Airtel Best Prepaid Plans: ಟೆಲಿಕಾಂ ಕ್ಷೇತ್ರದಲ್ಲಿ ಅಗ್ರಸ್ಥಾನ ಸಂಪಾದಿಸಿರುವ ಭಾರ್ತಿ ಏರ್ಟೆಲ್ ತನ್ನ ಬಳಕೆದಾರರಿಗಾಗಿ ನೂತನ ಯೋಜನೆಗಳನ್ನು ತರುತ್ತಿದೆ. ಇದರಲ್ಲಿ ಅನಿಯಮಿತ ಡೇಟಾ, ದೀರ್ಘ ಕಾಲದ ವ್ಯಾಲಿಡಿಟಿ ಸೇರಿದಂತೆ ಓಟಿಟಿ ಪ್ರಯೋಜನವನ್ನು ಕೂಡ ನೀಡುತ್ತಿದೆ. ನೀವು ದೀರ್ಘ ವ್ಯಾಲಿಡಿಟಿ ಹೊಂದಿರುವ ಯೋಜನೆಗಳನ್ನು ಹುಡುಕುತ್ತಿದ್ದರೆ ಇಲ್ಲಿದೆ ನೋಡಿ ಏರ್ಟೆಲ್ನ ಬೆಸ್ಟ್ ಪ್ಲಾನ್.

ದೇಶದ ಪ್ರಮುಖ ಟೆಲಿಕಾಂ ಕಂಪನಿಗಳ ನಡುವೆ ಕಠಿಣ ಸ್ಪರ್ಧೆ ಏರ್ಪಟ್ಟಿದೆ. ಗ್ರಾಹಕರನ್ನು ಸೆಳೆಯಲು ಹೊಸ ಹೊಸ ಪ್ಲಾನ್ಗಳನ್ನು ಲಾಂಚ್ ಮಾಡುತ್ತಿದೆ. ಪ್ರಮುಖ ಕಂಪನಿಗಳಾದ ಜಿಯೋ, ಏರ್‌ಟೆಲ್ (Airtel) ಮತ್ತು ವೊಡಾಫೋನ್ ಐಡಿಯಾ ಒಂದರ ಹಿಂದೆ ಒಂದರಂತೆ ಆಕರ್ಷಕ ಯೋಜನೆಗಳನ್ನು ತರುತ್ತಿದೆ. ಏರ್‌ಟೆಲ್ ಮತ್ತು ಜಿಯೋ ಈಗಾಗಲೇ ದೇಶಾದ್ಯಂತ 5G ಸೇವೆಗಳನ್ನು ಆರಂಭಿಸಿವೆ. ಬಳಕೆದಾರರಿಗೆ ಅನಿಯಮಿತ ಡೇಟಾ ಸಂಪರ್ಕವನ್ನು ನೀಡುತ್ತಿದೆ. ವಿ ಕೂಡ ಹೊಸ ಸೇವೆಗಳನ್ನು ಶೀಘ್ರದಲ್ಲೇ ಲಭ್ಯವಾಗುವಂತೆ ಮಾಡಲು ಶ್ರಮಿಸುತ್ತಿದೆ. ಈಗ ಹೆಚ್ಚಿನ ಜನರು ದೀರ್ಘ ವ್ಯಾಲಿಡಿಟಿ ಹೊಂದಿರುವ ಯೋಜನೆಗಳನ್ನು ಬಯಸುತ್ತಾರೆ. ಈ ಕ್ರಮದಲ್ಲಿ, ಏರ್‌ಟೆಲ್ 84 ದಿನಗಳ ಮಾನ್ಯತೆಯೊಂದಿಗೆ ಅತ್ಯುತ್ತಮ ಯೋಜನೆಗಳನ್ನು ನೀಡುತ್ತಿದೆ. ಆ ಯೋಜನೆಗಳ ವಿವರಗಳು ಇಲ್ಲಿದೆ.

ಏರ್‌ಟೆಲ್ ರೂ. 455:

ಈ ಯೋಜನೆಯು 84 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಇದು ದೀರ್ಘಾವಧಿಯ ಯೋಜನೆಗಳಲ್ಲಿ ಅಗ್ಗವಾದ ಪ್ಲಾನ್ ಆಗಿದೆ. 6GB ವೇಗದ ಡೇಟಾವನ್ನು ನೀಡುತ್ತದೆ. ಅನಿಯಮಿತ ಕರೆಗಳು, 900 ಉಚಿತ SMS ಹೊರತುಪಡಿಸಿ, ಅಪೊಲೊ 24/7 ಸರ್ಕಲ್, ಉಚಿತ ಹಲೋ ಟ್ಯೂನ್ಸ್, ವಿಂಕ್ ಮ್ಯೂಸಿಕ್‌ನಂತಹ ಹೆಚ್ಚುವರಿ ಪ್ರಯೋಜನಗಳಿಂದ ಕೂಡಿದೆ.

ಏರ್‌ಟೆಲ್ ರೂ. 719:

ಈ ಯೋಜನೆಯು 84 ದಿನಗಳ ಮಾನ್ಯತೆಯನ್ನು ನೀಡುತ್ತದೆ. ದಿನಕ್ಕೆ 1.5GB ವೇಗದ ಡೇಟಾವನ್ನು ಒದಗಿಸುತ್ತದೆ. ಈ ಪ್ರಯೋಜನಗಳಲ್ಲಿ ಅನಿಯಮಿತ ಕರೆಗಳು, ಅನಿಯಮಿತ 5G ಡೇಟಾ, ಅಪೊಲೊ 24/7 ಸರ್ಕಲ್, ಉಚಿತ ಹಲೋ ಟ್ಯೂನ್ಸ್, ವಿಂಕ್ ಮ್ಯೂಸಿಕ್ ಸೇರಿವೆ. ದಿನಕ್ಕೆ 100 SMS ಉಚಿತವಾಗಿ.

ಏರ್‌ಟೆಲ್ ರೂ. 869:

ಈ ಪ್ಯಾಕ್ 84 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ದಿನಕ್ಕೆ 2GB ಹೈಸ್ಪೀಡ್ ಡೇಟಾವನ್ನು ಒದಗಿಸುತ್ತದೆ. ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಕರೆಗಳು, ಅನಿಯಮಿತ 5G ಡೇಟಾ, 15+ OTT ಅಪ್ಲಿಕೇಶನ್‌ಗಳು, ಏರ್ಟೆಲ್ ಎಕ್ಸ್ಟ್ರೀಮ್, ಪ್ಲೇ, ರಿವಾರ್ಡ್ ಮಿನಿ ಚಂದಾದಾರಿಕೆ, Apollo 24/7 ಸರ್ಕಲ್, ಉಚಿತ ಹಲೋ ಟ್ಯೂನ್ಸ್, ವಿಂಗ್ ಮ್ಯೂಸಿಕ್ ಮತ್ತು ಡಿಸ್ನಿ+ ಹಾಟ್ಸ್ಟಾರ್ 3 ತಿಂಗಳ ಚಂದಾದಾರಿಕೆಯೂ ಲಭ್ಯವಿದೆ. ಅಲ್ಲದೆ ನೀವು ಪ್ರತಿದಿನ 100 SMS ಅನ್ನು ಉಚಿತವಾಗಿ ಪಡೆಯಬಹುದು.