2025-26ನೇ ಸಾಲಿನ BA, Bcom, MA ಕೋರ್ಸ್ಗಳಿಗೆ ಅರ್ಜಿ ಆಹ್ವಾನ.ಕಾಲೇಜಿಗೆ ಹೋಗುವಂತಿಲ್ಲ, ಮನೆಯಲ್ಲೇ ಕುಳಿತು ಓದಬಹುದು (ವಯಸ್ಸಿನ ಮಿತಿ ಇಲ್ಲ).ಬಿಪಿಎಲ್ ಮಹಿಳೆಯರು ಮತ್ತು ಸಾರಿಗೆ ನೌಕರರಿಗೆ ಶುಲ್ಕದಲ್ಲಿ ವಿಶೇಷ ರಿಯಾಯಿತಿ.
ಹಣದ ತೊಂದರೆಯಿಂದಲೋ, ಅಥವಾ ಚಿಕ್ಕ ವಯಸ್ಸಿನಲ್ಲೇ ಕೆಲಸಕ್ಕೆ ಹೋಗಬೇಕಾದ ಅನಿವಾರ್ಯತೆಯಿಂದಲೋ ನಿಮ್ಮ ಕಾಲೇಜು ಶಿಕ್ಷಣವನ್ನು ಅರ್ಧಕ್ಕೆ ಬಿಟ್ಟಿದ್ದೀರಾ? “ನನಗೂ ಒಂದು ಡಿಗ್ರಿ ಸರ್ಟಿಫಿಕೇಟ್ ಇದ್ದಿದ್ದರೆ ಇಷ್ಟೊತ್ತಿಗೆ ಪ್ರಮೋಷನ್ ಸಿಗುತ್ತಿತ್ತು ಅಥವಾ ಒಳ್ಳೆ ಕೆಲಸ ಸಿಗುತ್ತಿತ್ತು” ಎಂದು ಈಗಲೂ ಪರಿತಪಿಸುತ್ತಿದ್ದೀರಾ? ಹಾಗಾದರೆ ನಿಮಗೊಂದು ಬಂಪರ್ ಅವಕಾಶ ಇಲ್ಲಿದೆ.
ನೀವು ಮಾಡುತ್ತಿರುವ ಕೆಲಸವನ್ನು ಬಿಡದೆ, ದಿನಾ ಕಾಲೇಜಿಗೆ ಹೋಗುವ ಉಸಾಬರಿ ಇಲ್ಲದೆ ಮನೆಯಲ್ಲೇ ಕುಳಿತು, ಅತ್ಯಂತ ಕಡಿಮೆ ಖರ್ಚಿನಲ್ಲಿ ಸರ್ಕಾರಿ ಮಾನ್ಯತೆ ಪಡೆದ ಡಿಗ್ರಿ ಅಥವಾ ಪಿಜಿ (ಸ್ನಾತಕೋತ್ತರ) ಮಾಡಬಹುದು. ಹೌದು, ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯವು (KSOU) 2025-26ನೇ ಸಾಲಿನ (ಜನವರಿ ಆವೃತ್ತಿ) ಪ್ರವೇಶಾತಿಗೆ ಆನ್ಲೈನ್ ಅರ್ಜಿ ಆಹ್ವಾನಿಸಿದೆ.
ಯಾವ್ಯಾವ ಕೋರ್ಸ್ಗಳಿವೆ?
ಪದವಿ (Degree) ವಿಭಾಗದಲ್ಲಿ ಬಿ.ಎ, ಬಿ.ಕಾಂ, ಬಿ.ಎಸ್ಸಿ, ಬಿ.ಸಿ.ಎ ಮತ್ತು ಬಿ.ಬಿ.ಎ ಕೋರ್ಸ್ಗಳು ಲಭ್ಯವಿವೆ. ಸ್ನಾತಕೋತ್ತರ (PG) ವಿಭಾಗದಲ್ಲಿ ಎಂ.ಎ, ಎಂ.ಕಾಂ, ಎಂ.ಎಸ್ಸಿ, ಎಂ.ಬಿ.ಎ ಮತ್ತು ಎಂ.ಸಿ.ಎ ನಂತಹ ಉದ್ಯೋಗಾಧಾರಿತ ಕೋರ್ಸ್ಗಳಿಗೆ ನೀವು ಸೇರಿಕೊಳ್ಳಬಹುದು. ಇಲ್ಲಿ ಪಡೆದ ಸರ್ಟಿಫಿಕೇಟ್ KPSC, UPSC ಸೇರಿದಂತೆ ಎಲ್ಲಾ ಸರ್ಕಾರಿ ಉದ್ಯೋಗಗಳಿಗೂ ಮಾನ್ಯತೆ ಹೊಂದಿರುತ್ತದೆ (UGC Approved).
ಮೊಬೈಲ್ನಲ್ಲೇ ಅರ್ಜಿ ಸಲ್ಲಿಸುವುದು ಹೇಗೆ?
ಮೊದಲಿಗೆ KSOU ನ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ.
