ಇತ್ತೀಚೆಗೆ ಭಾರತದ ಟಾಪ್ ಶ್ರೀಮಂತರ ಪಟ್ಟಿಯನ್ನು ಬಿಡುಗಡೆಯಾಗಿದೆ. ಈ ಪಟ್ಟಿಯಲ್ಲಿ ಈ ವರ್ಷವೂ ಮುಖೇಶ್ ಅಂಬಾನಿ ಅಗ್ರಸ್ಥಾನ ಪಡೆದಿದ್ದಾರೆ. ಹಾಗಿದ್ರೆ ಟಾಪ್ 10 ಶ್ರೀಮಂತರು ಯಾರೆಲ್ಲಾ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.
ಪ್ರಸಕ್ತ ವರ್ಷ ದಾಖಲೆಯ ಸಂಖ್ಯೆಯ ಭಾರತೀಯರು ವಿಶ್ವದ ಬಿಲಿಯನೇರ್‌ಗಳ (Billionaire) ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. 2023ರ ಫೋರ್ಬ್ಸ್‌ನ ವಿಶ್ವದ ಬಿಲಿಯನೇರ್‌ಗಳ ಪಟ್ಟಿಯಲ್ಲಿ ಈ ವರ್ಷವೂ ಮುಖೇಶ್ ಅಂಬಾನಿ (Mukesh Ambani) ಅಗ್ರಸ್ಥಾನ ಪಡೆದಿದ್ದಾರೆ. ಹಾಗಿದ್ದರೆ ಈ ವರ್ಷದ ಭಾರತದ ಟಾಪ್ ಶ್ರೀಮಂತರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿರುವವರು ಯಾರು ಯಾರು ಎಂಬುದರ ಮಾಹಿತಿ ಹೀಗಿದೆ.
ಮುಖೇಶ್ ಅಂಬಾನಿ
ರಿಲಯನ್ಸ್ ಇಂಡಸ್ಟ್ರೀಸ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಅಧ್ಯಕ್ಷರಾದ ಶ್ರೀ ಮುಖೇಶ್ ಅಂಬಾನಿ ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಫೋರ್ಬ್ಸ್ ವರದಿ ಮಾಡಿರುವಂತೆ, ರಿಲಯನ್ಸ್ ಇಂಡಸ್ಟ್ರೀಸ್ 8 ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿನ ಆದಾಯವನ್ನು ಹೊಂದಿದೆ ($104 ಬಿಲಿಯನ್).
ಗೌತಮ್ ಅದಾನಿ
ಗೌತಮ್ ಶಾಂತಿಲಾಲ್ ಅದಾನಿ, ಭಾರತೀಯ ಬಿಲಿಯನೇರ್ ಕೈಗಾರಿಕೋದ್ಯಮಿಯಾಗಿದ್ದಾರೆ. ಈ ಕಂಪನಿಯು ಬಂದರುಗಳು, ವಿಮಾನ ನಿಲ್ದಾಣಗಳು, ವಿದ್ಯುತ್ ಉತ್ಪಾದನೆ ಮತ್ತು ಪ್ರಸರಣ, ಮತ್ತು ಹಸಿರು ಶಕ್ತಿ ಸೇರಿದಂತೆ ವಿವಿಧ ಕ್ಷೇತ್ರಗಳನ್ನು ಒಳಗೊಳ್ಳುತ್ತವೆ. ಅಂದಹಾಗೆ ಇವರ ಸಂಪತ್ತಿನ ನಿವ್ವಳ ಮೌಲ್ಯ 51.7 ಬಿಲಿಯನ್ ಡಾಲರ್‌ಗಳಾಗಿದೆ.
ಶಿವ ನಡಾರ್
ಶಿವ ನಡಾರ್ ಹೆಚ್‌ಸಿಎಲ್‌ ಸಮೂಹದ ಮಾಲೀಕರಾಗಿದ್ದಾರೆ. ಹೆಚ್‌ಸಿಎಲ್‌ ಸಿಸ್ಕೋ, ಮೈಕ್ರೋಸಾಫ್ಟ್ ಮತ್ತು ಬೋಯಿಂಗ್‌ನಂತಹ ಹೆಸರಾಂತ ಗ್ರಾಹಕರನ್ನು ಹೊಂದಿದೆ. ನಾಡಾರ್ ಅತ್ಯಂತ ಗೌರವಾನ್ವಿತ ಲೋಕೋಪಕಾರಿ ಎಂದು ಹೆಸರಾಗಿದ್ದಾರೆ. ಇವರ ಆಸ್ತಿಯ ನಿವ್ವಳ ಮೌಲ್ಯ 29.1 ಬಿಲಿಯನ್ ಡಾಲರ್‌ಗಳಾಗಿವೆ.
