ಕ್ರೆಡಿಟ್/ಡೆಬಿಟ್‌ ಕಾರ್ಡ್ ವಂಚನೆಯನ್ನು ಪತ್ತೆ ಮಾಡುವುದು & ತಡೆಯುವುದು ಹೇಗೆ? ಈ ಹಂತಗಳನ್ನ ಫಾಲೋ ಮಾಡಿ

How to Prevent Card from Fraud : ನಿಮ್ಮ ಬಳಿ ಇರುವ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್‌ ಅನ್ನು ವಂಚಕರಿಂದ ರಕ್ಷಿಸಲು ಮತ್ತು ವಂಚನೆಗೆ ಒಳಗಾಗುವುದನ್ನು ತಪ್ಪಿಸಲು ಕೆಲವೊಂದು ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ. ಜೊತೆಗೆ ಕಾರ್ಡ್‌ನ ಕೆಲವು ಬಹುಮುಖ್ಯ ಅಂಶಗಳನ್ನು ಸಹ ಯಾರೊಂದಿಗೂ ಹಂಚಿಕೊಳ್ಳಬಾರದು. ಹೀಗಾಗಿ ವಂಚಕರಿಂದ ಮೋಸಕ್ಕೆ ಒಳಗಾಗುವುದನ್ನು ತಪ್ಪಿಸಲು ಈ ಅಂಶಗಳನ್ನು ಅನುಸರಿಸಿ.

ಕ್ರೆಡಿಟ್ ಮತ್ತು ಡೆಬಿಟ್‌ ಕಾರ್ಡ್ ವಂಚನೆಯನ್ನು ಪತ್ತೆ ಮಾಡುವುದು & ತಡೆಯುವುದು ಹೇಗೆ?

• ಕ್ರೆಡಿಟ್ ಮತ್ತು ಡೆಬಿಟ್‌ ಕಾರ್ಡ್ ಸೀಕ್ರೆಟ್‌ ಪಿನ್‌ಗಳನ್ನ ಯಾರೊಂದಿಗೂ ಹಂಚಿಕೊಳ್ಳಬೇಡಿ.

• ನಿಮ್ಮ ಕಾರ್ಡ್‌ನ ಹಿಂಭಾಗದಲ್ಲಿರುವ ಸಿವಿವಿ ನಂಬರ್ ಅನ್ನು ಗೌಪ್ಯವಾಗಿಡಿ.

• ಪಿನ್‌ ಸೆಟ್‌ ಮಾಡುವಾಗ ಏನೆಲ್ಲಾ ಅಂಶಗಳನ್ನು ಪರಿಗಣಿಸಬೇಕು ಎಂಬುದನ್ನು ಅರಿಯಿರಿ.

ಈಗಿನ ಡಿಜಿಟಲ್ ಯುಗದಲ್ಲಿ ಬಹುತೇಕ ಎಲ್ಲಾ ಜನರು ಕ್ರೆಡಿಟ್ ಇಲ್ಲವೇ ಡೆಬಿಟ್ ಕಾರ್ಡ್ ಬಳಸುವುದನ್ನು ಕಾಣಬಹುದು. ಅದ್ರಲ್ಲೂ ಯುಪಿಐ ಬಂದ ಮೇಲೆ ಎಟಿಎಂ ವಹಿವಾಟು ತಗ್ಗಿದ್ದರೂ ಸಹ ಇನ್ನೂ ಅನೇಕ ಜನರು ಕಾರ್ಡ್‌ ಮೂಲಕ ಆನ್‌ಲೈನ್ ವಹಿವಾಟು ಮುಂದುವರೆಸಿದ್ದಾರೆ. ದೇಶೀಯ ಮಟ್ಟದಲ್ಲಷ್ಟೇ ಅಲ್ಲದೆ ವಿದೇಶದಲ್ಲೂ ಸಹ ನಾನಾ ರೀತಿಯಾದ ಕಾರ್ಡ್‌ ಮೂಲಕ ಹಣ ಪಾವತಿ ಮಾಡುತ್ತಾರೆ.

ನೀವು ಕೂಡ ಕ್ರೆಡಿಟ್‌/ಡೆಬಿಟ್ ಕಾರ್ಡ್ ಬಳಕೆ ಮಾಡ್ತಿದ್ರೆ, ಕಾರ್ಡ್‌ನ ಸೀಕ್ರೆಟ್ ಪಿನ್‌ ನಂಬರ್ ಸೇರಿದಂತೆ ಕೆಲವೊಂದು ಅಂಶಗಳ ಕುರಿತು ಎಚ್ಚರಿಕೆ ವಹಿಸಬೇಕಾಗಿರುವುದು ಬಹಳ ಮುಖ್ಯ. ನೀವು ಪಿನ್ ಅನ್ನು ಸೆಟ್‌ ಮಾಡುವಾಗ ಅಥವಾ ಸೆಟ್ ಮಾಡಿದ ನಂತರ ಯಾವುದೇ ಕಾರಣಕ್ಕೂ ಸೀಕ್ರೆಟ್ ಪಿನ್ ಶೇರ್ ಮಾಡಬೇಡಿ.

