High paying online jobs for students: ಇಂದು ಸ್ಮಾರ್ಟ್‌ಫೋನ್‌ ಹಾಗೂ ಲ್ಯಾಪ್‌ಟಾಪ್‌ ಅನ್ನು ಉತ್ತಮವಾಗಿ ಬಳಸುವ ವಿಧಾನ, ಜತೆಗೆ ಒಂದಷ್ಟು ಉತ್ತಮ ಉಪಯೋಗಕಾರಿ ಸ್ಕಿಲ್‌ಗಳು ಗೊತ್ತಿದ್ದಲ್ಲಿ, ಯುವಜನತೆ ಮನೆಯಿಂದಲೇ ಮಾಡಬಹುದಾದ ಹಲವು ಜಾಬ್‌ಗಳಿವೆ. ಅವುಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ.
ದ್ವಿತೀಯ ಪಿಯುಸಿ / ಪದವಿ ಹೀಗೆ ಯಾವುದೇ ಶಿಕ್ಷಣ ಪಾಸ್‌ ಮಾಡಿದ್ದು, ಮುಂದೆ ಓದಲು ಆಸಕ್ತಿ ಇಲ್ಲ. ಆದರೆ ಹಣ ಗಳಿಸಲು ಯಾವುದಾದರೂ ಒಂದು ಜಾಬ್ ಬೇಕು. ಅದರಲ್ಲೂ ಮನೆಯಿಂದಲೇ ಕುಳಿತು, ಆನ್ಲೈನ್ ಮೂಲಕ ಮಾಡಬಹುದಾದ ಜಾಬ್ ಬೇಕು ಎನ್ನುವವರಿಗೆ ಇಂದಿನ ಡಿಜಿಟಲ್ ಯುಗದಲ್ಲಿ ಸಾಕಷ್ಟು ಅವಕಾಶಗಳಿವೆ. ಸ್ಮಾರ್ಟ್‌ಫೋನ್‌ನಿಂದಲೇ ಇಂದು ಎಷ್ಟೋ ಯುವಜನತೆ ಜಸ್ಟ್‌ ರೀಲ್ಸ್‌ ಮಾಡಿ ಶ್ರೀಮಂತರಾದವರು ಇದ್ದಾರೆ. ಆದರೆ ರೀಲ್ಸ್‌ ಮಾಡೋದನ್ನ ಜಾಬ್ ಎನ್ನಲು ಸಾಧ್ಯವಿಲ್ಲ. ಅದೊಂದು ಹವ್ಯಾಸ. ಆದರೆ ಆನ್ಲೈನ್ ಮೂಲಕ ದಡಿಯಬಹುದಾದ ಬೆಸ್ಟ್‌ ಅಂಡ್‌ ಈಸಿ ಜಾಬ್‌ಗಳು ಯಾವುವು ಎಂಬುದನ್ನ ನೋಡುವುದಾದಲ್ಲಿ.. ಅದಕ್ಕೆ ಉತ್ತರ ಈ ಕೆಳಗಿನಂತಿದೆ ನೋಡಿ.
ಹವ್ಯಾಸಿ ಬರವಣಿಗೆಗಾರರು
ಫ್ರೀಲ್ಯಾನ್ಸ್‌ ರೈಟರ್ ಅಥವಾ ಹವ್ಯಾಸಿ ಬರವಣಿಗೆಗಾರರು ಎಂಬುದು ಉತ್ತಮ ಬರವಣಿಗೆ ಕೌಶಲ ಹೊಂದಿರುವವರು ಮಾಡಬಹುದಾದ ಜಾಬ್ ಸಹ ಆಗಿದೆ. ಇಂದು ಪ್ರತಿಯೊಂದು ವ್ಯವಹಾರಕ್ಕೂ ಬರವಣಿಗೆ/ ಉತ್ತಮವಾಗಿ ಹೆಣೆದ ಬರಹಗಳು ಅಗತ್ಯ. ಉತ್ತಮ ಹವ್ಯಾಸಿ ಬರವಣಿಗೆಗಾರರು ಮಾರ್ಕೆಟ್‌ನ ಟ್ರೆಂಡ್ ಯಾವ ರೀತಿ ಇದೆ ಎಂದು ತಿಳಿದು ಕಾಲಕ್ಕೆ ತಕ್ಕಂತೆ ಅಪ್‌ಡೇಟ್‌ ಆಗಬೇಕು. ಈ ಮೂಲಕ ಫ್ರೀಲ್ಯಾನ್ಸ್‌ ರೈಟರ್ ವೃತ್ತಿಯನ್ನು ಆನ್ಲೈನ್ ಮೂಲಕ ಹಣಗಳಿಸಲು ಉಪಯೋಗಿಸಿಕೊಳ್ಳಬಹುದು. .
