ಕರ್ನಾಟಕ ಅಂಚೆ ವೃತ್ತದಲ್ಲಿ 1940 ಕೇಂದ್ರ ಸರ್ಕಾರಿ ಹುದ್ದೆ ನೇಮಕ: SSLC ಪಾಸಾದವರು ಅರ್ಜಿ ಹಾಕಿ

ರಾಜ್ಯದ ಅಂಚೆ ಕಚೇರಿಗಳಲ್ಲಿ ಈ ವರ್ಷ ಒಟ್ಟಾರೆ 1940 ಖಾಲಿ ಹುದ್ದೆಗಳನ್ನು ತುಂಬಲು ಅಂಚೆ ಇಲಾಖೆ ನೋಟಿಫಿಕೇಶನ್‌ ಬಿಡುಗಡೆ ಮಾಡಿದ್ದು, ಅರ್ಜಿ ಆಹ್ವಾನಿಸಿದೆ. ಅರ್ಜಿ ಸಲ್ಲಿಸಲು ಬೇಕಾದ ಮಾಹಿತಿ, ವರ್ಗಾವಾರು ಖಾಲಿ ಹುದ್ದೆಗಳ ವಿವರ ಇಲ್ಲಿದೆ ನೋಡಿ.

ಇಂಡಿಯನ್ ಪೋಸ್ಟ್‌ ಡಿಪಾರ್ಟ್‌ಮೆಂಟ್‌ 2024ನೇ ಸಾಲಿಗೆ ಕರ್ನಾಟಕದಲ್ಲಿ ಖಾಲಿ ಇರುವ ಒಟ್ಟು 1940 ಪೋಸ್ಟ್ ಮಾಸ್ಟರ್ ಹುದ್ದೆಗಳನ್ನು ಭರ್ತಿ ಮಾಡಲು ನೇಮಕ ಅಧಿಸೂಚನೆ ಬಿಡುಗಡೆ ಮಾಡಿದೆ. ದೇಶದಾದ್ಯಂತ ಒಟ್ಟು 44,228 ಖಾಲಿ ಹುದ್ದೆಗಳಿದ್ದು ಭರ್ತಿ ಮಾಡಲಾಗುತ್ತಿದೆ. ಕರ್ನಾಟಕದ ನಿರುದ್ಯೋಗಿಗಳು ಎಸ್‌ಎಸ್‌ಎಲ್‌ಸಿ ಪಾಸಾಗಿದ್ದು ಯಾವುದಾದರೂ ಸರ್ಕಾರಿ ನೌಕರಿಗೆ ಸೇರಲು ಬಯಸಿದ್ದಲ್ಲಿ, ಈಗ ಅಂಚೆ ಇಲಾಖೆ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಜೆನೆರಲ್‌ ಕೆಟಗರಿಯವರಿಗೆ 40 ವರ್ಷದವರೆಗೆ ಅರ್ಜಿಗೆ ಅವಕಾಶ ನೀಡಲಾಗಿದ್ದು, ಇನ್ನು ಇತರೆ ಕೆಟಗರಿಯವರಿಗೆ ನಿಯಮಗಳ ಪ್ರಕಾರ ವಯಸ್ಸಿನ ಸಡಿಲಿಕೆಯು ಇದೆ. ಇದರ ಕುರಿತು ಹಾಗೂ ಅರ್ಜಿಗೆ ಬೇಕಾದ ಇನ್ನಷ್ಟು ಮಾಹಿತಿಗಳನ್ನು ಕೆಳಗಿನಂತೆ ತಿಳಿದು ಬೇಗ ಬೇಗ ಅರ್ಜಿ ಸಲ್ಲಿಸಿ.

ಕರ್ನಾಟಕದಲ್ಲಿ ಅಂಚೆ ಇಲಾಖೆ ಭರ್ತಿ ಮಾಡಲಿರುವ ಗ್ರಾಮೀಣ ಡಾಕ್‌ ಸೇವಕ್‌ ಹುದ್ದೆಗಳ ವರ್ಗಾವಾರು ಮೀಸಲಾತಿ ಪ್ರಕಾರ ಖಾಲಿ ಇರುವ ಹುದ್ದೆಗಳ ವಿವರ ಕೆಳಗಿನಂತಿದೆ.

