Sitaram Jindal Scholarship 2024: ಕಾರ್ಪೋರೇಟ್‌ ಸೋಷಿಯಲ್ ರೆಸ್ಪಾನ್ಸಿಬಿಲಿಟಿ ಉಪಕ್ರಮವಾಗಿ ಸಿತಾರಾಮ್‌ ಜಿಂದಾಲ್ ಫೌಂಡೇಷನ್ ಪಿಯುಸಿ, ಐಟಿಐ, ಡಿಪ್ಲೊಮ, ಪದವಿ, ಬಿಇ, ಸ್ನಾತಕೋತ್ತರ ಪದವಿ ಎಲ್ಲ ವಿದ್ಯಾರ್ಥಿಗಳಿಗೂ ಪ್ರತಿ ತಿಂಗಳು ರೂ.500 ರಿಂದ 3200 ವರೆಗೆ ವಿದ್ಯಾರ್ಥಿವೇತನ ನೀಡುತ್ತಿದೆ. ಓದಿಗಾಗಿ ಸಹಾಯಧನ ಬೇಕಾದವರು ಅರ್ಜಿ ಸಲ್ಲಿಸಿ.
ಸಿತಾರಾಮ್‌ ಜಿಂದಾಲ್ ಫೌಂಡೇಷನ್ ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಅನುಕೂಲವಾಗಲೆಂದು ಸ್ಕಾಲರ್ಶಿಪ್ ನೀಡುತ್ತಿದೆ. ಈ ಸ್ಕಾಲರ್ಶಿಪ್ ಹೆಸರು 'ಎಸ್ ಆರ್‌ ಜಿಂದಾಲ್ ಸ್ಕಾಲರ್ಶಿಪ್ ಸ್ಕೀಮ್‌'. ಬಡ ವಿದ್ಯಾರ್ಥಿಗಳಿಗೆ ನೀಡುವ ಈ ಸ್ಕಾಲರ್ಶಿಪ್ ಸ್ಕೀಮ್‌ಗೆ ಇದೀಗ ಅರ್ಜಿ ಆಹ್ವಾನಿಸಲಾಗಿದೆ. 2024 ರ ಡಿಸೆಂಬರ್ 31 ರವರೆಗೂ - ಅಂದರೆ ಈ ವರ್ಷ ಪೂರ್ತಿ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದು. ಕೇವಲ ಸರ್ಕಾರಿ ಶಾಲಾ, ಕಾಲೇಜು ವಿದ್ಯಾರ್ಥಿಗಳು ಮಾತ್ರವಲ್ಲದೇ, ಖಾಸಗಿ ಶಾಲಾ-ಕಾಲೇಜುಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳು ಸಹ ಅರ್ಜಿ ಸಲ್ಲಿಸಬಹುದು.
'ಎಸ್ ಆರ್‌ ಜಿಂದಾಲ್ ಸ್ಕಾಲರ್ಶಿಪ್ ಸ್ಕೀಮ್‌' ಕುರಿತ ವಿಶೇಷತೆ ಮತ್ತು ಗುಡ್‌ ನ್ಯೂಸ್‌ ಎಂದರೆ ಈ ವಿದ್ಯಾರ್ಥಿವೇತನ ಸ್ಕೀಮ್‌ಗೆ ಪಿಯುಸಿ ವಿದ್ಯಾರ್ಥಿಗಳು, ಐಟಿಐ ವಿದ್ಯಾರ್ಥಿಗಳು, ಪದವಿ ಮತ್ತು ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು, ಡಿಪ್ಲೊಮ ಕೋರ್ಸ್ ವಿದ್ಯಾರ್ಥಿಗಳು, ಇಂಜಿನಿಯರಿಂಗ್ ವಿದ್ಯಾರ್ಥಿಗಳು, ಈ ಯಾವುದೇ ಕೋರ್ಸ್ ಓದುತ್ತ ಹಾಸ್ಟೆಲ್‌ನಲ್ಲಿ ಸಹ ಉಳಿದುಕೊಂಡಿರುವ ವಿದ್ಯಾರ್ಥಿಗಳೆಲ್ಲರು ಸಹ ಅರ್ಜಿ ಸಲ್ಲಿಸಬಹುದು.