ಫ್ರೀಲ್ಯಾನ್ಸ್‌ ರೈಟರ್ ಉದ್ಯೋಗ ಪಡೆಯಲು ಬರವಣಿಗೆ ಬಲ್ಲವರು ಉತ್ತಮ ಕಾಂಟ್ಯಾಕ್ಟ್‌ಗಳ ಮೂಲಕ ಅಥವಾ freelancewritersden.com ಗೆ ಭೇಟಿ ನೀಡಿ ರಿಜಿಸ್ಟರ್ ಮಾಡಿಕೊಂಡು ಆನ್ಲೈನ್ ಮೂಲಕ ಸಹ ದುಡಿಮೆ ಮಾಡಬಹುದು.
ನೀವು ಇಂಗ್ಲಿಷ್, ಹಿಂದಿ, ಕನ್ನಡ ಹೀಗೆ ನಿಮ್ಮ ಮಾತೃಭಾಷೆಯ ಜತೆಗೆ ಇತರೆ ಯಾವುದೇ ಭಾಷೆಗೆ ಭಾಷಾಂತರ ಮಾಡುವ, ಅದರಲ್ಲೂ ವಿಶೇಷವಾಗಿ ಇಂಗ್ಲಿಷ್‌ನಿಂದ ಕನ್ನಡಕ್ಕೆ, ಕನ್ನಡದಿಂದ ಇಂಗ್ಲಿಷ್‌ಗೆ ಯಾವುದೇ ವಿಷಯವನ್ನು ಭಾಷಾಂತರ ಮಾಡುವ ಕೌಶಲ ನಿಮಗಿದ್ದಲ್ಲಿ, ಇಂತಹ ಜಾಬ್‌ಗಳು ಆನ್‌ಲೈನ್‌ನಲ್ಲಿ ಸಾಕಷ್ಟು ಸಿಗುತ್ತವೆ. ಆನ್ಲೈನ್ ನಲ್ಲಿ ಸರ್ಚ್ ಮಾಡುವ ಮೂಲಕ ಪಡೆಯಬಹುದಾಗಿದೆ.
ಡಾಟಾ ಎಂಟ್ರಿ ಆಪರೇಟರ್‌
ಡಾಟಾ ಎಂಟ್ರಿ ಆಪರೇಟರ್‌ ಜಾಬ್ ಅನ್ನು ಲ್ಯಾಪ್‌ಟಾಪ್‌ ಇರುವವರು ಕಂಟೆಂಟ್ ಕಾಪಿ-ಪೇಸ್ಟ್‌ ಮಾಡುವ, ಮ್ಯಾನೇಜ್‌ ಮಾಡುವ, ಕ್ಲೈಂಟ್‌ಗಳ ಡಿಜಿಟಲ್/ಇಮೇಜ್‌ ಅನ್ನು ವರ್ಲ್ಡ್‌ ಡಾಕುಮೆಂಟ್‌ಗೆ ಬದಲಿಸುವ, ಅಥವಾ ಬೇಕಾದ ಡಾಟಾವನ್ನು ಆನ್ಲೈನ್ ಮೂಲಕವೇ ಕಲೆಹಾಕಿ ಒದಗಿಸಿಕೊಡುವ ಕೆಲಸವೇ ಈ ಡಾಟಾ ಎಂಟ್ರಿ ಆಪರೇಟರ್‌ ಉದ್ಯೋಗವಾಗಿದೆ.
