Bajaj Platina 110 vs TVS Star City Plus: ಭಾರತೀಯ ಬೈಕ್ ಮಾರುಕಟ್ಟೆಯಲ್ಲಿ 110 ಸಿಸಿ ವಿಭಾಗದಲ್ಲಿ ಬಜಾಜ್ ಪ್ಲಾಟಿನಾ 110 ಮತ್ತು ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ಉತ್ತಮ ಸ್ಪರ್ಧೆಯಾಗಿದೆ. ಪ್ಲಾಟಿನಾ 110 ಹೆಚ್ಚಿನ ಮೈಲೇಜ್, ಉತ್ತಮ ಸಸ್ಪೆನ್ಷನ್ ಮತ್ತು ಕಡಿಮೆ ನಿರ್ವಹಣಾ ವೆಚ್ಚಗಳಿಗೆ ಹೆಸರುವಾಸಿಯಾಗಿದೆ, ಆದರೆ ಸ್ಟಾರ್ ಸಿಟಿ ಪ್ಲಸ್ ಇಕೋ ಥ್ರಸ್ಟ್ ಇಂಧನ ಇಂಜೆಕ್ಷನ್ ತಂತ್ರಜ್ಞಾನ, ಎಲ್ಇಡಿ ಹೆಡ್‌ಲ್ಯಾಂಪ್‌ನಂತಹ ಆಧುನಿಕ ವೈಶಿಷ್ಟ್ಯಗಳನ್ನು ಹೊಂದಿದೆ.

ಬಜಾಜ್ ಪ್ಲಾಟಿನಾ 110 ಮತ್ತು ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ಭಾರತೀಯ ಪ್ರಯಾಣಿಕ ಬೈಕ್ ಮಾರುಕಟ್ಟೆಯಲ್ಲಿ ಎರಡು ಜನಪ್ರಿಯ ಬೈಕ್‌ಗಳಾಗಿವೆ. ಕಡಿಮೆ ಬೆಲೆಯಲ್ಲಿ ಹೆಚ್ಚಿನ ಮೈಲೇಜ್ ಜೊತೆಗೆ ಆರಾಮದಾಯಕ ಸವಾರಿ ಅನುಭವವನ್ನು ಒದಗಿಸುವುದು ಅವುಗಳ ಮುಖ್ಯ ಉದ್ದೇಶವಾಗಿದೆ. ಪ್ಲಾಟಿನಾ 110 ತನ್ನ ಡಿಟಿಎಸ್-ಐ ಎಂಜಿನ್, ಉತ್ತಮ ಸಸ್ಪೆನ್ಷನ್ ಮೂಲಕ ಜನಪ್ರಿಯವಾದರೆ, ಸ್ಟಾರ್ ಸಿಟಿ ಪ್ಲಸ್ ತನ್ನ ವಿನ್ಯಾಸ, ಬಾಳಿಕೆ ಮತ್ತು ಟಿವಿಎಸ್‌ನ ಇಕೋಥ್ರಸ್ಟ್ ಎಂಜಿನ್ ತಂತ್ರಜ್ಞಾನದಿಂದ ಜನಪ್ರಿಯವಾಗಿದೆ. ಹಾಗಿದ್ರೆ ಈ ಎರಡು ಬೈಕ್‌ಗಳು ಬೆಲೆ, ಮೈಲೇಜ್, ಆಸನ ಸೌಕರ್ಯ ಮತ್ತು ಬಣ್ಣಗಳ ಆಯ್ಕೆಗಳ ವಿಷಯದಲ್ಲಿ ಯಾವುದು ಬೆಸ್ಟ್ ನೋಡೋಣ.‌

ಬಜಾಜ್ ಪ್ಲಾಟಿನಾ 100 (Bajaj Platina 110)

ಇದು ಭಾರತೀಯ ಬೈಕ್ ಮಾರುಕಟ್ಟೆಯಲ್ಲಿ ಅತ್ಯಂತ ಜನಪ್ರಿಯ ಮಾದರಿಗಳಲ್ಲಿ ಒಂದಾಗಿದೆ. ಬಜಾಜ್ ಪ್ಲಾಟಿನಾ 99.59cc DTS-i ಸಿಂಗಲ್ ಸಿಲಿಂಡರ್, 4-ಸ್ಟ್ರೋಕ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತದೆ, ಇದು 8.2 PS ಪವರ್ ಮತ್ತು 8.3 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು 4-ಸ್ಪೀಡ್ ಟ್ರಾನ್ಸ್ಮಿಷನ್ ಗೇರ್ ಬಾಕ್ಸ್ ನೊಂದಿಗೆ ಬರುತ್ತದೆ. ಇದರ ಗರಿಷ್ಠ ವೇಗ 90KMPH ಆಗಿದೆ.

Bajaj Platina 110 ವೈಶಿಷ್ಟ್ಯಗಳು

ಬಜಾಜ್ ಪ್ಲಾಟಿನಾ 100 ಒಳ್ಳೆಯ ಸಸ್ಪೆನ್ಷನ್, LED DRL, ಎಲೆಕ್ಟ್ರಿಕ್ ಸ್ಟಾರ್ಟ್, 200 mm ಗ್ರೌಂಡ್ ಕ್ಲಿಯರೆನ್ಸ್, 807mm ಸೀಟ್ ಎತ್ತರ ಮತ್ತು 117 ಕೆಜಿ ಕರ್ಬ್ ತೂಕವನ್ನು ಹೊಂದಿದೆ. ಇದು 135 mm ಟೆಲಿಸ್ಕೋಪಿಕ್ ಫ್ರಂಟ್ ಮತ್ತು 110 mm ಸ್ಪ್ರಿಂಗ್ ಸಸ್ಪೆನ್ಷನ್‌ಗಳನ್ನು ಹಿಂಭಾಗದಲ್ಲಿ ಹೊಂದಿದೆ. ಇದು ಮುಂಭಾಗದಲ್ಲಿ 130 mm ಡ್ರಮ್ ಬ್ರೇಕ್‌ಗಳನ್ನು ಮತ್ತು ಹಿಂಭಾಗದಲ್ಲಿ ಆಂಟಿ-ಸ್ಕಿಡ್ ಸಿಸ್ಟಮ್‌ನೊಂದಿಗೆ 110 mm ಡ್ರಮ್ ಬ್ರೇಕ್‌ಗಳನ್ನು ಹೊಂದಿದೆ.