ಹಳೆಯ ಪಹಣಿ, ಮ್ಯುಟೇಶನ್ ಹುಡುಕಿ ಸುಸ್ತಾಗಿದ್ದೀರಾ? ಬಂತು ಹೊಸ ವೆಬ್‌ಸೈಟ್! ಮೊಬೈಲ್‌ನಲ್ಲೇ ಡೌನ್‌ಲೋಡ್ ಮಾಡಿ

ನಿಮ್ಮ ಜಮೀನಿನ 1977 ರ ಹಳೆಯ ಪಹಣಿ, ಮ್ಯುಟೇಶನ್ ಅಥವಾ ನಕ್ಷೆ ಬೇಕೇ? ಇದಕ್ಕಾಗಿ ಇನ್ಮುಂದೆ ತಾಲ್ಲೂಕು ಕಚೇರಿಯಲ್ಲಿ ಕ್ಯೂ ನಿಲ್ಲುವ ಹಾಗಿಲ್ಲ. ರಾಜ್ಯ ಸರ್ಕಾರ ಹೊಸ ‘ರೆಕಾರ್ಡ್ ರೂಮ್’ (Record Room) ವೆಬ್‌ಸೈಟ್ ಲಾಂಚ್ ಮಾಡಿದೆ. ಕೇವಲ 2 ನಿಮಿಷದಲ್ಲಿ, ಮನೆಯಲ್ಲೇ ಕುಳಿತು ಹಳೆಯ ದಾಖಲೆ ಡೌನ್‌ಲೋಡ್ ಮಾಡುವುದು ಹೇಗೆ? ಇಲ್ಲಿದೆ ನೋಡಿ.

ರೈತರು ತಮ್ಮ ಜಮೀನಿನ ಹಳೆಯ ದಾಖಲೆಗಳನ್ನು (Old Records) ಪಡೆಯಲು ಪಡುವ ಪಾಡು ಯಾರಿಗೂ ಬೇಡ ಈ ಕಷ್ಟ ಅನಿಸುತ್ತೆ.!. ತಾಲ್ಲೂಕು ಕಚೇರಿಯ ‘ರೆಕಾರ್ಡ್ ರೂಮ್’ ಮುಂದೆ ನಿಂತು, ಅರ್ಜಿ ಬರೆದು, ದಿನಗಟ್ಟಲೆ ಕಾಯಬೇಕಿತ್ತು. ಆದರೆ ರೈತರ ಈ ಸಂಕಷ್ಟಕ್ಕೆ ಕಂದಾಯ ಇಲಾಖೆ ಈಗ ಫುಲ್ ಸ್ಟಾಪ್ ಇಟ್ಟಿದೆ.

ಸಚಿವ ಕೃಷ್ಣ ಬೈರೇಗೌಡರ ನೇತೃತ್ವದಲ್ಲಿ, “ಭೂ ಸುರಕ್ಷಾ ಯೋಜನೆ” ಅಡಿಯಲ್ಲಿ ಕಂದಾಯ ಇಲಾಖೆಯು recordroom.karnataka.gov.in ಎಂಬ ಹೊಸ ಪೋರ್ಟಲ್ ಆರಂಭಿಸಿದೆ. ಇಲ್ಲಿ ನೀವು ನಿಮ್ಮ ಜಮೀನಿನ ಜನ್ಮ ಜಾತಕವನ್ನೇ (ಇತಿಹಾಸ) ಕ್ಷಣಾರ್ಧದಲ್ಲಿ ಪಡೆಯಬಹುದು! ಈ ಕುರಿತು ಸಂಪೂರ್ಣವಾದ ಮಾಹಿತಿ ಕೆಳಗೆ ಕೊಡಲಾಗಿದೆ.

ಏನಿದು ಹೊಸ ವೆಬ್‌ಸೈಟ್? (What is Record Room?): 

ಸಾಮಾನ್ಯವಾಗಿ ‘ಭೂಮಿ’ (Bhoomi) ಪೋರ್ಟಲ್‌ನಲ್ಲಿ ನಿಮಗೆ ಪ್ರಸ್ತುತ ಸಾಲಿನ ಪಹಣಿ ಸಿಗುತ್ತದೆ. ಆದರೆ ಈ ಹೊಸ ‘ರೆಕಾರ್ಡ್ ರೂಮ್’ ವೆಬ್‌ಸೈಟ್‌ನಲ್ಲಿ 1977 ರಿಂದ ಇಲ್ಲಿಯವರೆಗಿನ ಹಳೆಯ ಪಹಣಿ, ಮ್ಯುಟೇಶನ್ ಮತ್ತು ಇತರೆ ಸ್ಕ್ಯಾನ್ ಮಾಡಿದ ದಾಖಲೆಗಳು ಲಭ್ಯವಿವೆ.

