ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ ಕಳೆದ ಹಲವು ದಿನಗಳಿದಂಲೂ ಭಾರೀ ಸದ್ದು ಮಾಡುತ್ತಿರುವ Realme P4 Lite ಸ್ಮಾರ್ಟ್ಫೋನ್ ಇಂದು ಅಧಿಕೃತವಾಗಿ ಬಿಡುಗಡೆಯಾಗಿದೆ. ದೇಶದ ಎಂಟ್ರಿ-ಲೆವೆಲ್ ಸ್ಮಾರ್ಟ್ಫೋನ್ ವಿಭಾಗವನ್ನು ಗುರಿಯಾಗಿಸಿಕೊಂಡು ಬಂದಿರುವ ಈ ಹೊಸ ಸ್ಮಾರ್ಟ್ಫೋನ್, ಕಡಿಮೆ ಬೆಲೆಯಲ್ಲೇ 6,300mAh ನಷ್ಟು ದೊಡ್ಡ ಬ್ಯಾಟರಿ ಮತ್ತು ನವೀನ ಆಂಡ್ರಾಯ್ಡ್ ಆವೃತ್ತಿಯನ್ನು ನೀಡುವ ಮೂಲಕ ದಿನನಿತ್ಯ ಬಳಕೆಗೆ ಸೂಕ್ತವಾದಂತೆ ಬಿಡುಗಡೆಯಾಗಿದೆ. ಹಾಗಾದರೆ, ಹೊಸ Realme P4 Lite ಸ್ಮಾರ್ಟ್ಫೋನ್ ಹೇಗಿದೆ?, ಬೆಲೆ ಎಷ್ಟು ಎಂಬುದನ್ನು ನೋಡೋಣ ಬನ್ನಿ.
Realme P4 Lite: ಬೆಲೆ ಮತ್ತು ಲಭ್ಯತೆ
ದೇಶದಲ್ಲಿ Realme P4 Lite ರೂ. 9,999 ಆರಂಭಿಕ ದರದಲ್ಲಿ ಬಿಡುಗಡೆಯಾಗಿದ್ದು, ಈ ಬೆಲೆಯಲ್ಲಿ 4GB RAM ಮತ್ತು 64GB ಸ್ಟೋರೇಜ್ ಸಿಗುತ್ತದೆ. ಇದರ 4GB + 128GB ಮಾದರಿಯ ಬೆಲೆ ರೂ. 11,999 ಆಗಿದೆ. ಆದರೆ, ಆಯ್ದ ಬ್ಯಾಂಕ್ಗಳ ಮೂಲಕ ರೂ. 1,000 ರಿಯಾಯಿತಿ ಅಥವಾ ಕೂಪನ್ ಆಫರ್ ಕೂಡ ದೊರೆಯುತ್ತದೆ. ಇದರಿಂದ ಫೋನ್ ಆರಂಭಿಕ ಬೆಲೆ ₹8,999 ಎಂದು ಕಂಪೆನಿಯು ತಿಳಿಸಿದೆ. ಇನ್ನು ಇದೇ ಫೆಬ್ರವರಿ 24ರಿಂದ ಈ ಫೋನ್ ಮತ್ತು Realme ಅಧಿಕೃತ ವೆಬ್ಸೈಟ್ನಲ್ಲಿ ಮಾರಾಟಕ್ಕೆ ಲಭ್ಯವಾಗಲಿರುವ ಈ ಫೋನ್ ಅನ್ನು Beach Gold, Obsidian Black ಮತ್ತು Sea Blue ಎಂಬ ಮೂರು ಬಣ್ಣಗಳಲ್ಲಿ ಖರೀದಿಸಬಹುದು.
Realme P4 Lite: ಪ್ರಮುಖ ವೈಶಿಷ್ಟ್ಯಗಳು
ಈ ಹೊಸ Realme P4 Lite ಸ್ಮಾರ್ಟ್ಫೋನ್ ದೊಡ್ಡದಾಗಿರುವ 6.74-ಇಂಚಿನ HD+ (720x1,600 ಪಿಕ್ಸೆಲ್ಗಳು) ಡಿಸ್ಪ್ಲೇಯನ್ನು ಹೊಂದಿದೆ. ಈ ಡಿಸ್ಪ್ಲೆಯು 90Hz ವರೆಗೆ ರಿಫ್ರೆಶ್ ರೇಟ್, 563 ನಿಟ್ಗಳವರೆಗೆ ಗರಿಷ್ಠ ಹೊಳಪು, 180Hz ವರೆಗೆ ಸ್ಪರ್ಶ ಮಾದರಿ ರೇಟ್, 16.7 ಮಿಲಿಯನ್ ಬಣ್ಣಗಳು ಮತ್ತು 83.5 ಪ್ರತಿಶತ NTSC ಬಣ್ಣದ ಗ್ಯಾಮಟ್ ಅನ್ನು ಬೆಂಬಲಿಸಲಿದೆ. ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ ಈ ಫೋನ್ IP54 ರೇಟಿಂಗ್ನೊಂದಿಗೆ ಸಜ್ಜಾಗಿದೆ ಎಂದು ಕಂಪೆನಿ ತಿಳಿಸಿದೆ.
