ಅನೇಕ ನಗರಗಳಲ್ಲಿ ಲಕ್ಷಾಂತರ ಜನರು ಪ್ರತಿದಿನ ಸಾರ್ವಜನಿಕ ಸಾರಿಗೆಯನ್ನು ಅವಲಂಬಿಸಿದ್ದಾರೆ, ವಿಶೇಷವಾಗಿ ಬಸ್‌ಗಳನ್ನು. ಶಾಲೆ, ಕಾಲೇಜು, ಕಚೇರಿ ಅಥವಾ ದೂರದ ಪ್ರಯಾಣವಾಗಿರಲಿ, ಬಹುತೇಕ ಎಲ್ಲರೂ ವಿಭಿನ್ನ ಅಗತ್ಯಗಳಿಗಾಗಿ ಬಸ್‌ನಲ್ಲಿ ಪ್ರಯಾಣಿಸಬೇಕಾಗುತ್ತದೆ. ಆದರೂ ಎಷ್ಟೊ ಜನರಿಗೆ ಈ ಬಸ್ನ ಪೂರ್ಣ ರೂಪ ಗೊತ್ತಿರುವುದಿಲ್ಲ. ಅದಕ್ಕೆ ಇಲ್ಲಿದೆ ಉತ್ತರ
ಅನೇಕ ನಗರಗಳಲ್ಲಿ ಲಕ್ಷಾಂತರ ಜನರು ಪ್ರತಿದಿನ ಸಾರ್ವಜನಿಕ ಸಾರಿಗೆಯನ್ನು ಅವಲಂಬಿಸಿದ್ದಾರೆ, ವಿಶೇಷವಾಗಿ ಬಸ್‌ಗಳನ್ನು. ಶಾಲೆ, ಕಾಲೇಜು, ಕಚೇರಿ ಅಥವಾ ದೂರದ ಪ್ರಯಾಣವಾಗಿರಲಿ, ಬಹುತೇಕ ಎಲ್ಲರೂ ವಿಭಿನ್ನ ಅಗತ್ಯಗಳಿಗಾಗಿ ಬಸ್‌ನಲ್ಲಿ ಪ್ರಯಾಣಿಸಬೇಕಾಗುತ್ತದೆ. ಆದರೂ ಎಷ್ಟೊ ಜನರಿಗೆ ಈ ಬಸ್ನ ಪೂರ್ಣ ರೂಪ ಗೊತ್ತಿರುವುದಿಲ್ಲ. ಅದಕ್ಕೆ ಇಲ್ಲಿದೆ ಉತ್ತರ
"ಬಸ್" ಎನ್ನುವುದು ಒಂದು ದೊಡ್ಡ ಸಾರ್ವಜನಿಕ ಸಾರಿಗೆ ವಾಹನವಾಗಿದೆ. ಇದನ್ನು ಸಾಮಾನ್ಯವಾಗಿ ಹಲವಾರು ಪ್ರಯಾಣಿಕರನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಕೊಂಡೊಯ್ಯಲು ಬಳಸಲಾಗುತ್ತದೆ. ಆದರಂತೆ, ಇದು ರಸ್ತೆಯಲ್ಲಿ ಚಲಿಸುವ ಒಂದು ದೊಡ್ಡ ಆಟೋಮೊಬೈಲ್ ಆಗಿದೆ.
ಆದರಂತೆ, ಅನೇಕ ಜನರು ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದರೂ, "ಬಸ್" ಎಂಬ ಪದ ಹೇಗೆ ಬಂತು ಅಥವಾ ಅದರ ಪೂರ್ಣ ಅರ್ಥವೇನೆಂದು ಅವರಿಗೆ ತಿಳಿದಿರದಿರಬಹುದು. ಹಾಗಾದರೆ ಅದಕ್ಕೆ ಇಲ್ಲಿದೆ ಉತ್ತರ
"ಬಸ್" ಎಂಬ ಪದವು "ಓಮ್ನಿಬಸ್" ಎಂಬ ಪದದ ಸಂಕ್ಷಿಪ್ತ ರೂಪವಾಗಿದೆ. "ಓಮ್ನಿಬಸ್" ಎಂದರೆ "ಎಲ್ಲರಿಗೂ" ಎಂಬರ್ಥ. 19ನೇ ಶತಮಾನದಲ್ಲಿ, ಸಾರ್ವಜನಿಕ ಸಾರಿಗೆಯು ಕುದುರೆ-ಎಳೆಯುವ ಗಾಡಿಗಳನ್ನು ಬಳಸಲು ಪ್ರಾರಂಭಿಸಿದಾಗ, ಇವುಗಳನ್ನು "ಓಮ್ನಿಬಸ್‌ಗಳು" ಎಂದು ಕರೆಯಲಾಗುತ್ತಿತ್ತು. ಕಾಲಾನಂತರದಲ್ಲಿ, ಇದನ್ನು ಆಡುಮಾತಿನಲ್ಲಿ "ಬಸ್" ಎಂದು ಸಂಕ್ಷಿಪ್ತಗೊಳಿಸಲಾಯಿತು.
