ಕರ್ನಾಟಕದಲ್ಲಿ ಜಾತಿ ಪ್ರಮಾಣ ಪತ್ರ ಪಡೆಯುವು ಹೇಗೆ? ಯಾರೆಲ್ಲಾ ಅರ್ಹರು? ಪ್ರಯೋಜನಗಳೇನು?

ಕರ್ನಾಟಕದಲ್ಲಿ ಜಾತಿ ಪ್ರಮಾಣಪತ್ರವು ನಾಗರಿಕರ ಜಾತಿ ಗುರುತನ್ನು ದೃಢೀಕರಿಸುವ ಒಂದು ಪ್ರಮುಖ ಕಾನೂನು ದಾಖಲೆಯಾಗಿದೆ. ಪರಿಶಿಷ್ಟ ಜಾತಿಗಳು (SC), ಪರಿಶಿಷ್ಟ ಪಂಗಡಗಳು (ST) ಮತ್ತು ಇತರೆ ಹಿಂದುಳಿದ ವರ್ಗಗಳಿಗೆ (OBC) ಸೇರಿದ ನಾಗರಿಕರಿಗೆ ಸರ್ಕಾರಿ ಯೋಜನೆಗಳು, ಶೈಕ್ಷಣಿಕ ಸಂಸ್ಥೆಗಳಲ್ಲಿ ಮೀಸಲಾತಿ ಮತ್ತು ಸರ್ಕಾರಿ ಉದ್ಯೋಗಗಳಲ್ಲಿ ಅವಕಾಶಗಳನ್ನು ಪಡೆಯಲು ಇದು ಅತ್ಯಗತ್ಯ. ಇದೊಂದು ವ್ಯಕ್ತಿಯ ಸಾಮಾಜಿಕ ಸ್ಥಿತಿಯ ದೃಢೀಕರಣವಾಗಿಯೂ ಕಾರ್ಯನಿರ್ವಹಿಸುತ್ತದೆ. ಹಾಗಿದ್ದರೆ ಏನಿದು ಜಾತಿ ಪ್ರಮಾಣಪತ್ರ? ಕರ್ನಾಟಕದಲ್ಲಿ ಇದು ಯಾವೆಲ್ಲಾ ಉದ್ದೇಶಗಳಿಗೆ ಬಳಕೆ ಆಗುತ್ತಿದೆ. ಅದನ್ನು ಪಡೆಯುವುದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ.

ಜಾತಿ ಪ್ರಮಾಣಪತ್ರ ಎಂದರೇನು?

ಭಾರತದ ಸಂವಿಧಾನದಲ್ಲಿ ನಿರ್ದಿಷ್ಟಪಡಿಸಿದಂತೆ, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಹಿಂದುಳಿದ ವರ್ಗಗಳಿಗೆ ಸೇರಿದವರು ಎಂದು ದೃಢೀಕರಿಸುವ ದಾಖಲೆಯೇ ಜಾತಿ ಪ್ರಮಾಣಪತ್ರ. ಈ ಸಮುದಾಯಗಳು ಸಮಾಜದ ಇತರರೊಂದಿಗೆ ಸಮಾನವಾಗಿ ಪ್ರಗತಿ ಸಾಧಿಸಲು ಸರ್ಕಾರದಿಂದ ವಿಶೇಷ ಪ್ರೋತ್ಸಾಹ ಮತ್ತು ಅವಕಾಶಗಳನ್ನು ಪಡೆಯುವ ಸಲುವಾಗಿ ಇದನ್ನು ನೀಡಲಾಗುತ್ತದೆ. ಕರ್ನಾಟಕದಲ್ಲಿ ತಾಲ್ಲೂಕು ಮಟ್ಟದ ಅಧಿಕಾರಿಗಳು ಜಾತಿ ಪ್ರಮಾಣಪತ್ರಗಳನ್ನು ನೀಡಲು ಅಧಿಕಾರ ಹೊಂದಿರುತ್ತಾರೆ.

ಜಾತಿ ಪ್ರಮಾಣಪತ್ರದ ಉದ್ದೇಶ:

ಕರ್ನಾಟಕದಲ್ಲಿ ಜಾತಿ ಪ್ರಮಾಣಪತ್ರದ ಮುಖ್ಯ ಉದ್ದೇಶವೆಂದರೆ ಪರಿಶಿಷ್ಟ ಜಾತಿ (SC), ಪರಿಶಿಷ್ಟ ಪಂಗಡ (ST) ಮತ್ತು ಇತರೆ ಹಿಂದುಳಿದ ವರ್ಗಗಳಿಗೆ (OBC) ಸೇರಿದ ವ್ಯಕ್ತಿಗಳ ಜಾತಿ ಗುರುತನ್ನು ದೃಢೀಕರಿಸುವುದು. ಈ ಪ್ರಮಾಣಪತ್ರವು ಈ ಕೆಳಗಿನವುಗಳಿಗೆ ಸಹಕಾರಿಯಾಗಿದೆ:

• ತಮ್ಮ ಜಾತಿ ಮತ್ತು ಸಾಮಾಜಿಕ ಸ್ಥಾನಮಾನದ ಪುರಾವೆ.