ಕಾರ್ಯಕ್ಷಮತೆಗಾಗಿ, Realme P4 Lite ಫೋನ್ ಆಕ್ಟಾ ಕೋರ್ ಯುನಿಸಾಕ್ ಟಿ7250 ಚಿಪ್ಸೆಟ್ನಿಂದ ಚಾಲಿತವಾಗಿದೆ, 12nm ಪ್ರಕ್ರಿಯೆಯಲ್ಲಿ ನಿರ್ಮಿಸಲಾರುವ ಈ ಚಿಪ್ 1.8GHz ಗರಿಷ್ಠ ಕ್ಲಾಕ್-ಸ್ಪೀಡ್ ನೀಡುವ ಸಾಮರ್ಥ್ಯವನ್ನು ಹೊಂದಿದೆ. ಜೊತೆಗೆಮಾಲಿ G57 MP1 GPU ನೊಂದಿಗೆ ಜೋಡಿಸಲಾಗಿರುವ ಈ ಫೋನ್ 4GB RAM ಮತ್ತು 128GB ವರೆಗಿನ ಆಂತರಿಕ ಸಂಗ್ರಹಣೆಯನ್ನು ಹೊಂದಿದ್ದು, ಆಂಡ್ರಾಯ್ಡ್ 15 ಆಧಾರಿತ ರಿಯಲ್ಮಿ ಯುಐನಲ್ಲಿ ಕಾರ್ಯನಿರ್ವಹಿಸುತ್ತದೆ.
Realme P4 Lite Launched in India with 6 300mAh Battery
ಕ್ಯಾಮೆರಾ ವಿಭಾಗದಲ್ಲಿ, Realme P4 Lite ಹಿಂಭಾಗದಲ್ಲಿ ಒಂದೇ 13-ಮೆಗಾಪಿಕ್ಸೆಲ್ (f/2.2) ಕ್ಯಾಮೆರಾವನ್ನು ಹೊಂದಿದ್ದು, ಇದು 76.5-ಡಿಗ್ರಿ ವ್ಯೂ ಫೀಲ್ಡ್ ಮತ್ತು 27mm ಫೋಕಲ್ ಲೆಂತ್ನೊಂದಿಗೆ ಶಕ್ತವಾಗಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ ಮುಂಭಾಗದಲ್ಲಿ 5-ಮೆಗಾಪಿಕ್ಸೆಲ್ ಸಾಮರ್ಥ್ಯದ ಕ್ಯಾಮೆರಾ ಇದೆ. ಈ ಫೋನಿನಲ್ಲಿ 1080p/30 fps ವರೆಗೆ ವೀಡಿಯೊಗಳನ್ನು ರೆಕಾರ್ಡ್ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದ್ದು, ಕಡಿಮೆ ಬೆಲೆಯ್ಲೂ ಉತ್ತಮ ಕ್ಯಾಮೆರಾ ವ್ಯವಸ್ಥೆಯನ್ನು ನೀಡುತ್ತದೆ.
ಈ ಫೋನ್ನ ಪ್ರಮುಖ ಆಕರ್ಷಣೆ 6,300mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ. ಇದು 15W ವೈರ್ಡ್ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ. ಸಂಪರ್ಕಕ್ಕಾಗಿ 4G LTE, ಬ್ಲೂಟೂತ್ 5.2, Wi-Fi, BeiDou, GPS, GLONASS ಮತ್ತು ಗೆಲಿಲಿಯೊವನ್ನು ಸಹ ಬೆಂಬಲಿಸುತ್ತದೆ. ಆನ್ಬೋರ್ಡ್ ಸಂವೇದಕಗಳ ಪಟ್ಟಿಯಲ್ಲಿ ಸಾಮೀಪ್ಯ ಸಂವೇದಕ, ಸುತ್ತುವರಿದ ಬೆಳಕಿನ ಸಂವೇದಕ, ಭದ್ರತೆಗಾಗಿ ಸೈಡ್-ಮೌಂಟೆಡ್ ಫಿಂಗರ್ಪ್ರಿಂಟ್ ಸ್ಕ್ಯಾನರ್, ಗೈರೊಸ್ಕೋಪ್ ಮತ್ತು ಅಕ್ಸೆಲೆರೊಮೀಟರ್ ಸೇರಿವೆ. ಈ ಫೋನ್ 167.20x76.60x7.94mm ಅಳತೆ ಮತ್ತು ಸುಮಾರು 201g ತೂಗುತ್ತದೆ.
ಒಟ್ಟಾರೆಯಾಗಿ, Realme P4 Lite ಕಡಿಮೆ ಬೆಲೆಯಲ್ಲಿ ದೀರ್ಘ ಬ್ಯಾಟರಿ, ಸಮರ್ಪಕ ಪ್ರದರ್ಶನ ಮತ್ತು ಅಗತ್ಯ ವೈಶಿಷ್ಟ್ಯಗಳನ್ನು ಒಟ್ಟುಗೂಡಿಸಿರುವ ಬಜೆಟ್ ಸ್ಮಾರ್ಟ್ಫೋನ್ ಆಗಿದೆ. ದೈನಂದಿನ ಬಳಕೆ, ಆನ್ಲೈನ್ ತರಗತಿಗಳು, ಸಾಮಾಜಿಕ ಜಾಲತಾಣ ಮತ್ತು ವಿಡಿಯೋ ಸ್ಟ್ರೀಮಿಂಗ್ ಸೇರಿದಂತೆ ಸಾಮಾನ್ಯ ಇದು ಸೂಕ್ತ ಆಯ್ಕೆಯಾಗಬಹುದು. ಭಾರತದಲ್ಲಿ ಬಜೆಟ್ ವಿಭಾಗದಲ್ಲಿ ಹೊಸ ಫೋನ್ ಹುಡುಕುತ್ತಿರುವವರಿಗೆ Realme P4 Lite ಒಂದು ಗಮನಾರ್ಹ ಆಯ್ಕೆಯಾಗಿದೆ ಎಂಬುದು ನಮ್ಮ ಅಭಿಪ್ರಾಯ.