ಹೀಗಾಗಿ, "ಬಸ್" ಎಂಬ ಇಂಗ್ಲಿಷ್ ಪದವು ಲ್ಯಾಟಿನ್ ಮೂಲದಿಂದ ಬಂದಿದೆ. ಇದು ಮೂಲತಃ ಕುದುರೆ-ಎಳೆಯುವ ಗಾಡಿಗಳನ್ನು ಉಲ್ಲೇಖಿಸುತ್ತಿದ್ದರೂ, ಮೋಟಾರು ವಾಹನಗಳು ಬಳಕೆಗೆ ಬಂದಾಗಲೂ ಅದೇ ಹೆಸರನ್ನು ಬಳಸಲಾಗುತ್ತಿತ್ತು.
ಹಾಗಾಗಿ, "ಓಮ್ನಿಬಸ್" ಎಂದರೆ ಊರ ಹೊರಗೆ ಹೋಗುವ ಬಸ್ ಎಂದು ಹಲವರಿಗೆ ತಿಳಿದಿದೆ. ಆದರೆ ಇದು "ಬಸ್" ಪದದ ಪೂರ್ಣ ಅರ್ಥವಲ್ಲ, ಬದಲಿಗೆ "ಎಲ್ಲರಿಗೂ" ಎಂಬ ಅರ್ಥವನ್ನು ಹೊಂದಿದೆ.
ಇನ್ನು ಬಸ್ನ ಮೂಲ ಪರಿಕಲ್ಪನೆಯು ಕುದುರೆ ಎಳೆಯುವ ಸಾರ್ವಜನಿಕ ಸಾರಿಗೆ ವಾಹನಗಳಿಂದ ಆರಂಭವಾಯಿತು. 1662ರಲ್ಲಿ ಫ್ರೆಂಚ್ ಗಣಿತಜ್ಞ ಮತ್ತು ತತ್ವಜ್ಞಾನಿ ಬ್ಲೇಸ್ ಪ್ಯಾಸ್ಕಲ್ ಪ್ಯಾರಿಸ್‌ನಲ್ಲಿ ಕುದುರೆ ಎಳೆಯುವ ಸಾರಿಗೆ ವ್ಯವಸ್ಥೆಯನ್ನು ಪರಿಚಯಿಸಿದರು. ಆದರೆ ಇದು ಜನಪ್ರಿಯವಾಗಲಿಲ್ಲ ಮತ್ತು ಶೀಘ್ರದಲ್ಲೇ ಮರೆಯಾಯಿತು.
ಆದರೆ, 1820ರ ದಶಕದಲ್ಲಿ ಫ್ರಾನ್ಸ್‌ನ ನ್ಯಾಂಟೆಸ್‌ನಲ್ಲಿ ಸ್ಟ್ಯಾನಿಸ್ಲಾಸ್ ಬೌಡ್ರಿ ಎಂಬವರು ಮೊದಲ ಯಶಸ್ವಿ "ಓಮ್ನಿಬಸ್" ಸೇವೆಯನ್ನು ಪ್ರಾರಂಭಿಸಿದರು. ಆದರಂತೆ, ಈ ವಾಹನಗಳನ್ನು ಕುದುರೆಗಳು ಎಳೆಯುತ್ತಿದ್ದವು. ಆದರೆ, 1900ರ ಆರಂಭದಲ್ಲಿ ಲಂಡನ್‌ನಲ್ಲಿ ಎಲೆಕ್ಟ್ರಿಕ್ ಬಸ್ ಪ್ರಾರಂಭವಾಯಿತು. ನಂತರದಲ್ಲಿ 1910-1920ರ ದಶಕದಲ್ಲಿ ಡೀಸೆಲ್ ಮತ್ತು ಪೆಟ್ರೋಲ್ ಎಂಜಿನ್‌ಗಳ ಬಸ್‌ಗಳು ವ್ಯಾಪಕವಾಗಿ ಬಳಕೆಗೆ ಬಂದವು.