ವರ್ಗಗಳು ಖಾಲಿ ಇರುವ ಭರ್ತಿ ಮಾಡಲಿರುವ ಹುದ್ದೆ ಸಂಖ್ಯೆ

ಸಾಮಾನ್ಯ ಕೆಟಗರಿ 827
ಇತರೆ ಹಿಂದುಳಿದ ವರ್ಗ 446
ಪರಿಶಿಷ್ಟ ಜಾತಿ 264
ಪರಿಶಿಷ್ಟ ಪಂಗಡ 130
ಆರ್ಥಿಕವಾಗಿ ಹಿಂದುಳಿದ ವರ್ಗ 230
PWD-A 7
PWD-B 22
PWD-C 12
PWD-DE 2

ಒಟ್ಟು 1940

ಈ ಹುದ್ದೆಗಳನ್ನು ಕರ್ನಾಟಕದಾದ್ಯಂತ ಇರುವ ಎಲ್ಲಾ ಜಿಲ್ಲೆಗಳ ಹೆಡ್‌ ಆಫೀಸ್, ಬ್ರ್ಯಾಂಚ್‌ ಆಫೀಸ್, ಸಬ್‌ ಆಫೀಸ್‌ ಗಳಲ್ಲಿ ನೇಮಕ ಮಾಡಲಾಗುತ್ತದೆ.

ಜಿಲ್ಲಾವಾರು ಹಾಗೂ ಅಂಚೆ ಕಚೇರಿವಾರು ಮೀಸಲಾತಿ ಪ್ರಕಾರ ಖಾಲಿ ಹುದ್ದೆಗಳನ್ನು ಚೆಕ್‌ ಮಾಡುವುದು ಹೇಗೆ?

ಅಂಚೆ ಇಲಾಖೆ ವೆಬ್‌ಸೈಟ್‌ https://indiapostgdsonline.gov.in ಗೆ ಭೇಟಿ ನೀಡಿ.

'Karnataka' ಪೋಸ್ಟಲ್ ಸರ್ಕಲ್ ಆಯ್ಕೆ ಮಾಡಿ.

ನಂತರ ತೆರೆಯುವ ವೆಬ್ಪೇಜ್‌ ನಲ್ಲಿ ಜಿಲ್ಲೆ ಆಯ್ಕೆ ಮಾಡಿ 'View Posts' ಎಂದಿರುವಲ್ಲಿ ಕ್ಲಿಕ್ ಮಾಡಿ.

ನೀವು ಆಯ್ಕೆ ಮಾಡಿದ ಜಿಲ್ಲೆಯಲ್ಲಿ, ನಿಮ್ಮ ಸುತ್ತಮುತ್ತಲ ಪೋಸ್ಟ್‌ ಆಫೀಸ್‌ ಯಾವುವು, ಎಷ್ಟು ಹುದ್ದೆಗಳಿವೆ ಎಂದು ಚೆಕ್‌ ಮಾಡಿಕೊಳ್ಳಬಹುದು.

ಅಂಚೆ ಇಲಾಖೆ ಉದ್ಯೋಗ ಆಕಾಂಕ್ಷಿಗಳು ಮೇಲಿನ ವಿಧಾನವನ್ನು ಅನುಸರಿಸಿದಲ್ಲಿ ತಮ್ಮ ಗ್ರಾಮದ ಸುತ್ತ ಮುತ್ತ ಯಾವ ಸಬ್‌ ಆಫೀಸ್‌ಗಳಿವೆ, ಯಾವ ಬ್ರ್ಯಾಂಚ್‌ಗಳಿವೆ, ಅಲ್ಲಿ ಯಾವ ವರ್ಗದವರಿಗೆ ಹುದ್ದೆ ಖಾಲಿ ಇವೆ ಎಂದು ತಿಳಿದು ನಂತರ ಅರ್ಜಿ ಸಲ್ಲಿಸಬಹುದು.

ಬ್ರ್ಯಾಂಚ್‌ ಪೋಸ್ಟ್‌ಮಾಸ್ಟರ್‌ (BPM) ಹುದ್ದೆಗೆ Rs.12,000-29,380 ವೇತನ ಶ್ರೇಣಿ ಇರುತ್ತದೆ. ಹಾಗೂ ಅಸಿಸ್ಟಂಟ್ ಬ್ರ್ಯಾಂಚ್‌ ಪೋಸ್ಟ್‌ ಮಾಸ್ಟರ್ (ABPM) ಮತ್ತು ಡಾಕ್ ಸೇವಕ್‌ ಹುದ್ದೆಗಳಿಗೆ Rs.10,000-24,470 ವೇತನ ಶ್ರೇಣಿ ಇರುತ್ತದೆ.

ಅರ್ಹತೆಗಳು

ಕರ್ನಾಟಕದ ಅಂಚೆ ವೃತ್ತದ ಹುದ್ದೆಗಳಿಗೆ ಅರ್ಜಿ ಹಾಕಲು ಎಸ್‌ಎಸ್‌ಎಲ್‌ಸಿ / 10ನೇ ತರಗತಿ ಪಾಸಾಗಿದ್ದು, ಜತೆಗೆ ರಾಜ್ಯದ ಅಧಿಕೃತ ಭಾಷೆ ಕನ್ನಡ ಓದಲು, ಬರೆಯಲು, ಮಾತನಾಡಲು ಗೊತ್ತಿರಬೇಕು. ಜತೆಗೆ ಬೇಸಿಕ್ ಕಂಪ್ಯೂಟರ್ ಜ್ಞಾನ ಹೊಂದಿದ್ದು ಪ್ರಮಾಣ ಪತ್ರ ಪಡೆದಿರುವವರಿಗೆ ಹೆಚ್ಚಿನ ಆಧ್ಯತೆ ಇದೆ.

