Gold Price Prediction: ಚಿನ್ನ-ಬೆಳ್ಳಿ ಬೆಲೆ ದಿನದಿಂದ ದಿನಕ್ಕೆ ಏರಿಕೆ ಕಾಣ್ತಿದೆ. ಕೆಲವೇ ವರ್ಷಗಳ ಅಂತರದಲ್ಲಿ ಗೋಲ್ಡ್ ರೇಟ್ ಮೂರು ಪಟ್ಟು ಹೆಚ್ಚಿದೆ. ಈಗ ಚಿನ್ನ ಖರೀದಿಸೋದು ಕಷ್ಟ ಕಷ್ಟವಾಗಿದ್ದು, ಸದ್ಯದ ಪರಿಸ್ಥಿತಿಯಲ್ಲಿ ಬಂಗಾರ ಬೆಲೆ ಇಳಿಕೆಯತ್ತ ಸಾಗಿದೆಯಾದ್ರೂ, 2040ರ ವೇಳೆಗೆ ಚಿನ್ನದ ಬೆಲೆ ಎಷ್ಟಿರುತ್ತೆ ಗೊತ್ತಾ? ತಜ್ಞರ ಶಾಕಿಂಗ್ ಭವಿಷ್ಯ ಕುರಿತ ವರದಿ ಇಲ್ಲಿದೆ?
ಭಾರತದಲ್ಲಿ ಚಿನ್ನ ಕೇವಲ ಒಂದು ಲೋಹವಾಗಿ ಉಳಿದಿಲ್ಲ. ಚಿನ್ನದ ಮೇಲೆ ಜನರಿಗೆ ಹೆಚ್ಚು ವ್ಯಾಮೋಹವಿದೆ. ಲಕ್ಷ್ಮಿ ಸ್ವರೂಪ ಎಂಬಂತೆ ಹಬ್ಬಗಳಲ್ಲಿ ಚಿನ್ನ ಖರೀದಿ ಮಾಡ್ತಾರೆ. ಹುಟ್ಟುಹಬ್ಬದಿಂದ ಮದುವೆಯವರೆಗೆ ಎಲ್ಲಾ ಶುಭ ಸಮಾರಂಭಗಳಿಗೂ ಚಿನ್ನವನ್ನ ಉಡುಗೊರೆಯಾಗಿ ನೀಡಲಾಗುತ್ತೆ. ಆದ್ರೆ ಇದೀಗ ಚಿನ್ನದ ಬೆಲೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು, ಖರೀದಿನೇ ಕಷ್ಟ ಕಷ್ಟವಾಗ್ತಿದೆ.
ಈಗಾಗಲೇ ಚಿನ್ನ ಗಗನಕ್ಕೇರಿದ್ದು, ಜನರು ಚಿನ್ನ ಖರೀದಿಸಲು ಸಾಧ್ಯವಾಗುತ್ತಿಲ್ಲ. ಈ ಪರಿಸ್ಥಿತಿಯಲ್ಲಿ, ಚಿನ್ನದ ಬೆಲೆ ಹೀಗೆಯೇ ಏರುತ್ತಾ ಹೋದ್ರೆ, 2040ರ ವೇಳೆಗೆ ಚಿನ್ನದ ಬೆಲೆ ಎಷ್ಟಿರುತ್ತದೆ ಎಂಬ ಪ್ರಶ್ನೆ ಉದ್ಭವಿಸಿದೆ. ತಜ್ಞರು ಈ ಬಗ್ಗೆ ಭವಿಷ್ಯ ನುಡಿದಿದ್ದಾರೆ. ಈ ವರದಿ ನಿಜವಾದ್ರೆ ಮುಂದೆ ಚಿನ್ನ ಖರೀದಿ ಕನಸಿನ ಮಾತು ಅಂದ್ರು ತಪ್ಪಿಲ್ಲ.
