ಜನವರಿ 21 ರಂದು ವಿಶೇಷ ಚೇತನರ ಸಾಮೂಹಿಕ ವಿವಾಹವನ್ನು ಹಮ್ಮಿಕೊಳ್ಳಲಾಗಿದ್ದು, ಈ ಬಾರಿ 50 ಜೋಡಿಗಳಿಗೆ ವಿವಾಹ ಮಾಡಿಸುವ ಸಂಕಲ್ಪ ಮಾಡಲಾಗಿದೆ.
ಕೊಪ್ಪಳ: ಎಲ್ಲ ಇದ್ದೂ ಮದುವೆಯಾಗಲು (Marriage) ಬಯಸುವ ಯುವಕರಿಗೆ ವಧು ಸಿಗದ ಕಾಲ ಇದು, ಆದರೆ ಗವಿಮಠದ ಜಾತ್ರೆಯಲ್ಲಿ (Shree Gavisiddeshwara Matha) ವಿಶೇಷ ಚೇತನರಿಗೆ ಕಂಕಣ ಭಾಗ್ಯ ಕೂಡಿಬರಲಿದೆ.
)
ಜನವರಿ 27 ರಂದು ಶ್ರೀ ಗವಿಸಿದ್ದೇಶ್ವರ ಜಾತ್ರೆ ನಡೆಯಲಿದ್ದು, ಜಾತ್ರಾ ಸಂದರ್ಭದಲ್ಲಿ ವಿಶೇಷ ಸಾಮಾಜಿಕ ಕಾರ್ಯಗಳಿಗೆ ಗವಿಮಠ ಮುನ್ನುಡಿ ಹಾಕಲು ಸಿದ್ಧತೆ ನಡೆಸಿದೆ.
ಹಲವಾರು ಸಾಮಾಜಿಕ ಕಾರ್ಯಗಳನ್ನು ನಡೆಸುವ ಮಠ
ಈ ಹಿಂದೆ ರಕ್ತದಾನ, ದೇಹದಾನ, ಪರಿಸರ- ಕೆರೆ ಉಳಿಸುವ ಕಾರ್ಯ, ವಿಧವಾ-ವಿಧುರ ಮರುವಿವಾಹ ಹೀಗೆ ಹಲವಾರು ಸಾಮಾಜಿಕ ಕಾರ್ಯಗಳನ್ನು ಗವಿಮಠ ನಡೆಸಿತ್ತು. ಈ ಬಾರಿಯ ಜಾತ್ರೆಯಲ್ಲಿ ವಿಶೇಷ ಚೇತನರಿಗೆ ವಿವಾಹ ಭಾಗ್ಯ ಕಲ್ಪಿಸಲು ಮುಂದಾಗಿದೆ.
ಜನವರಿ 21 ರಂದು ವಿಶೇಷ ಚೇತನರ ಸಾಮೂಹಿಕ ವಿವಾಹವನ್ನು ಹಮ್ಮಿಕೊಳ್ಳಲಾಗಿದ್ದು, ಈ ಬಾರಿ 50 ಜೋಡಿಗಳಿಗೆ ವಿವಾಹ ಮಾಡಿಸುವ ಸಂಕಲ್ಪ ಮಾಡಲಾಗಿದೆ. ಈಗಾಗಲೇ 18 ಜೋಡಿಗಳು ವಿವಾಹಕ್ಕಾಗಿ ನೋಂದಾಯಿಸಿಕೊಂಡಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ
ಹೆಚ್ಚಿನ ಮಾಹಿತಿಗಾಗಿ ಅಥವಾ ವಿಶೇಷ ಚೇತನರು ಮದುವೆಗಾಗಿ ನೋಂದಣಿ ಮಾಡಿಸಲು ನಾಗರಾಜ ದೇಸಾಯಿ - 9448263019 (ಮುಖ್ಯಸ್ಥರು, ಸರ್ವೋದಯ ಸಂಸ್ಥೆ, ಕೊಪ್ಪಳ), ಅಥವಾ ಮಲ್ಲಿಕಾರ್ಜುನ ವೈ ಪೂಜಾರ - 9901501235 (ಜಿಲ್ಲಾಧ್ಯಕ್ಷರು ವಿಕಲಚೇತನರ ಒಕ್ಕೂಟ ಕೊಪ್ಪಳ) ಈ ದೂರವಾಣಿ ಸಂಖ್ಯೆಯನ್ನು ಸಂಪರ್ಕಿಸುವಂತೆ ಮಾಹಿತಿ ನೀಡಲಾಗಿದೆ.