ದಿನಾಂಕ 05-08-2024 ಕ್ಕೆ ಸರಿಯಾಗಿ ಕನಿಷ್ಠ 18 ವರ್ಷ ಪೂರೈಸಿರಬೇಕು, ಗರಿಷ್ಠ 40 ವರ್ಷ ವಯಸ್ಸು ಮೀರದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು.

ಎಸ್‌ಸಿ / ಎಸ್‌ಟಿ ಕೆಟಗರಿಯವರಿಗೆ 5 ವರ್ಷ, EWS ಅಭ್ಯರ್ಥಿಗಳಿಗೆ 3 ವರ್ಷ ವಯಸ್ಸಿನ ಸಡಿಲಿಕೆ ಇರುತ್ತದೆ.

Important Dates

ಅರ್ಜಿ ಸಲ್ಲಿಸಲು ಆರಂಭಿಕ ದಿನಾಂಕ 15-07-2024

ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ 05-08-2024

ಅರ್ಜಿ ವಿವರ ತಿದ್ದುಪಡಿ ಮಾಡಲು ದಿನಾಂಕ 06-08-2024 ರಿಂದ 08-08-2024

ಅರ್ಜಿ ಶುಲ್ಕ

ಆನ್‌ಲೈನ್‌ ಅರ್ಜಿ ಶುಲ್ಕ ರೂ.100.

ಅರ್ಜಿ ಸಲ್ಲಿಸಲು ಭೇಟಿ ನೀಡಬೇಕಾದ ವೆಬ್‌ಸೈಟ್‌ ವಿಳಾಸ :

https://indiapostgdsonline.gov.in

ಪೋಸ್ಟ್‌ ಮಾಸ್ಟರ್ ಹುದ್ದೆಗೆ ಅರ್ಜಿ ಸಲ್ಲಿಸುವ ವಿಧಾನಗಳು

ಹಂತ- 1: ರಿಜಿಸ್ಟ್ರೇಷನ್‌ ಪಡೆಯುವುದು.

ಹಂತ- 2: ಡೀಟೇಲ್ಡ್‌ ಅರ್ಜಿ ಸಲ್ಲಿಸುವುದು.

ಹಂತ- 3: ಅರ್ಜಿ ಶುಲ್ಕ ಪಾವತಿ ಮಾಡುವುದು.

ಉದ್ಯೋಗ ವಿವರ

ಹುದ್ದೆಯ ಹೆಸರು:- ಪೋಸ್ಟ್‌ಮ್ಯಾನ್ / ಗ್ರಾಮೀಣ ಡಾಕ್‌ ಸೇವಕ್‌

ವಿವರ:- ಭಾರತೀಯ ಅಂಚೆ ಇಲಾಖೆಯಿಂದ ಕರ್ನಾಟಕ ವೃತ್ತದ ಹುದ್ದೆಗೆ ಅಧಿಸೂಚನೆ.

ಪ್ರಕಟಣೆ ದಿನಾಂಕ:- 2024-07-15

ಕೊನೆ ದಿನಾಂಕ:- 2024-08-05

ಉದ್ಯೋಗ ವಿಧ:- ಪೂರ್ಣಾವಧಿ

ಉದ್ಯೋಗ ಕ್ಷೇತ್ರ:- ಕೇಂದ್ರ ಸರ್ಕಾರಿ ಉದ್ಯೋಗ

ವೇತನ ವಿವರ:- INR 12000 to 29380 /Month

ಕೌಶಲ ಮತ್ತು ಶೈಕ್ಷಣಿಕ ಅರ್ಹತೆ

ವಿದ್ಯಾರ್ಹತೆ:- ಎಸ್‌ಎಸ್‌ಎಲ್‌ಸಿ

ಕಾರ್ಯಾನುಭವ:- 0 Years

ನೇಮಕಾತಿ ಸಂಸ್ಥೆ:- ಸಂಸ್ಥೆಯ ಹೆಸರು ಭಾರತೀಯ ಅಂಚೆ ಇಲಾಖೆ

ಉದ್ಯೋಗ ಸ್ಥಳ

ವಿಳಾಸ:- ಕರ್ನಾಟಕ ವೃತ್ತದ ಎಲ್ಲ ಜಿಲ್ಲೆ, ಕಚೇರಿಗಳು

ಸ್ಥಳ:- ಕರ್ನಾಟಕ ವೃತ್ತದ ಎಲ್ಲ ಜಿಲ್ಲೆ, ಕಚೇರಿಗಳು

ಪ್ರದೇಶ:- ಕರ್ನಾಟಕ

ಅಂಚೆ ಸಂಖ್ಯೆ:- 560091

ದೇಶ:- INDIA