• ಶಾಸನಸಭೆ ಮತ್ತು ಸಂಸತ್ತಿನಲ್ಲಿ ಸ್ಥಾನಗಳ ಮೀಸಲಾತಿ ಪಡೆಯಲು ಅರ್ಹತೆ.

• ಶೈಕ್ಷಣಿಕ ಸಂಸ್ಥೆಗಳಲ್ಲಿ ಮೀಸಲು ಸ್ಥಾನಗಳಿಗೆ ಪ್ರವೇಶ

• ಶಾಲಾ ಮತ್ತು ಕಾಲೇಜು ಶುಲ್ಕಗಳಲ್ಲಿ ರಿಯಾಯಿತಿಗಳು

• ಸರ್ಕಾರದ ಸೌಲಭ್ಯಗಳನ್ನು ಪಡೆಯಲು ಅರ್ಹರನ್ನಾಗಿಸುತ್ತದೆ

• ಸರ್ಕಾರಿ ಸೇವೆಗಳು ಹಾಗೂ ಯೋಜನೆಗಳಲ್ಲಿ ಕೋಟಾಗಳು.

• ಕೆಲವು ಉದ್ಯೋಗಗಳಿಗೆ ಗರಿಷ್ಠ ವಯಸ್ಸಿನ ಮಿತಿಯಲ್ಲಿ ಸಡಿಲಿಕೆ.

ಅರ್ಹತಾ ಮಾನದಂಡಗಳು:

ಜಾತಿ ಪ್ರಮಾಣಪತ್ರಕ್ಕಾಗಿ ಅರ್ಜಿ ಸಲ್ಲಿಸಲು ಈ ಕೆಳಗಿನ ಅರ್ಹತಾ ಮಾನದಂಡಗಳನ್ನು ಪೂರೈಸಬೇಕು:

• ಅರ್ಜಿದಾರರು ಭಾರತದ ಪ್ರಜೆಯಾಗಿರಬೇಕು ಮತ್ತು ಕರ್ನಾಟಕದ ನಿವಾಸಿಯಾಗಿರಬೇಕು.

• ಅರ್ಜಿದಾರರು ಭಾರತದ ಸಂವಿಧಾನದಲ್ಲಿ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಅಥವಾ ಇತರೆ ಹಿಂದುಳಿದ ವರ್ಗಗಳೆಂದು ಪಟ್ಟಿ ಮಾಡಲಾದ ಜಾತಿ, ಬುಡಕಟ್ಟು ಅಥವಾ ಸಮುದಾಯಕ್ಕೆ ಸೇರಿರಬೇಕು.

• ಈಗಾಗಲೇ ಜಾತಿ ಪ್ರಮಾಣಪತ್ರ ಹೊಂದಿರದವರು ಮಾತ್ರ ಅರ್ಜಿ ಸಲ್ಲಿಸಬಹುದು.

• ಕುಟುಂಬ ಸದಸ್ಯರು ಬೇರೆ ರಾಜ್ಯದ ಜಾತಿ ಪ್ರಮಾಣಪತ್ರ ಹೊಂದಿರಬಾರದು.

• ಮಕ್ಕಳಾಗಿದ್ದರೆ 3 ವರ್ಷ ಪೂರ್ಣಗೊಂಡಿರಬೇಕು.

ಅರ್ಜಿ ಸಲ್ಲಿಸುವ ವಿಧಾನ ಹೇಗ?

• ನಾಡಕಚೇರಿ AJKP ಅಧಿಕೃತ ವೆಬ್‌ಸೈಟ್‌ http://www.nadakacheri.karnataka.gov.in ಗೆ ಭೇಟಿ ನೀಡಿ

• ಎಡಭಾಗದಲ್ಲಿರುವ "APPLY ONLINE" ಮೇಲೆ ಕ್ಲಿಕ್ ಮಾಡಿ.

• ಲಾಗಿನ್ ಪುಟ ತೆರೆಯುತ್ತದೆ. ಅಲ್ಲಿ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.

• "Proceed" ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.

• ಹೊಸ ಪುಟ ತೆರೆಯುತ್ತದೆ. "NEW REQUEST" ಮೇಲೆ ಕ್ಲಿಕ್ ಮಾಡಿ ಮತ್ತು "Caste Certificate" ಸೇವೆಯನ್ನು ಆಯ್ಕೆಮಾಡಿ.

