Black In Function: ಶುಭ ಕಾರ್ಯದಲ್ಲಿ ಅಥವಾ ಮಂಗಳಕರ ಕಾರ್ಯದಲ್ಲಿ ಕಪ್ಪು ಬಣ್ಣದ ಬಟ್ಟೆಯನ್ನು ಧರಿಸಬಾರದು ಎಂಬುದನ್ನು ನೀವು ಸಾಕಷ್ಟು ಬಾರಿ ಕೇಳಿರಬಹುದು. ನಾವೇಕೆ ಶುಭ ಅಥವಾ ಮಂಗಳಕರ ಕಾರ್ಯದಲ್ಲಿ ಕಪ್ಪು ಬಣ್ಣದ ಬಟ್ಟೆಯನ್ನು ಧರಿಸಬಾರದು.? ಕಪ್ಪು ಬಣ್ಣ ಅಶುಭ ಅಥವಾ ಅಮಂಗಳದ ಸಂಕೇತವೇ.?
ಧಾರ್ಮಿಕ ಮಹತ್ವವನ್ನು ಹೊಂದಿರುವ ಬಣ್ಣಗಳಲ್ಲಿ ಕಪ್ಪು ಬಣ್ಣವು ಒಂದು. ಧರ್ಮಗ್ರಂಥಗಳು ಮತ್ತು ಧಾರ್ಮಿಕ ಸಂಪ್ರದಾಯಗಳಲ್ಲಿ, ಕಪ್ಪು ಬಣ್ಣವನ್ನು ಶ್ರೇಷ್ಠತೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಅನೇಕ ಧಾರ್ಮಿಕ ಸಂಸ್ಕೃತಿಗಳಲ್ಲಿ ಕಪ್ಪು ಶುದ್ಧತೆ, ಸ್ಥಿರತೆ ಮತ್ತು ಸಂಯಮದ ಸಂಕೇತವಾಗಿದೆ. ಅನೇಕ ಧಾರ್ಮಿಕ ನಂಬಿಕೆಗಳಲ್ಲಿ, ಕಪ್ಪು ಬಣ್ಣವನ್ನು ದೇವರ ಅಮೂರ್ತ ಆತ್ಮ ಮತ್ತು ನಿರಾಕಾರ ರೂಪವನ್ನು ಪ್ರತಿನಿಧಿಸುತ್ತದೆ ಎಂದು ಪರಿಗಣಿಸಲಾಗುತ್ತದೆ. ಕಪ್ಪು ಬಣ್ಣವು ದೇವರ ಶಕ್ತಿ, ಶಾಂತಿ ಮತ್ತು ಶಾಶ್ವತತೆಯನ್ನು ಪ್ರತಿನಿಧಿಸುತ್ತದೆ ಎಂಬುದು ಧಾರ್ಮಿಕ ನಂಬಿಕೆಯಾಗಿದೆ. ಆದರೆ ಧಾರ್ಮಿಕ ಮತ್ತು ಪೌರಾಣಿಕ ಸಂಪ್ರದಾಯಗಳಲ್ಲಿ ಕಪ್ಪು ಬಣ್ಣವನ್ನು ಸಾಮಾನ್ಯವಾಗಿ ಅಶುಭ ಮತ್ತು ದುರಾದೃಷ್ಟದ ಸಂಕೇತವಾಗಿ ನೋಡುವುದರಿಂದ ಶುಭ ಕಾರ್ಯಗಳಿಗೆ ಕಪ್ಪು ಬಟ್ಟೆಗಳನ್ನು ಧರಿಸುವುದು ಅಶುಭವೆಂದು ಪರಿಗಣಿಸಲಾಗುತ್ತದೆ. ಕಪ್ಪು ಬಟ್ಟೆಗಳನ್ನು ಧರಿಸುವುದು ಅಶುಭವನ್ನು ಆಕರ್ಷಿಸುತ್ತದೆ ಎಂಬುದು ನಂಬಿಕೆ. ಶುಭ ಅಥವಾ ಮಂಗಳಕರ ಕಾರ್ಯದಲ್ಲಿ ಕಪ್ಪು ಬಟ್ಟೆಯನ್ನೇಕೆ ಧರಿಸುವುದಿಲ್ಲ.?
ಋಣಾತ್ಮಕ ಆಕರ್ಷಣೆ
ಕಪ್ಪು ಬಣ್ಣವನ್ನು ಧರಿಸುವುದರಿಂದ ನಕಾರಾತ್ಮಕ ಶಕ್ತಿಯನ್ನು ರವಾನಿಸಬಹುದು, ಇದು ಕೆಲಸವನ್ನು ನಿರ್ಬಂಧಿಸಬಹುದು ಎನ್ನುವುದು ನಂಬಿಕೆಯಾಗಿದೆ. ಕಪ್ಪು ಬಟ್ಟೆಯ್ನನು ಧರಿಸುವುದರಿಂದ ನಕಾರಾತ್ಮಕತೆಯು ನಮ್ಮ ಮೇಲೆ ಪ್ರಾಬಲ್ಯ ಬೀರುತ್ತದೆ. ಹಾಗೂ ನಾವು ಮಾಡಲು ಹೊರಟ ಕೆಲಸಗಳಲ್ಲಿ ಅಡೆತಡೆಗಳನ್ನು ಸೃಷ್ಟಿಸುತ್ತದೆ ಎನ್ನುವ ಕಾರಣವೂ ಇದಕ್ಕಿದೆ. ಹಾಗಾಗಿ, ಕಪ್ಪು ಬಟ್ಟೆಯನ್ನು ಧರಿಸಬಾರದು.