2040 ರಲ್ಲಿ ಚಿನ್ನದ ಬೆಲೆ ಎಷ್ಟಿರಬಹುದು: ಕಳೆದ ಹತ್ತು ವರ್ಷಗಳಲ್ಲಿ ಚಿನ್ನದ ಬೆಲೆ ಏರಿಕೆಯಾಗಿರುವುದನ್ನು ನೋಡಿದ್ರೆ, ಭವಿಷ್ಯದಲ್ಲಿ ಸಾಮಾನ್ಯ ಜನರಿಗೆ ಚಿನ್ನ ಖರೀದಿಸುವುದು ಕಷ್ಟ ಕಷ್ಟವಾಗೋದು ಪಕ್ಕಾ ಎನ್ನಲಾಗ್ತಿದೆ. ಹಣಕಾಸು ತಜ್ಞರು ಮತ್ತು ಮಾರುಕಟ್ಟೆ ವಿಶ್ಲೇಷಕರ ಅಂದಾಜಿನ ಪ್ರಕಾರ, ವಾರ್ಷಿಕ ಹಣದುಬ್ಬರ ಮತ್ತು ಅಂತರರಾಷ್ಟ್ರೀಯ ಘಟನೆಗಳನ್ನ ಗಣನೆಗೆ ತೆಗೆದುಕೊಂಡು, 2040 ರ ವೇಳೆಗೆ 10 ಗ್ರಾಂ ಚಿನ್ನದ ಬೆಲೆ ಅನಿರೀಕ್ಷಿತ ಮಟ್ಟವನ್ನು ತಲುಪಬಹುದು ಎಂದು ಎನ್ನಲಾಗ್ತಿದೆ
ಜಾಗತಿಕ ಆರ್ಥಿಕ ಘಟನೆಗಳು, ರೂಪಾಯಿ ಅಪಮೌಲ್ಯ ಮತ್ತು ಬೇಡಿಕೆಯನ್ನು ಗಮನಿಸಿದ್ರೆ, 2040 ರಲ್ಲಿ ಚಿನ್ನದ ಬೆಲೆ ಸಾಮಾನ್ಯ ಜನರಿಗೆ ಗೋಲ್ಡ್ ಖರೀದಿ ದೂರದ ಮಾತಾಗೋದು ಖಚಿತ. 8% ರಿಂದ 10% ರವರೆಗಿನ ಸಂಯುಕ್ತ ವಾರ್ಷಿಕ ಬೆಳವಣಿಗೆ ದರ (CAGR) ಎಂದು ಊಹಿಸಿದರೆ, 2040 ರಲ್ಲಿ 10 ಗ್ರಾಂ ಚಿನ್ನದ ಬೆಲೆ 4,20,000 ರಿಂದ 5 ಲಕ್ಷ ರೂ.ಗಳನ್ನು ತಲುಪುವ ನಿರೀಕ್ಷೆಯಿದೆ ಇದೆ. 1 ಗ್ರಾಂ ಚಿನ್ನಕ್ಕೆ 40 ಸಾವಿರ ಕೊಡಬೇಕಾಗುತ್ತೆ.
ಹಣದುಬ್ಬರ ಹೆಚ್ಚಾದ್ರೆ, ಅಂತರರಾಷ್ಟ್ರೀಯ ಯುದ್ಧಗಳು ಅಥವಾ ಆರ್ಥಿಕ ಬಿಕ್ಕಟ್ಟುಗಳು ಸಂಭವಿಸಿದ್ರೆ, ಚಿನ್ನದ ಬೆಲೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಇದರ ನಡುವೆ ಇನ್ನು ಕೆಲವು ತಜ್ಞರು ಚಿನ್ನದ ಬೆಲೆ 6 ಲಕ್ಷ ಕೂಡ ತಲುಪಬಹುದು ಎಂದು ಭವಿಷ್ಯ ನುಡಿದಿದ್ದಾರೆ.