• ಅರ್ಜಿ ಭಾಷೆಯನ್ನು (ಇಂಗ್ಲಿಷ್ ಅಥವಾ ಕನ್ನಡ) ಆಯ್ಕೆಮಾಡಿ.

• ಅರ್ಜಿ ನಮೂನೆ ಪ್ರದರ್ಶಿತವಾಗುತ್ತದೆ. ಅದರಲ್ಲಿ ಅಗತ್ಯವಿರುವ ವಿವರಗಳನ್ನು ಭರ್ತಿ ಮಾಡಿ.

• ಅಗತ್ಯವಿರುವ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ.

• "SAVE" ಮೇಲೆ ಕ್ಲಿಕ್ ಮಾಡಿದಾಗ, ಸ್ವೀಕೃತಿ ರಸೀದಿ ಕಾಣಿಸುತ್ತದೆ ಮತ್ತು ಅದೇ SMS ಮೂಲಕ ಬಳಕೆದಾರರಿಗೆ ಕಳುಹಿಸಲಾಗುತ್ತದೆ.

• ಪಾವತಿ ವಿಧಾನವನ್ನು (ಕ್ರೆಡಿಟ್ ಕಾರ್ಡ್/ನೆಟ್ ಬ್ಯಾಂಕಿಂಗ್/ಡೆಬಿಟ್ ಕಾರ್ಡ್ ಇತ್ಯಾದಿ) ಆಯ್ಕೆಮಾಡಿ ಮತ್ತು ಪಾವತಿ ಮಾಡಿ. ಅರ್ಜಿ ಮತ್ತು ದಾಖಲೆಗಳ ಯಶಸ್ವಿ ಸಲ್ಲಿಕೆಯ ನಂತರ, ಸಂಬಂಧಪಟ್ಟ ಪ್ರಾಧಿಕಾರವು 30 ದಿನಗಳಲ್ಲಿ ಜಾತಿ ಪ್ರಮಾಣಪತ್ರವನ್ನು ನೀಡುತ್ತದೆ.

ಖುದ್ದಾಗಿ ಅರ್ಜಿ ಸಲ್ಲಿಸುವ ವಿಧಾನಅಗತ್ಯವಿರುವ ದಾಖಲೆಗಳು:

ಕರ್ನಾಟಕದಲ್ಲಿ ಜಾತಿ ಪ್ರಮಾಣಪತ್ರ ಪಡೆಯಲು ಹಲವಾರು ಪ್ರಮುಖ ದಾಖಲೆಗಳು ಬೇಕಾಗುತ್ತವೆ.

• ಅರ್ಜಿ ನಮೂನೆ (ಆನ್‌ಲೈನ್ ಅಥವಾ ಸ್ಥಳೀಯ ಸರ್ಕಾರಿ ಕಚೇರಿಗಳಲ್ಲಿ ಲಭ್ಯ).

• ಗುರುತಿನ ಪುರಾವೆ: ಆಧಾರ್ ಕಾರ್ಡ್, ವೋಟರ್ ಐಡಿ, ಪಾಸ್‌ಪೋರ್ಟ್ ಇತ್ಯಾದಿ.

• ನಿವಾಸದ ಪುರಾವೆ: ರೇಷನ್ ಕಾರ್ಡ್, ವಿದ್ಯುತ್ ಬಿಲ್ ಇತ್ಯಾದಿ.

• ಜಾತಿ ಹಕ್ಕುದಾರಿಕೆಯ ಪುರಾವೆ: ಕುಟುಂಬ ಸದಸ್ಯರ ಜಾತಿ ಪ್ರಮಾಣಪತ್ರ, ಶಾಲಾ ಬಿಡುವ ಪ್ರಮಾಣಪತ್ರ (ಜಾತಿ ನಮೂದಾಗಿರುವ).

• ಅರ್ಜಿದಾರರ ಜಾತಿ ಮತ್ತು ವಾಸಸ್ಥಳದ ವಿವರಗಳನ್ನು ಘೋಷಿಸುವ ಅಫಿಡವಿಟ್.

• ಕೆಲವು ಸಂದರ್ಭಗಳಲ್ಲಿ, ಅರ್ಜಿದಾರರ ಜಾತಿಯನ್ನು ದೃಢೀಕರಿಸುವ ಸ್ಥಳೀಯ ಕಂದಾಯ ಇನ್ಸ್‌ಪೆಕ್ಟರ್ ಅಥವಾ ಗ್ರಾಮ ಲೆಕ್ಕಾಧಿಕಾರಿಯ ವರದಿ.

• ವಯಸ್ಸಿನ ಪುರಾವೆ: ಜನನ ಪ್ರಮಾಣಪತ್ರ, ಶಾಲಾ ಪ್ರಮಾಣಪತ್ರ ಇತ್ಯಾದಿ.

• ಆದಾಯದ ಪುರಾವೆ.