ನಿಮ್ಮ ಕಾರ್ಡ್‌ ವಂಚನೆಯನ್ನು ಗುರುತಿಸಲು ಮತ್ತು ತಪ್ಪಿಸಲು ಈ ಅಂಶಗಳನ್ನ ಫಾಲೋ ಮಾಡಿ

1) OTP ಗಳನ್ನು ಎಂದಿಗೂ ಹಂಚಿಕೊಳ್ಳಬೇಡಿ: ನಿಮ್ಮ OTP ಅನ್ನು ಖಾಸಗಿಯಾಗಿ ಇರಿಸಿ - ನಿಮ್ಮ ಬ್ಯಾಂಕ್ ಅದನ್ನು ಎಂದಿಗೂ ಕೇಳುವುದಿಲ್ಲ.

2) ಅನಧಿಕೃತ ವಹಿವಾಟು ಕುರಿತು ಜಾಗರೂಕರಾಗಿರಿ : ಅನಧಿಕೃತ ವಹಿವಾಟುಗಳನ್ನು ಹಿಡಿಯಲು ತ್ವರಿತ ಎಚ್ಚರಿಕೆಗಳನ್ನು ಹೊಂದಿಸಿ.

3) ನಿಮ್ಮ ಬ್ಯಾಂಕಿನ ಅಧಿಕೃತ ಸೈಟ್ ಅನ್ನು ಮಾತ್ರ ನಂಬಿರಿ.

4) URL ನಲ್ಲಿ ಯಾವಾಗಲೂ 'HTTPS' ಗಾಗಿ ಪರಿಶೀಲಿಸಿ.

5) ನಿಮ್ಮ ಎಲ್ಲಾ ಕಾರ್ಡ್‌ಗಳಿಗೆ ವಿಶಿಷ್ಟ ಮತ್ತು ವಿಭಿನ್ನ PIN ಅನ್ನು ಸೆಟ್‌ ಮಾಡಿ.

6) ಬಲವಾದ PIN ಅನ್ನು ಬಳಸಿ, ಇದು ಇತರರಿಗೆ ವಂಚಿಸಲು ಕಷ್ಟವಾಗಬಹುದು. ಆದರೆ ನೀವು ನೆನಪಿಟ್ಟುಕೊಳ್ಳಲು ಸುಲಭವಾಗಿರಲಿದೆ.

ಡೆಬಿಟ್‌/ಕ್ರೆಡಿಟ್‌ ಕಾರ್ಡ್‌ ಸೆಕ್ಯುರಿಟಿ ಪಿನ್ ರಚಿಸಲು ಪ್ರಮುಖ ಸಲಹೆಗಳು

1. ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ಪಿನ್ ಅನ್ನು ರಚಿಸುವಾಗ ಸಾಕಷ್ಟು ಭಿನ್ನವಾಗಿರಬೇಕು.

2. ನಿಮ್ಮ ಪಿನ್ ಪಾಸ್‌ವರ್ಸ್‌ 0000 ಅಥವಾ 1234 ಎಂದು ರೀತಿಯಲ್ಲಿ ಇಟ್ಟುಕೊಳ್ಳದಿರಿ

3. ನಿಮ್ಮ ಪಾಸ್‌ವರ್ಡ್ ಕ್ರಿಯೆಟ್ ಮಾಡಲು ಅಕ್ಷರಗಳು ಮತ್ತು ಸಂಖ್ಯೆಗಳ ಸಂಯೋಜನೆಯನ್ನು ಬಳಸಿ.

4. ನಿಮ್ಮ ಸೆಕ್ಯುರಿಟಿ ಪಿನ್ ಆರರಿಂದ ಎಂಟು ಅಂಕಿಗಳ ನಡುವೆ ಇರಲಿ.

5. ನಿಮ್ಮ ಕಾರ್ಡ್‌ ಮೇಲೆ ನಿಮ್ಮ ಸೆಕ್ಯುರಿಟಿ ಪಿನ್‌ ಅನ್ನು ಎಂದಿಗೂ ಬರೆಯಬೇಡಿ ಅಥವಾ ವ್ಯಾಲೆಟ್‌ನಲ್ಲಿ ಕೊಂಡೊಯ್ಯಬೇಡಿ

6. ನಿಮ್ಮ ಕಾರ್ಡ್ ಮತ್ತು ಪಿನ್ ಅನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ. ಬ್ಯಾಂಕ್‌ನವರಿಗೂ ತಿಳಿಸಬೇಡಿ.

7. ಜನನಿಬಿಡ ಪ್ರದೇಶದಲ್ಲಿ or ಸಿಸಿ ಕ್ಯಾಮೆರಾ ಇಲ್ಲದೇ ಇರುವ ಸ್ಥಳದಲ್ಲಿ ಎಟಿಎಂ ಅನ್ನು ಬಳಸಬೇಡಿ.

8. ನೀವು ಮೊಬೈಲ್ ಬ್ಯಾಂಕಿಂಗ್ ಅನ್ನು ಬಳಸುತ್ತಿದ್ದರೆ, ಪಿನ್ ಅಥವಾ ಫಿಂಗರ್‌ಪ್ರಿಂಟ್ ಅನ್‌ಲಾಕ್ ಅನ್ನು ಹೊಂದಿಸಿ

9. ನಿಮ್ಮ ಕಾರ್ಡ್ ವಿವರಗಳು ಅಥವಾ ಪಿನ್ ಕೇಳುವ ಇಮೇಲ್‌ಗಳು ಅಥವಾ ಸಂದೇಶಗಳಿಗೆ ಉತ್ತರಿಸಬೇಡಿ.