KCET Common Application For Engineering, NEET UG Medical Students: 2024 -25 ನೇ ಸಾಲಿನಲ್ಲಿ ವಿವಿಧ ಇಂಜಿನಿಯರಿಂಗ್ ಹಾಗೂ ಮೆಡಿಕಲ್ ಕೋರ್ಸ್‌ಗಳ ಪ್ರವೇಶಾತಿಗೆ ನಡೆಸಲಾಗುವ ಅರ್ಹತಾ ಪರೀಕ್ಷೆ - ಕೆಸಿಇಟಿ ಗೆ ಅರ್ಜಿ ಲಿಂಕ್ ಜನವರಿ 10 ರಿಂದ 15 ರ ನಡುವೆ ಬಿಡುಗಡೆ ಆಗಲಿದೆ. ಈ ಬಾರಿ ಬಾರಿ ಇಂಜಿನಿಯರಿಂಗ್ ಹಾಗೂ ಮೆಡಿಕಲ್ ವಿದ್ಯಾರ್ಥಿಗಳಿಬ್ಬರು ಕಾಮನ್ ಅಪ್ಲಿಕೇಶನ್‌ ತುಂಬಬೇಕಿದೆ.
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಕರ್ನಾಟಕ ಕಾಮನ್ ಎಂಟ್ರ್ಯಾನ್ಸ್‌ ಟೆಸ್ಟ್‌ - ಕೆಸಿಇಟಿ 2024 ಕ್ಕೆ ಜನವರಿ 10ರಿಂದ 15 ರೊಳಗೆ ಅರ್ಜಿ ಸ್ವೀಕಾರ ಆರಂಭಿಸಲಿದೆ. ಈಗಾಗಲೇ ಕೆಸಿಇಟಿ 2024 ಪರೀಕ್ಷೆ ದಿನಾಂಕವನ್ನು ಸಹ ಪ್ರಾಧಿಕಾರ ಬಿಡುಗಡೆ ಮಾಡಿದೆ. ಕೆಸಿಇಟಿ'ಗೆ ಅರ್ಜಿ ಸಲ್ಲಿಸಲು ತರಬೇತಿ ವಿಡಿಯೋವನ್ನು ಕೆಇಎ ಬಿಡುಗಡೆ ಮಾಡಿದ್ದು, ಇದರಲ್ಲಿ ಮೆಡಿಕಲ್ ಕೋರ್ಸ್‌ ಆಕಾಂಕ್ಷಿ ವಿದ್ಯಾರ್ಥಿಗಳಿಗೆ ವಿಶೇಷ ಸೂಚನೆಯನ್ನು ನೀಡಿದೆ.
ಈ ವರ್ಷದಿಂದ ಎನ್‌ಟಿಎ ನೀಟ್‌ ಯುಜಿ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳು ಪ್ರತ್ಯೇಕವಾಗಿ ಕೆಇಎ ವೆಬ್‌ಸೈಟ್‌ನಲ್ಲಿ ಅರ್ಜಿ ಸಲ್ಲಿಸುವ ಬದಲು, ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಕೆಸಿಇಟಿ'ಗೆ ಅರ್ಜಿ ಸಲ್ಲಿಸುವ ವೇಳೆಯೇ ಕಾಮನ್ ಅಪ್ಲಿಕೇಶನ್‌ ಅನ್ನು ಸಲ್ಲಿಸಬೇಕು ಎಂದು ಸೂಚಿಸಿದ್ದಾರೆ ಕೆಇಎ ಕಾರ್ಯನಿರ್ವಾಹಕ ನಿರ್ದೇಶಕಿ ಎಸ್‌ ರಮ್ಯಾ ರವರು