'ಎಸ್ ಆರ್‌ ಜಿಂದಾಲ್ ಸ್ಕಾಲರ್ಶಿಪ್ ಸ್ಕೀಮ್‌'ಗೆ ಅರ್ಜಿ ಸಲ್ಲಿಸಲು ಅರ್ಹತೆಗಳು ಏನು, ಅರ್ಜಿ ಸಲ್ಲಿಸುವುದು ಹೇಗೆ, ಇತರೆ ಯಾವೆಲ್ಲ ಅರ್ಹತೆಗಳು ಇರಬೇಕು, ಯಾವ ಕೋರ್ಸ್ ವಿದ್ಯಾರ್ಥಿಗಳಿಗೆ ಎಷ್ಟು ವಿದ್ಯಾರ್ಥಿವೇತನ ನೀಡಲಾಗುತ್ತದೆ ಎಂಬೆಲ್ಲ ಮಾಹಿತಿಗಳನ್ನು ಇಲ್ಲಿ ನೀಡಲಾಗಿದೆ.
ಕೆಟಗರಿ ಎ - ಪಿಯುಸಿ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್
- ಕೆಟಗರಿ ಎ ಅಡಿಯಲ್ಲಿ ಪ್ರಥಮ ಹಾಗೂ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್ ನೀಡಲಾಗುತ್ತದೆ.
- ಪ್ರತಿ ತಿಂಗಳು ಹುಡುಗರಿಗೆ ರೂ.500.
- ಪ್ರತಿ ತಿಂಗಳು ಹುಡುಗಿಯರಿಗೆ ರೂ.700.
- ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.70 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.65 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
ಕೆಟಗರಿ ಬಿ - ಐಟಿಐ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ
- ಸರ್ಕಾರಿ ಐಟಿಐ ವಿದ್ಯಾರ್ಥಿಗಳಿಗೆ ಪ್ರತಿ ತಿಂಗಳು ರೂ.500.
- ಖಾಸಗಿ ಐಟಿಐ ವಿದ್ಯಾರ್ಥಿಗಳಿಗೆ ಪ್ರತಿ ತಿಂಗಳು ರೂ.700.
- ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.45 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.35 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
ಕೆಟಗರಿ ಸಿ - ಪದವಿ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್
ಬಿಎ, ಬಿ.ಕಾಂ, ಬಿಎಸ್ಸಿ, ಬಿಎಫ್‌ಎ, ಬಿಸಿಎ, ಬಿಬಿಎ, ಬಿಬಿಎಂ, 5 ವರ್ಷದ ಇಂಟಿಗ್ರೇಟೆಡ್ ಕೋರ್ಸ್ ಓದುತ್ತಿರುವವರಿಗೂ, ಪರಿಸರ ವಿಜ್ಞಾನಿಗಳು, ಪರಿಸರ ಅಭಿಯಂತರರು, ಪರಿಸರ ಪತ್ರಕರ್ತರಿಗೂ ಸಹ ಈ ಸ್ಕಾಲರ್ಶಿಪ್ ಲಭ್ಯ.
- ಹುಡುಗರಿಗೆ ಪ್ರತಿ ತಿಂಗಳು ರೂ.1100.
- ಹುಡುಗಿಯರಿಗೆ ಪ್ರತಿ ತಿಂಗಳು ರೂ.1400.
ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.55 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.50 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
- ಅಂಗವಿಕಲ ವಿದ್ಯಾರ್ಥಿಗಳಿಗೆ ರೂ.1400.
- ವಿಧವೆಯರು, ಮಾಜಿ ಸೈನಿಕರಿಗೆ ರೂ.1500.
