BSF Government Jobs 2024: ಎಸ್‌ಎಸ್‌ಎಲ್‌ಸಿ, ದ್ವಿತೀಯ ಪಿಯುಸಿ ಪಾಸ್‌ ಮಾಡಿದ್ದೀರಾ, ಕೇಂದ್ರ ಸರ್ಕಾರಿ ಉದ್ಯೋಗ ಬೇಕಾ..? ಹಾಗಿದ್ರೆ ನಿಮಗಿದೋ ಇಲ್ಲಿದೆ ಭರ್ಜರಿ ಗುಡ್‌ ನ್ಯೂಸ್‌. ಕೇಂದ್ರ ಸರ್ಕಾರದ ಸಶಸ್ತ್ರ ಪೊಲೀಸ್‌ ಪಡೆಗಳಲ್ಲಿ ಅಗತ್ಯ ಇರುವ ಸಬ್‌ ಇನ್ಸ್‌ಪೆಕ್ಟರ್, ಕಾನ್ಸ್ಟೇಬಲ್ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಆಸಕ್ತರು ಈ ಹುದ್ದೆಗಳಿಗೆ ಅರ್ಜಿ ಹಾಕಿ ನೇಮಕ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಿ.
ಕೇಂದ್ರ ಗೃಹ ಸಚಿವಾಲಯದಡಿ ಕಾರ್ಯನಿರ್ವಹಿಸುವ ವಿವಿಧ ಕೇಂದ್ರ ಸಶಸ್ತ್ರ ಪೊಲೀಸ್‌ ಪಡೆಗಳ ಪೈಕಿ ಗಡಿ ಭದ್ರತಾ ಪಡೆ (ಬಿಎಸ್‌ಎಫ್‌), ಅಸ್ಸಾಂ ರೈಫಲ್ಸ್‌ ಪಡೆಗಳು ಸಹ ಪ್ರಮುಖವಾದ ರಕ್ಷಣಾ ಪಡೆಗಳು. ಈ ಎರಡು ಪಡೆಗಳಲ್ಲಿ ಹಾಗೂ ಇತರೆ ವಿವಿಧ ಪಡೆಗಳಲ್ಲಿ ಪ್ರಸ್ತುತ ಖಾಲಿ ಇರುವ ಹಾಗೂ ಅತಿ ಅಗತ್ಯವಾದ ಸಹಾಯಕ ಸಬ್‌ಇನ್ಸ್‌ಪೆಕ್ಟರ್‌ ಹಾಗೂ ಕಾನ್ಸ್ಟೇಬಲ್ ಹುದ್ದೆಗಳನ್ನು ವಿವಿಧ ವಿಭಾಗಗಳಲ್ಲಿ ಭರ್ತಿ ಮಾಡಲು ಬಿಎಸ್‌ಎಫ್‌ ಶಾರ್ಟ್‌ ನೋಟಿಫಿಕೇಶನ್‌ ಅನ್ನು ಇದೀಗ ಬಿಡುಗಡೆ ಮಾಡಿದೆ.
ಬಿಎಸ್‌ಎಫ್‌ ಅಸಿಸ್ಟಂಟ್ ಸಬ್‌ ಇನ್ಸ್‌ಪೆಕ್ಟರ್ (ಸ್ಟೆನೋಗ್ರಾಫರ್ / ಕಾಂಬಾಟಂಟ್ ಸ್ಟೆನೋಗ್ರಾಫರ್) & ಹೆಡ್‌ ಕಾನ್ಸ್ಟೇಬಲ್ (ಮಿನಿಸ್ಟೇರಿಯಲ್ / ಕಾಂಬಾಟಂಟ್ ಮಿನಿಸ್ಟೇರಿಯಲ್) ಹುದ್ದೆಗಳನ್ನು ಕೇಂದ್ರ ಸಶಸ್ತ್ರ ಪೊಲೀಸ್‌ ಪಡೆಯಲ್ಲಿ ಮತ್ತು ವಾರಂಟ್ ಆಫೀಸರ್ (ಪರ್ಸೊನೆಲ್ ಅಸಿಸ್ಟಂಟ್) ಮತ್ತು ಹವಾಲ್ದಾರ್ (ಕ್ಲರ್ಕ್‌) ಹುದ್ದೆಗಳನ್ನು ಅಸ್ಸಾಂ ರೈಫಲ್ಸ್‌ ಎಕ್ಸಾಮಿನೇಷನ್‌ 2024 ಮೂಲಕ ನೇರ ನೇಮಕಾತಿ ನಡೆಸಲು ಮುಂದಾಗಿದೆ. ಈ ಎಲ್ಲ ಹುದ್ದೆಗಳಿಗೆ ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳು ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದು.