ಆನ್ಲೈನ್ ಸಮೀಕ್ಷೆಗಳು
ಆನ್ಲೈನ್ ಸಮೀಕ್ಷೆ ಮೂಲಕ ಪ್ರತಿದಿನ ಕೇವಲ 2 ರಿಂದ 3 ಗಂಟೆ ಕೆಲಸ ಮಾಡಿ ತಿಂಗಳಿಗೆ 10 ರಿಂದ 20 ಸಾವಿರ ಹಣ ಗಳಿಸುವ ಅವಕಾಶ ಇಂದಿನ ದಿನಗಳಲ್ಲಿ ಇದೆ ಎಂದರೆ ನೀವು ನಂಬಲೇಬೇಕು. ಸರ್ವೇ (ಸಮೀಕ್ಷೆ) ಅನ್ನು ಕಂಪನಿಗಳು ತಮ್ಮ ಪ್ರಾಡಕ್ಟ್‌ ಕುರಿತು ಗ್ರಾಹಕರ ಅಭಿಪ್ರಾಯ ತಿಳಿಯಲು, ಯಾರು ತೆಗೆದುಕೊಳ್ಳುತ್ತಾರೆ ಎಂದು ತಿಳಿಯಲು ನಡೆಸುತ್ತವೆ. ಅಲ್ಲದೇ ಪ್ರಾಡಕ್ಟ್‌ ಇಷ್ಟವಾಗಿದೆಯೇ, ಇಲ್ಲವೇ ಎಂದು ತಿಳಿಯಲು ಸಹ ಸಮೀಕ್ಷೆಯನ್ನು ನಡೆಸುತ್ತವೆ. ಇಂತಹ ಸಮೀಕ್ಷೆಗಳನ್ನು ಆನ್ಲೈನ್ ಮೂಲಕವೇ ನಿರ್ವಹಿಸಿ ಹಣ ಗಳಿಸಬಹುದು. ಈ ಕೆಲಸಗಳನ್ನು ಸರ್ವೇ ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ ಪಡೆಯಬಹುದು.
ಡಿಜಿಟಲ್ ಮಾರ್ಕೆಟಿಂಗ್
ಮೊದಲೆಲ್ಲಾ ಸಂಪ್ರದಾಯಿಕ ಮಾಧ್ಯಮವಾದ ದಿನಪತ್ರಿಕೆಗೆ ಯಾವುದೇ ಜಾಹೀರಾತಿಗಾಗಿ ಸಂಸ್ಥೆಗಳು, ಕಂಪನಿಗಳು, ಯಾವುದೇ ಪ್ರಾಡಕ್ಟ್‌ ಕಂಪನಿಗಳು ನಂಬಿದ್ದವು. ಆದರೆ ಇಂದು ಆನ್ಲೈನ್ ಮೂಲಕ ವಿವಿಧ ವಿಧಾನದಲ್ಲಿ ಡಿಜಿಟಲ್ ಮಾರ್ಕೆಟಿಂಗ್ ಮಾಡಿಸಲು ಮುಂದಾಗುತ್ತವೆ. ಇಂದಿನ ದಿನಗಳಲ್ಲಿ ಡಿಜಿಟಲ್ ಮಾರ್ಕೆಟಿಂಗ್ ಸಹ ಒಂದು ಡೀಸೆಂಟ್‌ ಜಾಬ್. ಯಂಗ್‌ಸ್ಟರ್‌ಗಳು ಕಂಪ್ಯೂಟರ್ ಸೈನ್ಸ್‌ ಇಂಜಿನಿಯರಿಂಗ್, ಪದವೀಧರರು ಸುಲಭವಾಗಿ ಮಾಡಬಹುದಾದ ಆನ್ಲೈನ್ ಜಾಬ್ ಇದು. ವಿಡಿಯೋ ಮಾರ್ಕೆಟಿಂಗ್, ಇ-ಮೇಲ್ ಮಾರ್ಕೆಟಿಂಗ್, ಎಸ್‌ಇಒ, ಎಸ್ಇಎಂ, ಕಂಟೆಂಟ್, ಇ-ಕಾಮರ್ಸ್‌ ಮಾರ್ಕೆಟಿಂಗ್, ವೆಬ್ ಅನಾಲಿಸ್ಟ್‌, ಮೊಬೈಲ್‌ ಜಾಹಿರಾತು ಹೀಗೆ ಹಲವು ವಿಧಗಳಲ್ಲಿ ಆನ್ಲೈನ್ ಮೂಲಕ ಡಿಜಿಟಲ್ ಮಾರ್ಕೆಟಿಂಗ್ ಜಾಬ್ ಮಾಡಬಹುದು.