ಈ ಮೊದಲು ಕೆಸಿಇಟಿ ಪರೀಕ್ಷೆ ಬರೆಯುವವರು ಮಾತ್ರ ಅರ್ಜಿ ಸಲ್ಲಿಸುತ್ತಿದ್ದರು. ನೀಟ್‌ ಪರೀಕ್ಷೆ ಬರೆಯುವವರು ಅದರ ಫಲಿತಾಂಶ ಬಂದ ನಂತರದಲ್ಲಿ ಮೆಡಿಕಲ್ ಕೋರ್ಸ್‌ಗಳಿಗೆ ಕೆಇಎ ಕೌನ್ಸಿಲಿಂಗ್ ನಲ್ಲಿ ಪಾಲ್ಗೊಳ್ಳಲು ಮತ್ತೆ ಅರ್ಜಿಗೆ ಅವಕಾಶ ನೀಡಲಾಗುತ್ತಿತ್ತು. ಆದರೆ ಈ ಬಾರಿ ಕಾಮನ್ ಅಪ್ಲಿಕೇಶನ್‌ ಇರಲಿದೆ. ಸೀಟ್ ಅಲಾಟ್ಮೆಂಟ್‌ಗಾಗಿ ನೀಟ್‌ ರಿಸಲ್ಟ್‌ ನಂತರ ಅರ್ಜಿ ಸಲ್ಲಿಸುವ ಬದಲು ಈಗಲೇ ಅರ್ಜಿ ಸಲ್ಲಿಸಬೇಕು. ಅಲ್ಲದೇ ಇದು ಅಪ್ಲಿಕೇಶನ್‌ ಹಾಗೂ ವೆರಿಫಿಕೇಶನ್‌ ಮೋಡ್‌ ನಲ್ಲಿ ಇರಲಿದ್ದು, ದಾಖಲೆ ಪರಿಶೀಲನೆಗೆ ಮತ್ತೆ ಅರ್ಜಿ ಸಲ್ಲಿಸುವ ಅಗತ್ಯ ಇರುವುದಿಲ್ಲ. ಈ ಬಾರಿ ಇಂಜಿನಿಯರಿಂಗ್ ಹಾಗೂ ಮೆಡಿಕಲ್ ಕೋರ್ಸ್‌ಗಳಿಗೆ ಕಾಮನ್ ಆಗಿ ಈಗಲೇ ಅರ್ಜಿ ಸ್ವೀಕಾರ ಮಾಡಲಾಗುತ್ತಿದೆ ಎಂದಿದ್ದಾರೆ ಎಸ್‌ ರಮ್ಯಾ ರವರು.
ಎನ್‌ಟಿಎ ನೀಟ್‌ ಯುಜಿಗೆ ಅರ್ಜಿ ಕರೆದಾಗ ಅದಕ್ಕೂ ಅರ್ಜಿ ಸಲ್ಲಿಸಿ ಮೆಡಿಕಲ್ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಬೇಕು. ಸೀಟ್ ಅಲಾಟ್ಮೆಂಟ್‌ಗೆ ಎಕ್ಸಾಮ್‌ ರಿಸಲ್ಟ್‌ ನಂತರ ಇದ್ದ ಅರ್ಜಿ ಪ್ರಕ್ರಿಯೆ ಇನ್ಮುಂದೆ ಇರುವುದಿಲ್ಲ. ಈಗಲೇ ಕೆಸಿಇಟಿಗೂ ಅರ್ಜಿ ಹಾಕಬೇಕು. ನೀಟ್‌ ಯುಜಿ ಫಲಿತಾಂಶ ಬಂದ ನಂತರ, ಒಂದು ಸಣ್ಣ ಇಂಟರ್‌ಫೇಸ್‌ ಆಯ್ಕೆಯನ್ನು ನೀಟ್‌ ಬರೆದವರಿಗೆ ನೀಡಲಿದ್ದು, ಅಲ್ಲಿ ನೀಟ್‌ ಯುಜಿ ಅರ್ಜಿ ಸಂಖ್ಯೆ, ಫಲಿತಾಂಶವನ್ನು ಫಿಲ್‌ ಮಾಡಬೇಕು ಅಷ್ಟೆ.
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಈ ಬಾರಿ ಸ್ವೀಕಾರ ಮಾಡಲಿರುವ ಕಾಮನ್ ಅಪ್ಲಿಕೇಶನ್‌ ಮತ್ತು ವೆರಿಫಿಕೇಶನ್‌ ಮೋಡ್‌ನ ಅರ್ಜಿ ಸಲ್ಲಿಕೆ ವಿಧಾನ ಹೇಗಿರುತ್ತದೆ ಎಂದು ತಿಳಿಯಲು ಹಾಗೂ ಇತರೆ ಹೆಚ್ಚಿನ ಮಾಹಿತಿಗೆ ಕೆಳಗಿನ ಲಿಂಕ್ ಅನ್ನು ಕ್ಲಿಕ್ ಮಾಡಿ ವಿಡಿಯೋ ನೋಡಿಕೊಳ್ಳಬಹುದು.