ಸ್ನಾತಕೋತ್ತರ ಕೋರ್ಸ್ ಓದುವವರಿಗೆ ವಿದ್ಯಾರ್ಥಿವೇತನ
ಎಂಎ, ಎಂ.ಫಿಲ್, ಎಂ.ಕಾಂ, ಎಂ.ಲಿಬ್, ಎಂಬಿಎ, ಮಾಸ್ಟರ್ ಆಫ್ ಬ್ಯುಸಿನೆಸ್ ಎಕನಾಮಿಕ್ಸ್‌/ ಫೈನಾನ್ಸ್‌ / ಹ್ಯೂಮನ್ ರಿಸೋರ್ಸ್‌ ಮ್ಯಾನೇಜ್ಮೆಂಟ್ / ಇಂಟರ್‌ನ್ಯಾಷನಲ್ ಬ್ಯುಸಿನೆಸ್ / ಎಂಎಸ್ಸಿ / ಎಂವಿಎಸ್ಸಿ ಎಂ.ಎಸ್ಸಿ / ಎಂಸಿಎ, ಇತರೆ ಪಿಜಿ ಕೋರ್ಸ್, 5 ವರ್ಷದ ಇಂಟಿಗ್ರೇಟೆಡ್ ಕೋರ್ಸ್, ಪರಿಷರ ವಿಜ್ಞಾನಿ / ಇಂಜಿನಿಯರ್ / ಜರ್ನಲಿಸ್ಟ್‌ಗಳು, ಹಾಸ್ಪಿಟಲಿಟಿ ಕ್ಷೇತ್ರದಲ್ಲಿ ಇರುವವರು, ಸಾಮಾಜಿಕ ಕಾರ್ಯಕರ್ತರು ಅರ್ಜಿ ಸಲ್ಲಿಸಬಹುದು.
- ಹುಡುಗರಿಗೆ ಮಾಸಿಕ ರೂ.1500.
- ಹುಡುಗಿಯರಿಗೆ ಮಾಸಿಕ ರೂ.1800.
ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.60 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.55 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
- ಅಂಗವಿಕಲ ವಿದ್ಯಾರ್ಥಿಗಳಿಗೆ ರೂ.1800.
- ವಿಧವೆಯರು, ಮಾಜಿ ಸೈನಿಕರಿಗೆ ರೂ.1800.
ಕೆಟಗರಿ ಡಿ - ಡಿಪ್ಲೊಮ ಕೋರ್ಸ್ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್
ಡಿಪ್ಲೊಮ ಶಿಕ್ಷಣವನ್ನು ಯಾವುದೇ ವಿಷಯದಲ್ಲಿ ಓದುತ್ತಿರುವವರು, ಡಿಪ್ಲೊಮವನ್ನು ಮೆಡಿಕಲ್ ಕ್ಷೇತ್ರದಲ್ಲಿ ಓದುತ್ತಿರುವವರು ಅರ್ಜಿ ಸಲ್ಲಿಸಬಹುದು.
- ಹುಡುಗರಿಗೆ ಪ್ರತಿ ಮಾಸಿಕ ರೂ.1200.
- ಹುಡುಗಿಯರಿಗೆ ಮಾಸಿಕ ರೂ.1000.
ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.55 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.50 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
ಕೆಟಗರಿ ಇ - ಇಂಜಿನಿಯರಿಂಗ್ ಮತ್ತು ಮೆಡಿಷನ್ ಕೋರ್ಸ್ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್
ಇಂಜಿನಿಯರಿಂಗ್ ಪದವಿ (ಯಾವುದೇ ಸ್ಟ್ರೀಮ್)
- ಹುಡುಗರಿಗೆ ಪ್ರತಿ ಮಾಸಿಕ ರೂ.2000.
- ಹುಡುಗಿಯರಿಗೆ ಮಾಸಿಕ ರೂ.2300.
ಗ್ರಾಜುಯೇಟ್‌ ಇನ್‌ ಮೆಡಿಷನ್ ಕೋರ್ಸ್
- ಹುಡುಗರಿಗೆ ಪ್ರತಿ ಮಾಸಿಕ ರೂ.2500.
- ಹುಡುಗಿಯರಿಗೆ ಮಾಸಿಕ ರೂ.3000.