ವೆಬ್ ಡಿಸೈನರ್
ವೆಬ್ ಡಿಸೈನರ್ ಎಂಬುದು ಇಂದು ಬಹುಸಂಖ್ಯಾತ ಜನರು ಆನ್ಲೈನ್ ಮೂಲಕ ಓದಲು, ಏನಾದರೂ ವಿಷಯ ತಿಳಿಯಲು, ಹಾಗೆ ನ್ಯೂಸ್‌ ಅಪ್‌ಡೇಟ್‌ಗಳನ್ನು ನೋಡಲು ಬಳಸುತ್ತಿರುವ ವೆಬ್‌ಸೈಟ್‌ಗಳ ವಿನ್ಯಾಸ ಹೇಗಿರಬೇಕು ಎಂದು ರಚಿಸುವವರೇ ಆಗಿದ್ದಾರೆ. ನೀವೇನಾದರೂ ವೆಬ್ ಡಿಸೈನಿಂಗ್ ಸ್ಕಿಲ್ ಹೊಂದಿದ್ದಲ್ಲಿ ನಿಮ್ಮ ಸೇವೆಯನ್ನು ಪಾರ್ಟ್‌ಟೈಮ್‌ನಲ್ಲಿ, ಹವ್ಯಾಸಿ ಆಗಿ ನೀಡುವ ಮೂಲಕ ಆನ್ಲೈನ್ ಮೂಲಕ ಸಹ ನೀಡಬಹುದು. ವೆಬ್ ಡಿಸೈನರ್ ಆಗಿ ತಮ್ಮನ್ನು ತಾವೇ ಮಾರ್ಕೆಟ್‌ ಮಾಡಿಕೊಳ್ಳಲು ತಮ್ಮ ಕಾಂಟ್ಯಾಕ್ಟ್‌ಗಳನ್ನು ಬಳಸಿಕೊಳ್ಳಬೇಕು. ವಿವಿಧ ಬ್ಯುಸಿನೆಸ್‌ಗಳಿಗೆ ವೆಬ್‌ಡಿಸೈನ್‌ಗಳನ್ನು ಮನೆಯಲ್ಲೇ ಮಾಡಿಕೊಡುವ ಮೂಲಕ ಆನ್ಲೈನ್ ಮೂಲಕವೇ ಹಣ ಗಳಿಸುವ ವಿಧಾನ ಕಂಡುಕೊಳ್ಳಬಹುದು. ನೇರವಾಗಿ ಕಂಪನಿಗಳನ್ನೇ ಅಪ್ರೋಚ್ ಮಾಡುವ ಮೂಲಕವು ಫ್ರೀಲ್ಯಾನ್ಸ್‌ ವೆಬ್ ಡಿಸೈನರ್ ಆಗಬಹುದು.
ಆನ್ಲೈನ್ ಮೂಲಕ ಬೋಧನೆ
ಆನ್ಲೈನ್ ಟ್ಯೂಟರ್ ಆಗುವ ಮೂಲಕ ಸ್ವತಂತ್ರ ಜಾಬ್‌ನೊಂದಿಗೆ ಹಣ ಗಳಿಸುವ ಅವಕಾಶಗಳಿವೆ. ನೀವು ಸಹ ಈ ಆನ್ಲೈನ್ ಟ್ಯೂಟರ್ ಆಗಲು ಸ್ಕಿಲ್ ಹೊಂದಿದ್ದಲ್ಲಿ, ಅಂದರೆ ನೀವು ಯಾವುದಾದರೂ ಸಬ್ಜೆಕ್ಟ್‌ ಎಕ್ಸ್‌ಪರ್ಟ್‌ ಆಗಿದ್ದಲ್ಲಿ ಈ ಕೆಲಸ ಮಾಡಬಹುದಾಗಿದೆ. ನಿಮ್ಮ ಜ್ಞಾನವನ್ನು ಇಂದು ಆನ್ಲೈನ್ ಮೂಲಕ ಪ್ರಪಂಚದಾದ್ಯಂತ ಹೇಳಬಹುದು. ನಿಮ್ಮ ಕಾಲೇಜಿನ ಸಹಪಾಠಿಗಳಿಗೆ ಮಾತ್ರವಲ್ಲದೇ ಶಾಲಾ ಮಕ್ಕಳಿಗೆ ನಿರ್ಧಿಷ್ಟ ವಿಷಯದ ಬಗ್ಗೆ ಟ್ಯೂಷನ್ ಮಾಡುವ ಮೂಲಕ ಹಣಗಳಿಸಬಹುದು.
Tutor.com, wzant.com ಮೂಲಕ ಆನ್ಲೈನ್ ಟ್ಯೂಟರ್ ಜಾಬ್‌ಗಳನ್ನು ಸರ್ಚ್ ಮಾಡಿ ಪಡೆಯಬಹುದು.