KCET 2024 Application Demo Video - Click Here
ಕೆಸಿಇಟಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮೀಸಲಾತಿ ವಿವರಗಳನ್ನು ನೀಡಬಹುದು, ಯಾವ ಕೋರ್ಸ್‌ಗೆ ಎಂದು ಆಯ್ಕೆ ಮಾಡಬೇಕು, ಕೆಸಿಇಟಿ / ನೀಟ್‌ ಎಂದು ಆಯ್ಕೆ ಮಾಡಬೇಕು. ಅರ್ಜಿ ಶುಲ್ಕ ಒಂದೇ ಇರಲಿದ್ದು, ಆನ್‌ಲೈನ್‌ ಮೂಲಕ ಪಾವತಿಸಬೇಕು. ಅರ್ಜಿ ಸಲ್ಲಿಸಿದ ನಂತರ ಒಂದು ಮಾಹಿತಿ ತಿದ್ದುಪಡಿ ಮಾಡಬೇಕಾದಲ್ಲಿ, ಹಳೆಯ ಮಾಹಿತಿಯನ್ನು ಡಿಲೀಟ್ ಮಾಡಿ, ಹೊಸ ಮಾಹಿತಿ ನೀಡಬಹುದು. ಅಂತಿಮವಾಗಿ ಅರ್ಜಿಯನ್ನು ಅಭ್ಯರ್ಥಿಗಳು ಪ್ರಿಂಟ್ ತೆಗೆದುಕೊಳ್ಳಬೇಕು.
ಅರ್ಜಿ ಸಲ್ಲಿಸಲು ಬೇಕಾದ ದಾಖಲೆಗಳು
- ಆಧಾರ್ ಕಾರ್ಡ್
- ಎಸ್‌ಎಸ್‌ಎಲ್‌ಸಿ ಅಂಕಪಟ್ಟಿ
- ಜನ್ಮ ದಿನಾಂಕ ದಾಖಲೆ
- ದ್ವಿತೀಯ ಪಿಯುಸಿ ಅಂಕಪಟ್ಟಿ
- ಮೀಸಲಾತಿ ಕೋರುವವರು ಸಂಬಂಧಿಸಿದ ದಾಖಲೆ
- ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ
- ಕೃಷಿ ಕೋಟಾದಡಿ ಮೀಸಲಾತಿ ಕೋರುವವರು ದಾಖಲೆ ಪ್ರಸ್ತುತ ಪಡಿಸಬೇಕು.
- ಇತರೆ ಅಗತ್ಯ ದಾಖಲೆಗಳು
ಯುಜಿ ಸಿಇಟಿ ಅಥವಾ ಕೆಸಿಇಟಿ 2024 ಏಕೆ ಬರೆಯಬೇಕು?
ಕರ್ನಾಟಕ ರಾಜ್ಯದ ಸರ್ಕಾರಿ, ಅನುದಾನಿತ, ಅನುದಾನರಹಿತ ಖಾಸಗಿ ಕಾಲೇಜುಗಳು / ವಿವಿಗಳಲ್ಲಿ ಇಂಜಿನಿಯರಿಂಗ್, ಪಶುವೈದ್ಯಕೀಯ, ಕೃಷಿ ವಿಜ್ಞಾನ, ವೈದ್ಯಕೀಯ, ದಂತ ವೈದ್ಯಕೀಯ, ಆಯುಷ್, ನರ್ಸಿಂಗ್, ಫಾರ್ಮಸಿ, ವಾಸ್ತುಶಿಲ್ಪ, ಅರೆವೈದ್ಯಕೀಯ ಕೋರ್ಸ್‌ಗಳು, ಬಿಪಿಒ, ಬಿಪಿಟಿ, ಎಹೆಚ್‌ಎಸ್‌ ಪದವಿ ಕೋರ್ಸ್‌ಗಳ ಪ್ರವೇಶಾತಿ ಪ್ರಕ್ರಿಯೆಯ ಕೌನ್ಸಿಲಿಂಗ್‌ನಲ್ಲಿ ಪಾಲ್ಗೊಳ್ಳಲು ಕೆಸಿಇಟಿ ಪರೀಕ್ಷೆ ಬರೆಯಬೇಕು.