ಇಂಜಿನಿಯರಿಂಗ್ ಪಿಜಿ ಕೋರ್ಸ್‌ಗಳು, ಮೆಡಿಷನ್ ಪಿಜಿ ಕೋರ್ಸ್‌ಗಳು
- ಹುಡುಗರಿಗೆ ಪ್ರತಿ ಮಾಸಿಕ ರೂ.2800.
- ಹುಡುಗಿಯರಿಗೆ ಮಾಸಿಕ ರೂ.3200.
- ಅರ್ಜಿ ಸಲ್ಲಿಸಲು ಹಿಂದಿನ ವರ್ಷದ ಶಿಕ್ಷಣದಲ್ಲಿ ಹುಡುಗರು ಶೇಕಡ.65 ಅಂಕಗಳೊಂದಿಗೆ, ಹುಡುಗಿಯರು ಶೇಕಡ.60 ಅಂಕಗಳೊಂದಿಗೆ ಪಾಸ್ ಆಗಿರಬೇಕು.
ಹಾಸ್ಟೆಲ್‌ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್
ಸೀತಾರಾಮ್ ಜಿಂದಾಲ್ ಫೌಂಡೇಷನ್ ಹಾಸ್ಟೆಲ್‌ ವಿದ್ಯಾರ್ಥಿಗಳಿಗೆ, ವಿದ್ಯಾರ್ಥಿವೇತನದ ಜತೆಗೆ ಈ ಕೆಳಗಿನಂತೆ ವಿವಿಧ ಕೋರ್ಸ್ ಅಧ್ಯಯನ ಮಾಡುತ್ತಿರುವವರಿಗೆ ಹೆಚ್ಚುವರಿ ಹಣ ನೀಡುತ್ತದೆ.
- ಐಟಿಐ/ ಡಿಪ್ಲೊಮ/ ಪದವಿ / ಪಿಜಿ ಕೋರ್ಸ್ ವಿದ್ಯಾರ್ಥಿಗಳಿಗೆ ರೂ.1200.
- ಮೆಡಿಕಲ್ ಮತ್ತು ಇಂಜಿನಿಯರಿಂಗ್ ಕೋರ್ಸ್‌ಗಳ ವಿದ್ಯಾರ್ಥಿಗಳಿಗೆ ರೂ.1800.
ಅರ್ಜಿ ಸಲ್ಲಿಸುವ ವಿಧಾನ, ವಿಳಾಸ
- ಮೇಲಿನ ಅರ್ಜಿ ಲಿಂಕ್‌ ಕ್ಲಿಕ್ ಮಾಡಿ. ಪಿಡಿಎಫ್‌ ಫೈಲ್‌ ಓಪನ್‌ ಆಗುತ್ತದೆ.
- ಡೌನ್‌ಲೋಡ್‌ ಮಾಡಿ ಪ್ರಿಂಟ್ ತೆಗೆದುಕೊಳ್ಳಬೇಕು.
- ನಂತರ ಕೇಳಲಾದ ಮಾಹಿತಿಗಳನ್ನು ನೀಡಿ ಅರ್ಜಿ ಭರ್ತಿ ಮಾಡಿ.
- ಭರ್ತಿ ಮಾಡಿದ ಅರ್ಜಿಯೊಂದಿಗೆ ಕೆಳಗೆ ತಿಳಿಸಲಾದ ದಾಖಲೆಗಳನ್ನು ಲಗತ್ತಿಸಿ ಅರ್ಜಿ ಸಲ್ಲಿಸಿ.
ಅರ್ಜಿ ಸಲ್ಲಿಸಬೇಕಾದ ವಿಳಾಸ :
The Trustte, Sitaram Jindal Foundation, Jindal Nagar, Tumkur Road, Bengaluru - 560073.
ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ:
2024 ರ ಡಿಸೆಂಬರ್ 31 ರವರೆಗೂ.
- ಅರ್ಜಿಗಾಗಿ ಕ್ಲಿಕ್ ಮಾಡಿ
ಅರ್ಜಿಯೊಂದಿಗೆ ಲಗತ್ತಿಸಬೇಕಾದ ದಾಖಲೆಗಳು
- ಸ್ಕಾಲರ್‌ಶಿಪ್‌ಗೆ ಅರ್ಜಿ ಸಲ್ಲಿಸುವ ವಿದ್ಯಾರ್ಥಿಗಳು ತಮ್ಮ ಯಾವುದೇ ಕೊನೆ ಪರೀಕ್ಷೆಯ ಅಂಕಪಟ್ಟಿ ಲಗತ್ತಿಸಬೇಕು.