ಪೋಡ್‌ಕಾಸ್ಟ್‌, ಬ್ಲಾಗ್
ಇಂದು ಬಹುಸಂಖ್ಯಾತರು ದಿನನಿತ್ಯ ಎದುರಿಸುವ ಸಮಸ್ಯೆಗೆ ಬರವಣಿಗೆ, ವಿಡಿಯೋಗಳ ಮೂಲಕ ಬ್ಲಾಗ್, ಪೋಡ್‌ಕಾಸ್ಟ್‌, ವಿಲಾಗ್ ವೇದಿಕೆಗಳಲ್ಲಿ ಅವರಿಗೆ ಸಲಹೆಗಳನ್ನು ನೀಡಬಹುದು. ಇದಕ್ಕೆ ಕೇವಲ ನಿಮ್ಮ ಕೌಶಲ್ಯ ಹಾಗೂ ಸ್ಮಾರ್ಟ್‌ಫೋನ್‌, ಹೆಚ್ಚಿಗೆ ಎಂದರೆ ಒಂದು ಲ್ಯಾಪ್‌ಟಾಪ್‌ ಬೇಕಾಗುತ್ತದೆ ಅಷ್ಟೆ. ವೆಬ್‌ಸೈಟ್‌, ಯೂಟ್ಯೂಬ್ ಚಾನಲ್ ಬಳಸುವ ಮೂಲಕವು ಹಣಗಳಿಸಬಹುದು. ವೀಕ್ಷಣೆಗಳ ಆಧಾರದಲ್ಲಿ ಗೂಗಲ್ ಸ್ವತಃ ಹಣ ಪಾವತಿ ಮಾಡಲಿದೆ. ಅದಕ್ಕೂ ಹೆಚ್ಚಿನದಾಗಿ, ನೀವು ಹೆಚ್ಚಿನ ಫಾಲೋವರ್‌ಗಳನ್ನು ಹೊಂದಿದ್ದರೆ, ನೀವೆ ಯಾವುದೇ ಪ್ರಾಡಕ್ಟ್‌ಗಳನ್ನು, ಹೋಟೆಲ್‌ಗಳು, ಸಂಸ್ಥೆ, ಕಂಪನಿಗಳು, ಸೇವೆಗಳ ಮೂಲಕ ಜಾಹೀರಾತಿಗಾಗಿ ಹಣ ಪಡೆದು, ಅವರ ಬಗ್ಗೆ ನಿಮ್ಮ ಚಾನೆಲ್‌ಗಳಲ್ಲಿ ಪ್ರದರ್ಶನ ನೀಡಿದರೆ ಆಯಿತು. ಅದಕ್ಕೂ ಹೆಚ್ಚಿನ ಹಣ ಸಿಗಲಿದೆ.
ಸಾಮಾಜಿಕ ಜಾಲತಾಣ ನಿರ್ವಹಣೆ
ಸೋಷಿಯಲ್ ಮೀಡಿಯಾ ಪೇಜ್‌ಗಳ ನಿರ್ವಹಣೆ ಇಂದು ಹಲವು ರಾಜಕಾರಣಿಗಳು, ಸೆಲೆಬ್ರಿಟಿಗಳು, ಮಾತ್ರವಲ್ಲದೇ ಸರ್ಕಾರಿ ಸಂಸ್ಥೆ, ಕಚೇರಿಗಳ ಸಾಮಾಜಿಕ ಜಾಲತಾಣಗಳನ್ನು ನಿರ್ವಹಿಸುವ ಕೆಲಸ. ಇದನ್ನು ಮನೆಯಿಂದಲೇ ಮಾಡಬಹುದು ಎಂಬುದು ಇನ್ನು ಉತ್ಸಾಹದ ಮಾತು. ಫೇಸ್‌ಬುಕ್‌, ಟ್ವಿಟ್ಟರ್, ಇನ್‌ಸ್ಟಗ್ರಾಂ ಹಾಗೂ ಇತರೆ ಸಾಮಾಜಿಕ ಜಾಲತಾಣ ಅಪ್ಲಿಕೇಶನ್‌ಗಳಲ್ಲಿ, ವೇದಿಕೆಗಳಲ್ಲಿ ಉತ್ತಮ ಪೋಸ್ಟ್‌ಗಳನ್ನು ಹಾಕುವುದು, ಲೇಟೆಸ್ಟ್‌ ಸಂಬಂಧಿತ ಮಾಹಿತಿಗಳನ್ನು ಹಾಕಿ, ಹೆಚ್ಚು ಲೈಕ್‌ಗಳನ್ನು ಪಡೆಯುವಂತಹ ಕೆಲಸ ಮಾಡುವುದೇ ಸಾಮಾಜಿಕ ಜಾಲತಾಣ ನಿರ್ವಹಣೆ. ಇದು ಕಂಪ್ಲೀಟ್ ಆನ್ಲೈನ್ ಮೂಲಕ ನಿರ್ವಹಿಸುವ ಕೆಲಸ.