ಮುಖಪುಟದಲ್ಲಿ “2025-26 ಜನವರಿ ಆವೃತ್ತಿಯ ಪ್ರವೇಶಾತಿ” ಲಿಂಕ್ ಮೇಲೆ ಕ್ಲಿಕ್ ಮಾಡಿ.
“Click Here New Registration” ಆಯ್ಕೆ ಮಾಡಿ, ನಿಮ್ಮ ಹೆಸರು, ಇಮೇಲ್, ಮೊಬೈಲ್ ನಂಬರ್ ನೀಡಿ ರಿಜಿಸ್ಟರ್ ಆಗಿ.
ಲಾಗಿನ್ ಆಗಿ ನಿಮ್ಮ ದಾಖಲೆಗಳನ್ನು (ಅಂಕಪಟ್ಟಿ, ಫೋಟೋ, ಸಹಿ) ಅಪ್ಲೋಡ್ ಮಾಡಿ, ಫೀಸ್ ಕಟ್ಟಿ ‘Submit’ ಮಾಡಿ.
ವರ್ಗ / ಕೋರ್ಸ್ ಅರ್ಹತೆ / ಸೌಲಭ್ಯದ ವಿವರ
ಪದವಿ ಕೋರ್ಸ್ಗಳಿಗೆ (Degree) ದ್ವಿತೀಯ ಪಿಯುಸಿ (PUC) ಅಥವಾ ತತ್ಸಮಾನ ಪಾಸ್.
ಸ್ನಾತಕೋತ್ತರ ಕೋರ್ಸ್ (PG) ಯಾವುದೇ ಮಾನ್ಯತೆ ಪಡೆದ ವಿವಿಯಿಂದ ಡಿಗ್ರಿ ಪಾಸ್.
BPL ಮಹಿಳೆಯರು & ಸಾರಿಗೆ ನೌಕರರು ಬೋಧನಾ ಶುಲ್ಕದಲ್ಲಿ 10% ರಿಯಾಯಿತಿ.
ದೃಷ್ಟಿಹೀನರು, ಕೋವಿಡ್ ಸಂತ್ರಸ್ತರು ಸಂಪೂರ್ಣ ಶುಲ್ಕ ವಿನಾಯಿತಿ (Free Admission).
ಗಮನಕ್ಕೆ:
ಇಲ್ಲಿ ಪ್ರವೇಶ ಪಡೆಯಲು ಯಾವುದೇ ವಯಸ್ಸಿನ ಮಿತಿ ಇರುವುದಿಲ್ಲ. ಹಾಗೆಯೇ, ಎಸ್ಸಿ/ಎಸ್ಟಿ (SC/ST) ಮತ್ತು ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳು ಸರ್ಕಾರದ SSP ಪೋರ್ಟಲ್ ಮೂಲಕ ಸ್ಕಾಲರ್ಶಿಪ್ (ವಿದ್ಯಾರ್ಥಿ ವೇತನ) ಕೂಡ ಪಡೆಯಬಹುದು.
ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ಮುನ್ನ ನಿಮ್ಮ ಆಧಾರ್ ಕಾರ್ಡ್ಗೆ ಮೊಬೈಲ್ ನಂಬರ್ ಲಿಂಕ್ ಆಗಿದೆಯೇ ಮತ್ತು ನಿಮ್ಮ ಹಿಂದಿನ ಅಂಕಪಟ್ಟಿಗಳು (Marks cards) ಸ್ಕ್ಯಾನ್ ಮಾಡಿ ಇಟ್ಟುಕೊಂಡಿದ್ದೀರಾ ಎಂದು ಖಚಿತಪಡಿಸಿಕೊಳ್ಳಿ. ಮಹಿಳೆಯರು 10% ರಿಯಾಯಿತಿ ಪಡೆಯಲು ಕಡ್ಡಾಯವಾಗಿ ತಮ್ಮ ಬಿಪಿಎಲ್ (BPL) ರೇಷನ್ ಕಾರ್ಡ್ ಪ್ರತಿಯನ್ನು ಅಪ್ಲೋಡ್ ಮಾಡಬೇಕು. ಸರ್ವರ್ ಬ್ಯುಸಿ ಇರುವುದರಿಂದ ರಾತ್ರಿ 9 ಗಂಟೆಯ ನಂತರ ಅಥವಾ ಮುಂಜಾನೆ ಅರ್ಜಿ ಸಲ್ಲಿಸಲು ಪ್ರಯತ್ನಿಸಿ.
(ಹೆಚ್ಚಿನ ಮಾಹಿತಿಗಾಗಿ: ಕರಾಮುವಿ ಬೆಂಗಳೂರು ಕೇಂದ್ರ-06, ಸುಂಕದಕಟ್ಟೆ, ಮಾಗಡಿ ರಸ್ತೆ. ಸಹಾಯವಾಣಿ: 9632332265 / 9741197921 ನ್ನು ಸಂಪರ್ಕಿಸಿ)