ಸಾವಿತ್ರಿ ಜಿಂದಾಲ್ ಮತ್ತು ಕುಟುಂಬ
ಸಾವಿತ್ರಿ ಜಿಂದಾಲ್ ಒಬ್ಬ ಭಾರತೀಯ ರಾಜಕಾರಣಿ ಮತ್ತು ಉದ್ಯಮಿಯಾಗಿದ್ದು, ಅವರು ಒ.ಪಿ. ಜಿಂದಾಲ್ ಗ್ರೂಪ್‌ನಲ್ಲಿ ಗೌರವಾನ್ವಿತ ಸ್ಥಾನವನ್ನು ಹೊಂದಿದ್ದಾರೆ. ಸಾವಿತ್ರಿ ಜಿಂದಾಲ್ ಭಾರತದ ಅತ್ಯಂತ ಶ್ರೀಮಂತ ಮಹಿಳೆಯಾಗಿದ್ದು, ಅವರ ನಿವ್ವಳ ಮೌಲ್ಯ 25.3 ಬಿಲಿಯನ್ ಡಾಲರ್‌ಗಳಾಗಿವೆ.
ಸೈರಸ್ ಪೂನವಾಲಾ
ಸೈರಸ್ ಪೂನಾವಾಲಾ ಅವರ ಸೀರಮ್ ಇನ್‌ಸ್ಟಿಟ್ಯೂಟ್ ವಿಶ್ವದ ಅತಿದೊಡ್ಡ ಲಸಿಕೆ ತಯಾರಕ ಎಂಬ ಪ್ರತಿಷ್ಠಿತ ಶೀರ್ಷಿಕೆಯನ್ನು ಹೊಂದಿದೆ. ಅದರ ನಿರ್ವಹಣೆಯಲ್ಲಿ ಇವರಿಗೆ ನೆರವಾಗುವುದು ಅವರ ಮಗ ಅಧಾರ್‌ ಪೂನವಾಲಾ. ಇನ್ನು, ಇವರ ಆಸ್ತಿಯ ನಿವ್ವಳ ಮೌಲ್ಯ ಸುಮಾರು 21.2 ಬಿಲಿಯನ್ ಡಾಲರ್‌ಗಳಾಗಿವೆ.
ದಿಲೀಪ್ ಶಾಂಘ್ವಿ
ದಿಲೀಪ್ ಶಾಂಘ್ವಿ ಅವರು ಪ್ರಮುಖ ಭಾರತೀಯ ವ್ಯಾಪಾರ ಉದ್ಯಮಿ ಮತ್ತು ಸನ್ ಫಾರ್ಮಾಸ್ಯುಟಿಕಲ್ ಇಂಡಸ್ಟ್ರೀಸ್‌ನ ಹಿಂದಿನ ಶಕ್ತಿಯಾಗಿದ್ದಾರೆ. ಇದು $5 ಶತಕೋಟಿ ಮೌಲ್ಯವನ್ನು ಹೊಂದಿರುವ ಮೊದಲ ಭಾರತೀಯ ಫಾರ್ಮಾ ಕಂಪನಿಯಾಗಿದೆ. ಅಂದಹಾಗೆ ಇವರ ಸಂಪತ್ತಿನ ನಿವ್ವಳ ಮೌಲ್ಯ ಸುಮಾರು 19.5 ಬಿಲಿಯನ್ ಡಾಲರ್‌ಗಳಾಗಿವೆ.
ರಾಧಾಕಿಶನ್ ಶಿವಕಿಶನ್ ದಮಾನಿ
ರಾಧಾಕಿಶನ್ ಶಿವಕಿಶನ್ ದಮಾನಿ, ಭಾರತೀಯ ವಾಣಿಜ್ಯೋದ್ಯಮಿ ಮತ್ತು ಪ್ರಮುಖ ಹೂಡಿಕೆದಾರರಾಗಿದ್ದಾರೆ. ಭಾರತದಲ್ಲಿ 200 ಕ್ಕೂ ಹೆಚ್ಚು ಡಿಮಾರ್ಟ್ ಸ್ಟೋರ್‌ಗಳನ್ನು ನಡೆಸುತ್ತಿರುವ ಅವೆನ್ಯೂ ಸೂಪರ್‌ಮಾರ್ಟ್ಸ್ ಲಿಮಿಟೆಡ್‌ನ ಸಂಸ್ಥಾಪಕರಾಗಿದ್ದಾರೆ. ಅವರ ಆಸ್ತಿಯ ನಿವ್ವಳ ಮೌಲ್ಯ 16.6 ಬಿಲಿಯನ್ ಡಾಲರ್‌ಗಳಾಗಿವೆ.