ಯಾವೆಲ್ಲಾ ದಾಖಲೆಗಳು ಸಿಗುತ್ತವೆ? (List of Documents):

ಹಳೆಯ ಪಹಣಿ (Old RTC): 1977 ರಿಂದ 2000 ಇಸವಿಯವರೆಗಿನ ಕೈಬರಹದ ಪಹಣಿಗಳು.

ಮ್ಯುಟೇಶನ್ (Mutation Extract): ಜಮೀನು ಯಾರಿಂದ ಯಾರಿಗೆ ವರ್ಗಾವಣೆಯಾಗಿದೆ ಎಂಬ ಹಳೆಯ ದಾಖಲೆ.

ಟಿಪ್ಪಣಿ & ನಕ್ಷೆ: ಜಮೀನಿನ ಅಳತೆಯ ಸ್ಕೆಚ್.

ಹಕ್ಕು ಪತ್ರಗಳು: ಸರ್ಕಾರ ಮಂಜೂರು ಮಾಡಿದ ಹಳೆಯ ದಾಖಲೆಗಳು.

ವಿಷಯ (Details) ಮಾಹಿತಿ (Info)

ವೆಬ್‌ಸೈಟ್ ಹೆಸರು Record Room (Revenue Dept)

ಲಿಂಕ್ (Link) recordroom.karnataka.gov.in

ಲಭ್ಯವಿರುವ ವರ್ಷ 1977 ರಿಂದ ಇಲ್ಲಿಯವರೆಗೆ

ದಾಖಲೆಗಳು ಹಳೆಯ ಪಹಣಿ, ಮ್ಯುಟೇಶನ್, ನಕ್ಷೆ

ಶುಲ್ಕ ಅತ್ಯಲ್ಪ ಸರ್ಕಾರಿ ಶುಲ್ಕ

ಮೊಬೈಲ್‌ನಲ್ಲೇ ಡೌನ್‌ಲೋಡ್ ಮಾಡುವುದು ಹೇಗೆ?

ರೈತರು ಈ ಕೆಳಗಿನ ಹಂತಗಳನ್ನು ಅನುಸರಿಸಿ ಸುಲಭವಾಗಿ ದಾಖಲೆ ಪಡೆಯಬಹುದು:

ಹಂತ 1: ಮೊದಲಿಗೆ recordroom.karnataka.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ.

Direct Link: https://recordroom.karnataka.gov.in/service4

ಹಂತ 2: ಮುಖಪುಟದಲ್ಲಿ ನಿಮ್ಮ ಮೊಬೈಲ್ ನಂಬರ್ ನಮೂದಿಸಿ, ಬರುವ OTP ಹಾಕಿ ಲಾಗಿನ್ ಆಗಿ.

ಹಂತ 3: ‘Search Record’ ಆಯ್ಕೆ ಮಾಡಿ. ಅಲ್ಲಿ ನಿಮ್ಮ ಜಿಲ್ಲೆ, ತಾಲ್ಲೂಕು, ಹೋಬಳಿ, ಗ್ರಾಮ ಮತ್ತು ಸರ್ವೆ ನಂಬರ್ ಆಯ್ಕೆ ಮಾಡಿ. 

ಹಂತ 4: ನಿಮಗೆ ಯಾವ ವರ್ಷದ ದಾಖಲೆ ಬೇಕು (ಉದಾ: 1980ರ ಪಹಣಿ) ಎಂಬುದನ್ನು ಆಯ್ಕೆ ಮಾಡಿ.

ಹಂತ 5: ಪರದೆಯ ಮೇಲೆ ದಾಖಲೆ ಕಾಣುತ್ತದೆ (Preview). ಅದು ಸರಿಯಾಗಿದ್ದರೆ, ಆನ್ಲೈನ್ ಮೂಲಕ ನಿಗದಿತ ಶುಲ್ಕ (ಹಣ) ಪಾವತಿಸಿ PDF Download ಮಾಡಿಕೊಳ್ಳಿ.

ಇದರ ಲಾಭವೇನು? (Benefits):

ಮಧ್ಯವರ್ತಿಗಳಿಗೆ ಲಂಚ ಕೊಡುವುದು ತಪ್ಪುತ್ತದೆ.

ಕಚೇರಿಗೆ ಅಲೆಯುವ ಸಮಯ ಉಳಿತಾಯ.

ಡಿಜಿಟಲ್ ಸಹಿ (Digital Sign) ಇರುವ ಕಾರಣ ಇದು ಕೋರ್ಟ್ ಕೇಸ್‌ಗಳಿಗೂ ಮಾನ್ಯವಾಗುತ್ತದೆ.