- ಎಸ್ಎಸ್‌ಎಲ್‌ಸಿ ಅಂಕಪಟ್ಟಿ.
- ಆದಾಯ ಪ್ರಮಾಣಪತ್ರ.
- ಶೈಕ್ಷಣಿಕ ಕೋರ್ಸ್‌ನ ವಾರ್ಷಿಕ ಅಡ್ಮಿಷನ್ ಶುಲ್ಕದ ರಶೀದಿ.
- ಸರ್ಕಾರಿ ಕೋಟಾದಡಿ ಪ್ರವೇಶ ಪಡೆದಿರುವುದು ಎಂಬುದಕ್ಕೆ ಮೆರಿಟ್‌ ಮತ್ತು ಪ್ರಮಾಣ ಪತ್ರ.
- ವಿದ್ಯಾರ್ಥಿನಿಲಯದಲ್ಲಿರುವವರು ಹಾಸ್ಟೆಲ್‌ ವಾರ್ಡನ್‌ನಿಂದ ಪ್ರಮಾಣ ಪತ್ರ ಲಗತ್ತಿಸುವುದು.
ವಿದ್ಯಾರ್ಥಿಗಳ ಕುಟುಂಬದ ವಾರ್ಷಿಕ ಆದಾಯ
- ಪೋಷಕರು ಒಂದು ಕಂಪನಿ, ಸಂಸ್ಥೆಯ ಸಿಬ್ಬಂದಿ ಆಗಿದ್ದಲ್ಲಿ, ಉದ್ಯೋಗದಾತರಿಂದ ವೇತನ ಪ್ರಮಾಣ ಪತ್ರ ಪಡೆದು ನೀಡಬೇಕು. ಪೋಷಕರ ಆದಾಯ ಮಿತಿ ರೂ.4.00 ಲಕ್ಷ ಮೀರಿರಬಾರದು.
- ಇತರ ಕುಟುಂಬದ ವಾರ್ಷಿಕ ಆದಾಯ ರೂ.2.50ಲಕ್ಷ ಮೀರಿರಬಾರದು.
- ದೇಶದ ಯಾವುದೇ ರಾಜ್ಯದ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದು.
ಸ್ಕಾಲರ್ಶಿಪ್ ಕುರಿತು ವಿಶೇಷ ಸೂಚನೆ
- ವಿಶೇಷ ಚೇತನ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಜಸ್ಟ್‌ ಪಾಸ್ ಅಂಕಗಳು ಇದ್ದರೆ ಸಾಕು.
- ಪ್ರತಿವರ್ಷ ಈ ಸ್ಕಾಲರ್ಶಿಪ್ ಮುಂದುವರೆಸಲು, ಒಮ್ಮೆ ಅರ್ಜಿ ಸಲ್ಲಿಸಿದ ವಿದ್ಯಾರ್ಥಿಗಳಿಗೆ ಶೇಕಡ.5 ಕಡಿಮೆ ಅಂಕಗಳನ್ನಷ್ಟೆ ವಿನಾಯಿತಿ ನೀಡಲಾಗುತ್ತದೆ.
ವಯಸ್ಸಿನ ಅರ್ಹತೆ :
- ಗರಿಷ್ಠ 30 ವರ್ಷ ಮೀರಿದ ಅಭ್ಯರ್ಥಿಗಳಿಗೆ ಸ್ಕಾಲರ್ಶಿಪ್ ಸ್ಥಗಿತಗೊಳಿಸಲಾಗುವುದು.
- ಒಂದು ವರ್ಷಕ್ಕಿಂತ ಕಡಿಮೆ ಅವಧಿಯ ಕೋರ್ಸ್‌ಗೆ ಅರ್ಜಿ ಸಲ್ಲಿಸುವಂತಿಲ್ಲ.