LIC ಏಜೆಂಟ್‌ಗಳಿಗೆ ಪಾಲಿಸಿ ಮಾಡಿಸಿದ್ರೆ ಎಷ್ಟು ಹಣ ಸಿಗುತ್ತೆ? ಸ್ವತಃ ಸಂಸ್ಥೆಯೇ ಬಹಿರಂಗಪಡಿಸಿದ ಮಾಹಿತಿ ಇ ಕರೆಯಲ್ಪಡುವ ಎಲ್ಐಸಿ ಏಜೆಂಟ್ಗಳ ಆದಾಯದ ಬಗ್ಗೆ ಹಲವರು ಹಲವು ಬಗೆಯಲ್ಲಿ ಊಹೆಗಳನ್ನು ಹೊಂದಿರಬಹುದು. ಆದರೆ ನಿಜಕ್ಕೂ ಜೀವವಿಮಾ ಏಜೆಂಟ್‌ಗಳಿಗೆ ಎಷ್ಟು ಆದಾಯ ಸಿಗುತ್ತೆ? ಇಲ್ಲಿದೆ ನೋಡಿ ಮಾಹಿತಿ.
ತನ್ನ ಏಜೆಂಟರ ಸಂಬಳಕ್ಕೆ ಸಂಬಂಧಿಸಿದ ಡೇಟಾವನ್ನು ಎಲ್ಐಸಿ ಸಾರ್ವಜನಿಕಗೊಳಿಸಿದೆ. ಅಂಕಿಅಂಶಗಳನ್ನು ಗಮನಿಸಿದರೆ, ದೇಶದ ವಿವಿಧ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿನ ಎಲ್ಐಸಿ ಏಜೆಂಟ್ಗಳ ಆದಾಯದಲ್ಲಿ ಸಾಕಷ್ಟು ವ್ಯತ್ಯಾಸವಿದೆ ಎಂದು ತಿಳಿದುಬಂದಿದೆ.
ಕುತೂಹಲಕಾರಿಯಾಗಿ ವಿಮಾ ಏಜೆಂಟ್ಗಳ ಆದಾಯವು ಅವರ ಕಾರ್ಯ ಸಾಮರ್ಥ್ಯದ ಮೇಲೆ ಮಾತ್ರ ಅವಲಂಬಿತವಾಗಿರುವುದಿಲ್ಲ. ಆದರೆ ಆ ರಾಜ್ಯ ಅಥವಾ ಪ್ರದೇಶದ ಆರ್ಥಿಕ ಸ್ಥಿತಿ ಮತ್ತು ಜನಸಂಖ್ಯೆಯಂತಹ ವಿಭಿನ್ನ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ.
ಎಲ್ಐಸಿ ಭಾರತದಲ್ಲಿ ಬೃಹತ್ ಸಂಸ್ಥೆಯಾಗಿದ್ದು, ದೇಶಾದ್ಯಂತ ಸುಮಾರು 13 ಲಕ್ಷ 90 ಸಾವಿರ ಏಜೆಂಟ್‌ಗಳನ್ನು ಹೊಂದಿದೆ. ಉತ್ತರ ಪ್ರದೇಶವು 1.84 ಲಕ್ಷಕ್ಕೂ ಅತಿ ಹೆಚ್ಚು LIC ಏಜೆಂಟ್‌ಗಳನ್ನು ಮಹಾರಾಷ್ಟ್ರ ಹೊಂದಿದೆ. ಅಲ್ಲಿ ಏಜೆಂಟ್ಗಳ ಸರಾಸರಿ ಆದಾಯವು ತಿಂಗಳಿಗೆ 11,887 ರೂ. ಆಗಿದೆ. ಮಹಾರಾಷ್ಟ್ರವು 1.61 ಲಕ್ಷಕ್ಕೂ ಹೆಚ್ಚು ಏಜೆಂಟ್‌ಗಳನ್ನು ಹೊಂದಿದೆ. ಅವರ ಸರಾಸರಿ ಆದಾಯ ತಿಂಗಳಿಗೆ 14,931 ರೂ. ಆಗಿದೆ. ಪಶ್ಚಿಮ ಬಂಗಾಳವು 1.19 ಲಕ್ಷ ಏಜೆಂಟ್‌ಗಳನ್ನು ಹೊಂದಿದ್ದು ಅವರ ಸರಾಸರಿ ಆದಾಯ ತಿಂಗಳಿಗೆ 13,512 ರೂ. ಆಗಿದೆ.
ಜೊತೆಗೆ ತಮಿಳುನಾಡು, ಕರ್ನಾಟಕ, ರಾಜಸ್ಥಾನ, ಮಧ್ಯಪ್ರದೇಶ ಮತ್ತು ದೆಹಲಿ-ಎನ್‌ಸಿಆರ್‌ನಂತಹ ರಾಜ್ಯಗಳು ಹೆಚ್ಚಿನ ಸಂಖ್ಯೆಯ ಎಲ್ಐಸಿ ಏಜೆಂಟ್‌ಗಳನ್ನು ಹೊಂದಿವೆ. ಆದರೆ ಈ ಮೂರು ರಾಜ್ಯಗಳಿಗೆ ಹೋಲಿಸಿದರೆ ಸರಾಸರಿ ಆದಾಯ ಸ್ವಲ್ಪ ಕಡಿಮೆಯಾಗಿದೆ.
LIC ಏಜೆಂಟ್‌ಗಳು ಗ್ರಾಚ್ಯುಟಿ, ಪಿಂಚಣಿ ಯೋಜನೆಗಳು ಮತ್ತು ಬೋನಸ್‌ನಂತಹ ಅನೇಕ ಪ್ರಯೋಜನಗಳನ್ನು ಸಹ ಪಡೆಯುತ್ತಾರೆ. ಇವೆಲ್ಲವೂ ಸೇರಿ ಎಲ್ಐಸಿ ಏಜೆಂಟ್ ಕೆಲಸವನ್ನು ಆಕರ್ಷಕವಾಗಿಸುತ್ತದೆ.
LIC ಏಜೆಂಟ್ ಆಗಲು, ಅಭ್ಯರ್ಥಿಯು ಕನಿಷ್ಠ 18 ವರ್ಷ ವಯಸ್ಸಿನವರಾಗಿರಬೇಕು. ನಗರ ಪ್ರದೇಶಗಳಲ್ಲಿ 12 ನೇ ತರಗತಿ ಅಥವಾ ಗ್ರಾಮೀಣ ಪ್ರದೇಶಗಳಲ್ಲಿ 10 ನೇ ತರಗತಿ ತೇರ್ಗಡೆಯಾಗಿರಬೇಕು. ಏಜೆಂಟ್ ಆಗಲು, ಒಬ್ಬರು ಹತ್ತಿರದ ಎಲ್ಐಸಿ ಶಾಖೆಯಲ್ಲಿ ಅಭಿವೃದ್ಧಿ ಅಧಿಕಾರಿಯನ್ನು ಸಂಪರ್ಕಿಸಬಹುದು.