ಕುಮಾರ್ ಬಿರ್ಲಾ
ಸರಕುಗಳ ಕ್ಷೇತ್ರದಲ್ಲಿ ಪ್ರಮುಖ ವ್ಯಕ್ತಿಯಾಗಿ ಗುರುತಿಸಲ್ಪಟ್ಟಿರುವ ಕುಮಾರ್ ಬಿರ್ಲಾ ಅವರು ಆದಿತ್ಯ ಬಿರ್ಲಾ ಗ್ರೂಪ್‌ನ ನಾಯಕತ್ವವನ್ನು ವಹಿಸಿಕೊಂಡಿದ್ದಾರೆ. ಅಲ್ಯೂಮಿನಿಯಂ ಮತ್ತು ಸಿಮೆಂಟ್ ಕ್ಷೇತ್ರಗಳ ಹೊರತಾಗಿ ಈ ಕಂಪನಿ ಗುಂಪು ಹಣಕಾಸಿನ ಸೇವೆಗಳನ್ನು ಸಹ ಒದಗಿಸುತ್ತದೆ. ಇನ್ನು ಕುಮಾರ್ ಬಿರ್ಲಾ ಅವರ ಸಂಪತ್ತಿನ ನಿವ್ವಳ ಮೌಲ್ಯ 17.8 ಬಿಲಿಯನ್ ಡಾಲರ್‌ಗಳಾಗಿವೆ.
ಲಕ್ಷ್ಮಿ ಮಿತ್ತಲ್
ಲಕ್ಷ್ಮಿ ಮಿತ್ತಲ್ ಅವರು ಆರ್ಸೆಲರ್ ಮಿತ್ತಲ್‌ನ ಪ್ರಸ್ತುತ ಅಧ್ಯಕ್ಷರು ಮತ್ತು ಸಿಇಒ ಆಗಿದ್ದಾರೆ. ಇವರು ಅತಿದೊಡ್ಡ ಜಾಗತಿಕ ಉಕ್ಕಿನ ತಯಾರಕರಾಗಿ ಹೆಸರುವಾಸಿಯಾಗಿದ್ದಾರೆ. ಇನ್ನು ಲಕ್ಷ್ಮೀ ಮಿತ್ತಲ್ ನಿವ್ವಳ ಆಸ್ತಿ ಮೌಲ್ಯ 15.2 ಬಿಲಿಯನ್ ಡಾಲರ್‌ಗಳಾಗಿವೆ.
ಕುಶಾಲ್ ಪಾಲ್ ಸಿಂಗ್
ಕುಶಾಲ್ ಪಾಲ್ ಸಿಂಗ್ ಅವರು ಡಿಎಲ್‌ಎಫ್‌ನ ಎಮೆರಿಟಸ್ ಅಧ್ಯಕ್ಷರಾಗಿದ್ದಾರೆ. ಮಾರುಕಟ್ಟೆ ಕ್ಯಾಪ್ ಪ್ರಕಾರ ಇದು ಭಾರತದ ಅತಿದೊಡ್ಡ ಪಟ್ಟಿ ಮಾಡಲಾದ ರಿಯಲ್ ಎಸ್ಟೇಟ್ ಸಂಸ್ಥೆಯಾಗಿದೆ. ಇವರ ಆಸ್ತಿಯ ನಿವ್ವಳ ಮೌಲ್ಯ 13.7 ಬಿಲಿಯನ್ ಡಾಲರ್‌ಗಳಾಗಿವೆ.
ಉದಯ್ ಕೋಟಕ್
ಭಾರತದ ಶ್ರೀಮಂತ ವ್ಯಕ್ತಿಯಾಗಿರುವ ಉದಯ್ ಕೊಟಕ್, ಕೋಟಕ್ ಮಹೀಂದ್ರಾ ಗ್ರೂಪ್‌ನಲ್ಲಿ ಗೌರವಾನ್ವಿತ ಸಂಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಸ್ಥಾನವನ್ನು ಹೊಂದಿದ್ದಾರೆ. ಇನ್ನು ಅವರ ಸಂಪತ್ತಿನ ನಿವ್ವಳ ಮೌಲ್ಯ 13.2 ಬಿಲಿಯನ್ ಡಾಲರ್‌ಗಳಾಗಿವೆ.