಜಿ ಹಾಕಲು ವಯಸ್ಸು 18 ರಿಂದ 40 ವರ್ಷದೊಳಗಿರಬೇಕು.
ಈ ಯೋಜನೆಯಲ್ಲಿ ಭಾಗಿಯಾಗಲು, ವ್ಯಕ್ತಿಯ ವಯಸ್ಸಿನ ಆಧಾರದ ಮೇಲೆ ನಿಗದಿತ ಮೊತ್ತವನ್ನು ಪ್ರತಿ ತಿಂಗಳು ಪಾವತಿಸಬೇಕು. ವಿಶೇಷವೇನೆಂದರೆ, ಕಾರ್ಮಿಕನು ಎಷ್ಟು ಹೂಡಿಕೆ ಮಾಡುತ್ತಾನೋ, ಸರ್ಕಾರವೂ ಅಷ್ಟೇ ಹಣವನ್ನು ಅವರ ಖಾತೆಗೆ ಹಾಕುತ್ತದೆ. ಉದಾಹರಣೆಗೆ, ಕಾರ್ಮಿಕನು ತಿಂಗಳಿಗೆ ₹100 ಕೊಟ್ಟರೆ ಸರ್ಕಾರವೂ ₹100 ಸೇರ್ಪಡೆ ಮಾಡುತ್ತದೆ.
18 ವರ್ಷ ವಯಸ್ಸಿನವರು ಯೋಜನೆಗೆ ಸೇರಿದರೆ, ತಿಂಗಳಿಗೆ ಕೇವಲ ₹55 ಹೂಡಿಕೆ ಸಾಕು. ಆದರೆ 40 ವರ್ಷ ವಯಸ್ಸಿನವನು ಸೇರಲು ₹200 ಹೂಡಿಕೆ ಮಾಡಬೇಕು. ಪೆನ್ಶನ್ ಮೊತ್ತ ತಲುಪಲು ಈ ಹಣವನ್ನು 60 ವರ್ಷ ವಯಸ್ಸು ಪ್ರವೇಶಿಸುವವರೆಗೆ ಪಾವತಿಸಬೇಕಾಗುತ್ತದೆ.
ಈ ಯೋಜನೆಯ ನಿರ್ವಹಣೆಯನ್ನು ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯ (Ministry of Labour and Employment) ನೋಡಿಕೊಳ್ಳುತ್ತದೆ. ಯೋಜನೆಯನ್ನು ಭಾರತೀಯ ಜೀವ ವಿಮಾ ನಿಗಮ (LIC) ಮತ್ತು ಸಾಮಾನ್ಯ ಸೇವಾ ಕೇಂದ್ರಗಳು (CSC) ನಿರ್ವಹಣೆ ಮಾಡುತ್ತವೆ.
ಯೋಜನೆಗೆ ಸಂಬಂಧಪಟ್ಟ ಹೆಚ್ಚಿನ ಮಾಹಿತಿಗೆ ಅಧಿಕೃತ ವೆಬ್‌ಸೈಟ್: https://maandhan.in ಲಭ್ಯ.
ಈ ಯೋಜನೆಯ ಪ್ರಮುಖ ಉದ್ದೇಶವೇನೆಂದರೆ, ದುಡಿಯುತ್ತಿರುವ ಕಾಲದಲ್ಲಿಯೇ ಚಿಕ್ಕ ಹೂಡಿಕೆ ಮಾಡಿ, ವಯಸ್ಸಾದಾಗ ಭದ್ರತೆಯಿಂದ ಬಾಳುವುದು. ಇದು ನಿಜವಾಗಿಯೂ ಗ್ರಾಮೀಣ ಹಾಗೂ ಶ್ರಮಿಕ ವರ್ಗದವರಿಗೆ ಬಹುಮುಖ್ಯ ಆರ್ಥಿಕ ಸಾಧನ.