ಪ್ರಮುಖ ದಿನಾಂಕಗಳು
- ಬಿಎಸ್‌ಎಫ್‌ನಿಂದ ಶಾರ್ಟ್‌ ನೋಟಿಫಿಕೇಶನ್‌ ಬಿಡುಗಡೆ ದಿನಾಂಕ 06-06-2024
- ಡೀಟೇಲ್ಡ್‌ ನೋಟಿಫಿಕೇಶನ್‌ ಬಿಡುಗಡೆ ದಿನಾಂಕ 09-06-2024
- ಅರ್ಜಿ ಸ್ವೀಕಾರ ಆರಂಭಿಕ ದಿನಾಂಕ 09-06-2024
- ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ 08-07-2024
- ಈ ಕೆಳಗಿನಂತೆ ಯಾವ್ಯಾವ ಪಡೆಗಳಲ್ಲಿ ಎಷ್ಟು ಹುದ್ದೆಗಳಿವೆ ಎಂದು ಮಾಹಿತಿ ನೀಡಲಾಗಿದೆ.
- ಅಸಿಸ್ಟಂಟ್ ಸಬ್‌ ಇನ್ಸ್‌ಪೆಕ್ಟರ್ (ಸ್ಟೆನೋಗ್ರಾಫರ್ / ಕಾಂಬಾಟಂಟ್ ಸ್ಟೆನೋಗ್ರಾಫರ್ ಮತ್ತು ವಾರಂಟ್ ಆಫೀಸರ್ (ಪರ್ಸೊನಲ್ ಅಸಿಸ್ಟಂಟ್) ಹುದ್ದೆಗಳ ವಿವರ
ಭದ್ರತಾ ಪಡೆಯ ಹೆಸರು ಹುದ್ದೆಗಳ ಸಂಖ್ಯೆ
- ಕೇಂದ್ರ ಮೀಸಲು ಪೊಲೀಸ್‌ ಪಡೆ 21
- ಗಡಿ ಭದ್ರತಾ ಪಡೆ 17
- ಇಂಡೋ ಟಿಬೆಟನ್ ಬಾರ್ಡರ್‌ ಪೊಲೀಸ್‌ 56
- ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ 146
- ಶಾರ್ಟ್‌ ಸರ್ವೀಸ್‌ ಕಮಿಷನ್ 03
- ಒಟ್ಟು ಹುದ್ದೆಗಳ ಸಂಖ್ಯೆ 243
ಹೆಡ್‌ ಕಾನ್ಸ್ಟೇಬಲ್ (ಮಿನಿಸ್ಟೇರಿಯಲ್ / ಕಂಬಾಟಂಟ್‌ ಮಿನಿಸ್ಟೇರಿಯಲ್) ಮತ್ತು ಹವಾಲ್ದಾರ್ (ಕ್ಲರ್ಕ್‌)
- ಕೇಂದ್ರ ಮೀಸಲು ಪೊಲೀಸ್‌ ಪಡೆ 282
- ಗಡಿ ಭದ್ರತಾ ಪಡೆ 302
- ಇಂಡೋ ಟಿಬೆಟನ್ ಬಾರ್ಡರ್‌ ಪೊಲೀಸ್‌ 163
- ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ 496
- ಶಾರ್ಟ್‌ ಸರ್ವೀಸ್‌ ಕಮಿಷನ್ 05
- ಅಸ್ಸಾಂ ರೈಫಲ್ಸ್‌ 35
- ಒಟ್ಟು ಹುದ್ದೆಗಳ ಸಂಖ್ಯೆ 1283
ಬಿಎಸ್‌ಎಫ್‌ ಬಿಡುಗಡೆ ಮಾಡಿರುವ ಶಾರ್ಟ್‌ ನೋಟಿಫಿಕೇಶನ್‌ನಲ್ಲಿ ಈ ಮೇಲಿನ ಹುದ್ದೆಗಳು ಸಂಭಾವ್ಯ ಹುದ್ದೆಗಳು ಎಂದು ಹೇಳಿದೆ. ಹುದ್ದೆಗಳ ಸಂಖ್ಯೆ ಹೆಚ್ಚಾಗಬಹುದು ಅಥವಾ ಕಡಿಮೆ ಸಹ ಆಗಬಹುದು ಎಂದು ತಿಳಿಸಲಾಗಿದೆ.