ಉತ್ತಮ ಬರವಣಿಗೆ ನಿಮಗಿದ್ದರೇ ಅದನ್ನೇ ವೃತ್ತಿಯಾಗಿಸಿಕೊಳ್ಳಬಹುದು. ಹಲವಾರು ಕಂಪನಿಗಳು ತಮ್ಮ ಗ್ರಾಹಕ ಸಮುದಾಯವನ್ನು ಹೆಚ್ಚಿಸಿಕೊಳ್ಳಲು ಕಂಪನಿಗಳಿಗೆ ಮತ್ತು ನಿರ್ದಿಷ್ಟ ಬ್ರ್ಯಾಂಡ್‌ಗಳಿಗೆ ಸಾಮಾಜಿಕ ಜಾಲತಾಣ ನಿರ್ವಹಣೆಗಾರರನ್ನು ನೇಮಿಸಿಕೊಳ್ಳುತ್ತವೆ. ಲ್ಯಾಪ್‌ಟಾಪ್‌, ಮೊಬೈಲ್‌ನಿಂದ ಎಲ್ಲಿಂದ ಬೇಕಾದರೂ ಮಾಡಬಹುದಾದ ಈ ಕೆಲಸಗಳನ್ನು ಸಂಪರ್ಕಗಳಿಂದ, ಗೂಗಲ್‌ನಿಂದ ಹುಡುಕಿ ಪಡೆಯಬಹುದು.
ಸರ್ಚ್ ಇಂಜಿನ್ ಮೌಲ್ಯಮಾಪಕ
ಗೂಗಲ್ ಮತ್ತು ಬಿಂಗ್‌ ನಂತ ಸರ್ಚ್ ಇಂಜಿನ್‌ಗಳು ಬಳಕೆದಾರರ ಅನುಭವವನ್ನು ಕಲೆಹಾಕಲು, ಈ ಮೂಲಕ ಅವುಗಳು ತಮ್ಮ ಬಳಕೆದಾರರಿಗೆ ಉತ್ತಮ ಸೇವೆ ನೀಡಲು ಹೊಸ ಹೊಸ ಫೀಚರ್‌ಗಳನ್ನು ಅಪ್‌ಡೇಟ್‌ ಮಾಡುತ್ತವೆ. ಆದ್ದರಿಂದ ಫೀಡ್‌ಬ್ಯಾಕ್‌ ಅರ್ಜಿಗಳನ್ನು ತುಂಬುವ ಮೂಲಕ ಸರ್ಚ್ ಇಂಜಿನ್‌ಗಳು ತಮ್ಮ ಸೇವೆ ಹೆಚ್ಚಿಸಲು ಸಹಾಯ ಮಾಡಬಹುದು. ಈ ಕೆಲಸಗಳಿಗೆ ಹಣವನ್ನು ಗಳಿಸಬಹುದು.
Leapforce, Lionbridge ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ ಈ ರೋಲ್‌ಗಳನ್ನು ಪಡೆಯಬಹುದು.