ಚಿನ್ನದ ಬೆಲೆ ಏರಿಕೆಗೆ ಪ್ರಮುಖ ಕಾರಣಗಳು: ಡಾಲರ್ ಮೌಲ್ಯ ಕಡಿಮೆಯಾದಾಗ, ಎಲ್ಲರೂ ಚಿನ್ನದತ್ತ ತಿರುಗುತ್ತಾರೆ, ಇದನ್ನು ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸಲಾಗುತ್ತದೆ. ಡಾಲರ್ ಮೌಲ್ಯವೇ ಚಿನ್ನದ ಬೆಲೆಯನ್ನು ಹೆಚ್ಚಿಸುತ್ತದೆ. ಮತ್ತೊಂದೆಡೆ, ಭೂಮಿಯ ಪದರಗಳಲ್ಲಿ ಚಿನ್ನದ ಮೀಸಲು ಕ್ರಮೇಣ ಕಡಿಮೆಯಾಗುತ್ತಿದೆ. ಬೇಡಿಕೆ ಹೆಚ್ಚಾದಾಗ ಮತ್ತು ಮೀಸಲು ಕಡಿಮೆಯಾದಾಗ, ಬೆಲೆ ಹೆಚ್ಚಾಗುವುದು ಸಹಜ. ಪ್ರಪಂಚದಾದ್ಯಂತದ ಕೇಂದ್ರ ಬ್ಯಾಂಕುಗಳು ತಮ್ಮ ವಿದೇಶಿ ವಿನಿಮಯ ಮೀಸಲು ಭಾಗವಾಗಿ ದೊಡ್ಡ ಪ್ರಮಾಣದಲ್ಲಿ ಚಿನ್ನವನ್ನು ಸಂಗ್ರಹಿಸುತ್ತಿವೆ.
ಉದಾಹರಣೆಗೆ, 2040 ರಲ್ಲಿ ನಿಮ್ಮ ಮನೆಯಲ್ಲಿ ಒಂದು ಮದುವೆ ಇದೆ ಅಂದ್ರೆ ಆ ಸಮಯದಲ್ಲಿ, ಒಂದು ಸಣ್ಣ ಗೋಲ್ಡ್ ಖರೀದಿಸಲು ಸಹ, ನೀವು ಕನಿಷ್ಠ 10 ರಿಂದ 15 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ. ಆಗ, ಡಿಜಿಟಲ್ ಚಿನ್ನ ಅಥವಾ 'ಚಿನ್ನದ ಇಟಿಎಫ್' ಹೆಚ್ಚು ಬಳಕೆಗೆ ಬರುತ್ತದೆ. ಆಗ ಚಿನ್ನ ಖರೀದಿಸಿ ಧರಿಸೋದು ಐಷಾರಾಮಿ ತನಕ್ಕೆ ಸಾಕ್ಷಿಯಂತಾಗಬಹುದು.
2040 ರಲ್ಲಿ ಚಿನ್ನದ ಬೆಲೆ ಎಷ್ಟೇ ಇದ್ದರೂ, ಚಿನ್ನದಲ್ಲಿ ಹೂಡಿಕೆ ಮಾಡೋದು ಯಾವಾಗಲೂ ಸುರಕ್ಷಿತ ಆಯ್ಕೆಯೇ ಆಗಿರುತ್ತೆ. ಆದ್ದರಿಂದ, ಭವಿಷ್ಯದಲ್ಲಿ ಆ ಹೊರೆಯನ್ನ ಕಡಿಮೆ ಮಾಡಲು, ಈಗಲೇ 'ಚಿನ್ನದ ಉಳಿತಾಯ ಯೋಜನೆಗಳು' ಅಥವಾ 'ಸಾರ್ವಭೌಮ ಚಿನ್ನದ ಬಾಂಡ್ ಗಳು (SGB)' ಗಳಲ್ಲಿ ಸಣ್ಣ ಪ್ರಮಾಣದಲ್ಲಿ ಹೂಡಿಕೆ ಮಾಡುವುದು ಉತ್ತಮ.