ನೌಕಾಪಡೆಯಲ್ಲಿ ಕರಿಯರ್ ರೂಪಿಸಿಕೊಳ್ಳಲು ಬಯಸುವವರಿಗೆ ಇದೀಗ ಸದಾವಕಾಶ. ಎಸ್ಎಸ್ಎಲ್ಸಿ, ಪಿಯುಸಿ ಅಥವಾ ಐಟಿಐ ಪಾಸಾದವರು, ಹಾಗೂ ಹನ್ನೆರಡನೇ ತರಗತಿ ಪರೀಕ್ಷೆ ಬರೆದು ಫಲಿತಾಂಶ ನಿರೀಕ್ಷೆಯಲ್ಲಿರುವವರಿಗೆ ವಾಣಿಜ್ಯ ನೌಕಾಪಡೆಯಲ್ಲಿವೆ 4000 ಹುದ್ದೆ. ಈಗಲೇ ಅರ್ಜಿ ಹಾಕಿರಿ.
ಭಾರತ ಸರ್ಕಾರದ ಬಂದರು, ಹಡಗು ಹಾಗೂ ಜಲಮಾರ್ಗದ ಸಚಿವಾಲಯದಡಿಯಲ್ಲಿ ಕಾರ್ಯ ನಿರ್ವಹಿಸುವ ವಾಣಿಜ್ಯ ನೌಕಾಪಡೆಯು ಇದೀಗ ವಿವಿಧ ವಿಭಾಗಗಳಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಹೊರಡಿಸಿದೆ. ಕಡಲ ನಿರ್ವಾಹಕರಾದ ಡೈರೆಕ್ಟರ್ ಜನರಲ್ ಆಫ್ ಶಿಪ್ಪಿಂಗ್ ಆಫೀಸರ್ ಇದರ ಮೇಲುಸ್ತುವಾರಿಯಾಗಿದ್ದು, ಖಾಸಗಿ ವಲಯ ಉದ್ಯಮವಾಗಿರುವ ವಾಣಿಜ್ಯ ನೌಕಾಪಡೆಯು ಕಡಲ ವ್ಯಾಪಾರಕ್ಕೆ ಅತ್ಯವಶ್ಯಕವಾಗಿದ್ದು, ಶೇಕಡ.7 ರಷ್ಟು ಪ್ರಮಾಣದ ಜನತೆ ವಾಣಿಜ್ಯ ನೌಕಾಪಡೆಯ ಮೂಲಕ ಸಾಗರ ಉದ್ಯಮದಲ್ಲಿ ತೊಡಗಿಕೊಂಡಿದ್ದಾರೆ. ಪ್ರಸ್ತುತ ಇಲ್ಲಿ ಖಾಲಿ ಇರುವ ಡೆಕ್ ರೇಟಿಂಗ್, ಇಂಜಿನ್ ರೇಟಿಂಗ್, ಸೀಮನ್ ಎಲೆಕ್ಟ್ರೀಷಿಯನ್, ವೆಲ್ಡರ್ / ಹೆಲ್ಪರ್, ಮೆಸ್ ಬಾಯ್, ಕುಕ್ ಹುದ್ದೆಗಳನ್ನು ನೇಮಕ ಮಾಡಲು ಆಸಕ್ತರಿಂದ ಅರ್ಜಿ ಆಹ್ವಾನಿಸಿದೆ.
ವಾಣಿಜ್ಯ ನೇವಿಯಲ್ಲಿ ಎಸ್ಎಸ್ಎಲ್ಸಿ, ಪಿಯುಸಿ, ಐಟಿಐ ಪಾಸಾದವರಿಗೆ ಉದ್ಯೋಗ ಅವಕಾಶಗಳಿದ್ದು, ಪರೀಕ್ಷೆ ಬರೆದು ಫಲಿತಾಂಶ ಕಾಯುತ್ತಿರುವವರು ಸಹ ಅರ್ಜಿ ಸಲ್ಲಿಸಬಹುದು. ಹುದ್ದೆಗಳ ಕುರಿತು ಇನ್ನಷ್ಟು ಮಾಹಿತಿಗಳನ್ನು ಕೆಳಗಿನಂತೆ ತಿಳಿದು ಅರ್ಜಿ ಸಲ್ಲಿಸಿ.
ಹುದ್ದೆ ಹೆಸರು ಹುದ್ದೆಗಳ ಸಂಖ್ಯೆ
ಡೆಕ್ ರೇಟಿಂಗ್ 721
ಇಂಜಿನ್ ರೇಟಿಂಗ್ 236
ಸೀಮನ್ 1432
ಇಲೆಕ್ಟ್ರೀಷಿಯನ್ 408
ವೆಲ್ಡರ್ / ಹೆಲ್ಪರ್ 78
ಮೆಸ್ ಬಾಯ್ 922
ಕುಕ್ 203
ಹುದ್ದೆವಾರು ಸಂಭಾವ್ಯ ವೇತನ ಶ್ರೇಣಿ ವಿವರ
ಡೆಕ್ ರೇಟಿಂಗ್ : Rs.50,000-85,000.
ಇಂಜಿನ್ ರೇಟಿಂಗ್ : Rs.40,000-60,000.
ಸೀಮನ್ : Rs.38,000-55,000.