ಫೋಟೋ ಮಾರಾಟ ಮಾಡುವುದು
ಇಂದು ಅತ್ಯುತ್ತಮ ಫೋಟೋಗಳನ್ನು ತೆಗೆಯುವ ಕಲೆ ಕೇವಲ ದೊಡ್ಡ ದೊಡ್ಡ ಕ್ಯಾಮೆರಾಗಳನ್ನು ಹೊಂದಿರುವವರು ಮಾತ್ರವಲ್ಲದೇ ಜಸ್ಟ್‌ ಒಳ್ಳೆ ಕ್ಯಾಮೆರಾ ಫೀಚರ್‌ ಹೊಂದಿರುವ ಮೊಬೈಲ್‌ ಇಟ್ಟುಕೊಂಡವರಿಗೂ ಇದೆ. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ತೆಗೆದ ಅತ್ಯುತ್ತಮ ಫೋಟೋಗಳನ್ನು ಮಾರಾಟ ಮಾಡಿ, ಈ ಮೂಲಕ ಹಣ ಗಳಿಸಬಹುದು. ಅಲ್ಲದೇ ಸೆಲ್ಫಿ ತೆಗೆದುಕೊಳ್ಳುವ ಕೌಶಲಗಳನ್ನು ಸಹ ತಿಳಿಸುವ ಮೂಲಕ ಹಣ ಗಳಿಸಬಹುದು. Shutterstock, Fotolia, iStock ವೆಬ್‌ಸೈಟ್‌ಗಳಿಗೆ ಆನ್ಲೈನ್ ಮೂಲಕ ಫೋಟೋ ಮಾರಾಟ ಮಾಡಿ ಹಣ ಗಳಿಸಬಹುದು.
ಸಿವಿ ರಚನೆ
ಇಂದು ಯಾವುದೇ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಬೇಕು, ಸಂದರ್ಶನಕ್ಕೆ ಹೋಗಬೇಕು ಎಂದರೂ ಸಿವಿ / ಬಯೋಡಾಟಾ / ರೆಸ್ಯೂಮ್‌ ಎಂಬುದು ಬೇಕೆ ಬೇಕು. ಆದ್ದರಿಂದ ಉದ್ಯೋಗಾಕಾಂಕ್ಷಿಗಳಿಗೆ ಉದ್ಯೋಗಕ್ಕಾಗಿ ರೆಸ್ಯೂಮ್‌ ಹೇಗೆ ರಚಿಸಬೇಕು ಎಂಬುದೇ ತಿಳಿದಿರುವುದಿಲ್ಲ. ನೀವು ನಿಮ್ಮ ರೆಸ್ಯೂಮ್‌ ಮೂಲಕ ಹಲವಾರು ಕಂಪನಿಗಳಿಗೆ ಸೆಲೆಕ್ಟ್‌ ಆಗಿರುವವರೇ ಆಗಿದ್ದಲ್ಲಿ, ನಿಮ್ಮ ರೆಸ್ಯೂಮ್‌ ರಚನೆಯ ಸ್ಕಿಲ್‌ನಿಂದ ಇತರರಿಗೂ ಸಹಾಯ ಮಾಡಿ. ರೈಸ್ಯೂಮ್‌ ರೈಟರ್ ಆಗಿ ಆನ್ಲೈನ್ ಪಾರ್ಟ್‌ಟೈಮ್‌ ಜಾಬ್ ಮಾಡಬಹುದು. ResumeEdge.com ಗೆ ಭೇಟಿ ನೀಡುವ ಮೂಲಕ ರೆಸ್ಯೂಮ್‌ ರೈಟರ್ ಆನ್ಲೈನ್ ಜಾಬ್ ಪಡೆಯಬಹುದು.
ಪ್ರತಿಲೇಖನಕಾರರು
ಪ್ರತಿಲೇಖನಕಾರರು ಅಥವಾ ಟ್ರಾನ್ಸ್‌ಕ್ರಿಪ್ಷನಿಸ್ಟ್‌ ಎಂಬುವ ಹುದ್ದೆ ಇದೆ. ಈ ಜಾಬ್‌ನ ರೋಲ್‌ ಎಂದರೆ ಆಡಿಯೋ ರೆಕಾರ್ಡಿಗ್ ಕೇಳಿ ಅದನ್ನು ಹಾಗೆ ಟೈಪಿಸುವ ಅಥವಾ ಬರೆಯುವ ಕೆಲಸ. ಉತ್ತಮ ಟೈಪಿಂಗ್ ಸ್ಪೀಡ್‌ ಇರುವವರು ಈ ಆನ್ಲೈನ್ ವರ್ಕ್‌ ಅನ್ನು ಸರಾಗವಾಗಿ ಮಾಡಬಹುದು.
TranscribeMe, Rev ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ ಟ್ರಾನ್ಸ್‌ಕ್ರಿಪ್ಷನಿಸ್ಟ್‌ ಕೆಲಸ ಪಡೆದು, ಆನ್ಲೈನ್ ಮೂಲಕ ಜಾಬ್ ಮಾಡಬಹುದು.