ಈ ಹುದ್ದೆಗಳ ಕುರಿತು ಸವಿವರ ನೋಟಿಫಿಕೇಶನ್‌ಗಾಗಿ ಹಾಗೂ ಅರ್ಜಿ ಸಲ್ಲಿಸಲು ಡೈರೆಕ್ಟ್‌ ಲಿಂಕ್‌ಗಾಗಿ ಜೂನ್‌ 09, 2024 ರಂದು ಆಸಕ್ತರು ಗಡಿ ಭದ್ರತಾ ಪಡೆಯ ಅಧಿಕೃತ ವೆಬ್‌ಸೈಟ್‌ ವಿಳಾಸ https://rectt.bsf.gov.in ಗೆ ಭೇಟಿ ನೀಡಲು ಸೂಚಿಸಲಾಗಿದೆ.
ಬಿಎಸ್‌ಎಫ್‌ ಕಾನ್ಸ್ಟೇಬಲ್, ಎಎಸ್‌ಐ ಹುದ್ದೆಗಳಿಗೆ ವಿದ್ಯಾರ್ಹತೆ ಏನು?
ಹುದ್ದೆಗಳಿಗೆ ಅನುಗುಣವಾಗಿ ಎಸ್‌ಎಸ್‌ಎಲ್‌ಸಿ / 10ನೇ ತರಗತಿ, ದ್ವಿತೀಯ ಪಿಯುಸಿ, ಐಟಿಐ, ಡಿಪ್ಲೊಮ ಅರ್ಹತೆಗಳನ್ನು ಹೊಂದಿರುವವರು ಅರ್ಜಿ ಸಲ್ಲಿಸಬಹುದು.
ಬಿಎಸ್‌ಎಫ್‌ ಕಾನ್ಸ್ಟೇಬಲ್, ಎಎಸ್‌ಐ ಹುದ್ದೆಗಳಿಗೆ ವೇತನ ಶ್ರೇಣಿ ಹೇಗಿರುತ್ತದೆ?
- ಸಬ್‌ ಇನ್ಸ್‌ಪೆಕ್ಟರ್ (ಟೆಕ್ನಿಕಲ್) (ಗ್ರೂಪ್‌ ಬಿ ಪೋಸ್ಟ್‌) : Rs.35,400-1,12,400.
- ಕಾನ್ಸ್ಟೇಬಲ್ (ಟೆಕ್ನಿಕಲ್) (ಗ್ರೂಪ್‌ ಸಿ ಪೋಸ್ಟ್‌): Rs.21,700-69,100.
- 7ನೇ ವೇತನ ಆಯೋಗದ ಪ್ರಕಾರ ವೇತನ ನೀಡಲಾಗುತ್ತದೆ.
ಬಿಎಸ್‌ಎಫ್‌ ಕಾನ್ಸ್ಟೇಬಲ್, ಎಎಸ್‌ಐ ಹುದ್ದೆಗಳಿಗೆ ಆಯ್ಕೆ ವಿಧಾನ ಹೇಗಿರುತ್ತದೆ? ಲಿಖಿತ ಪರೀಕ್ಷೆ, ಪಿಎಸ್‌ಟಿ, ಪಿಇಟಿ, ಸ್ಕಿಲ್‌ ಟೆಸ್ಟ್‌, ವೈದ್ಯಕೀಯ ಪರೀಕ್ಷೆ, ಕೊನೆ ಹಂತದಲ್ಲಿ ಮೂಲ ದಾಖಲೆಗಳ ಪರಿಶೀಲನೆ ಇರುತ್ತದೆ.