ಇಲೆಕ್ಟ್ರೀಷಿಯನ್ : Rs.60,000-90,000.
ವೆಲ್ಡರ್ / ಹೆಲ್ಪರ್ : Rs.50,000-85,000.
ಮೆಸ್ ಬಾಯ್ : Rs.40,000-60,000.
ಕುಕ್ : Rs.40,000-60,000.
ಶೈಕ್ಷಣಿಕ ಅರ್ಹತೆಗಳು
ಇಂಜಿನ್ ರೇಟಿಂಗ್, ಸೀಮನ್, ಮೆಸ್ ಬಾಯ್ ಮತ್ತು ಕುಕ್ ಹುದ್ದೆಗಳಿಗೆ ಎಸ್ಎಸ್ಎಲ್ಸಿ ಪಾಸಾಗಿರಬೇಕು.
ಇಲೆಕ್ಟ್ರೀಷಿಯನ್, ವೆಲ್ಡರ್/ ಹೆಲ್ಪರ್ ಹುದ್ದೆಗೆ ಎಸ್ಎಸ್ಎಲ್ಸಿ ಜತೆಗೆ ಈ ಹುದ್ದೆಗೆ ಸಂಬಂಧಿಸಿದ ಟ್ರೇಡ್‌ನಲ್ಲಿ ಐಟಿಐ ಪಾಸಾಗಿರಬೇಕು.
ಡೆಕ್ ರೇಟಿಂಗ್ ಹುದ್ದೆಗೆ ದ್ವಿತೀಯ ಪಿಯುಸಿ ಪಾಸಾದ ಅಥವಾ ಫಲಿತಾಂಶ ನಿರೀಕ್ಷೆಯಲ್ಲಿರುವವರು ಅರ್ಜಿ ಸಲ್ಲಿಸಬಹುದು.
ವಯಸ್ಸಿನ ಅರ್ಹತೆಗಳು
ಅರ್ಜಿ ಸಲ್ಲಿಸಲು ಬಯಸುವ ವಿದ್ಯಾರ್ಥಿಗಳು ಕನಿಷ್ಠ 17.5 ವರ್ಷ ಪೂರೈಸಿರಬೇಕು. ಗರಿಷ್ಠ 27 ವರ್ಷ ವಯಸ್ಸು ಮೀರಿರಬಾರದು.
ಇಲೆಕ್ಟ್ರೀಷಿಯನ್, ವೆಲ್ಡರ್ / ಹೆಲ್ಪರ್, ಮೆಸ್ ಬಾಯ್, ಕುಕ್ ಹುದ್ದೆಗೆ ಅರ್ಜಿ ಹಾಕುವವರಿಗೆ ಗರಿಷ್ಠ 27 ವರ್ಷದವರೆಗೆ ಅರ್ಜಿ ಹಾಕಲು ಅವಕಾಶ ಇದೆ.
ಆಯ್ಕೆ ವಿಧಾನ : 100 ಅಂಕಗಳಿಗೆ 120 ನಿಮಿಷ ಲಿಖಿತ ಪರೀಕ್ಷೆ ನಡೆಸಿ, ಇದರಲ್ಲಿ ಶಾರ್ಟ್‌ ಲಿಸ್ಟ್‌ ಆದವರಿಗೆ ಪರ್ಸನಾಲಿಟಿ ಟೆಸ್ಟ್‌ ನಡೆಸಲಾಗುತ್ತದೆ.
ವಿಶೇಷ ಸೂಚನೆಗಳು
ಈ ಹುದ್ದೆಗಳಿಗೆ ಪುರುಷ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಬಹುದು.
ಆಯ್ಕೆಗೊಂಡವರನ್ನು ದೇಶದ ವಿವಿಧ ಭಾಗಗಳಲ್ಲಿ ಅಥವಾ ವಿದೇಶಗಳಲ್ಲಿಯೂ ನೇಮಕ ಮಾಡುವ ಅವಕಾಶ ಇರುತ್ತದೆ.
ಅರ್ಜಿ ಸಲ್ಲಿಸುವ ವಿಧಾನ
ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಸೀಲೇನ್ ಮೆರಿಟೈಮ್ ಅಕಾಡೆಮಿಯ ಅಧಿಕೃತ ವೆಬ್‌ಸೈಟ್‌ https://www.sealanemaritime.in/ ಗೆ ಭೇಟಿ ನೀಡಿ. ತೆರೆದ ಮುಖಪುಟದಲ್ಲಿ 'Apply Online' ಎಂದಿರುವಲ್ಲಿ ಕ್ಲಿಕ್ ಮಾಡಿ. ನಂತರ ಮೊದಲಿಗೆ ರಿಜಿಸ್ಟ್ರೇಷನ್‌ ಪಡೆದು, ಅನಂತರ ಅರ್ಜಿ ಸಲ್ಲಿಸಬೇಕು.
ಅರ್ಜಿ ಶುಲ್ಕ :-
ರೂ.100.
ಪ್ರಮುಖ ದಿನಾಂಕಗಳು
ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ: 30-04-2024
ಲಿಖಿತ ಪರೀಕ್ಷೆ ದಿನಾಂಕ : ಮೇ 2024
ಫಲಿತಾಂಶ ದಿನಾಂಕ : ಪರೀಕ್ಷೆ ನಂತರದ 3 ದಿನಗಳಲ್ಲಿ.